ⵜⴰⵎⵔⵙⵍⵜ ⵎⵓⵃⵎⵎⴷ ⵡⵉⵙⵙ ⵙⵎⵎⵓⵙ ⵏ ⵜⵏⴱⴷⴰⴷⵜ ⴰⴷ ⵉⵙⴽⵔⵏ ⵙⵉⵏ ⵉⵙⵏⵜⵉⵏ ⴰⴷ, ⵍⵍⵉ ⵢⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵍⴱⴷⵓ ⵏ ⵜⵡⵓⵔⵉⵡⵉⵏ ⵏⵏⵙⵏ ⴳ 10 ⵉⵏⵏⴰⵢⵔ 2017.
ⵉⵟⵟⴼ ⵓⵎⵎⴰⵙ ⵏ ⵓⵙⵙⵏⵊⵉ ⴰⵎⵣⵡⵓⵔⴰ, ⵍⵍⵉ ⵢⴱⵉⴷⴷⵏ ⵅⴼ ⴰⴳⵣⵣⵓⵎ ⵏ ⵡⴰⴽⴰⵍ ⵏ ⵓⵙⴰⵢⵔⴰⵔ ⵏ 630 ⴰⵎⵉⵜⵔⵓ ⴰⵎⴽⴽⵓⵥ ⵉⵜⵜⵓⵙⴽⴰⵔⵏ ⵙ 10 ⴰⵎⵍⵢⵓⵏ ⵏ ⴷⴷⵔⵀⵎ ⴷ ⵎⴰ ⵢⴰⴷ ⵉⴳⴰⵏ ⵜⴰⵢⴰⴼⵓⵜ ⵏ ⵜⴷⵔⴰⵡⵜ ⴳⵔ ⵜⵎⵔⵙⴰⵍⵜ ⵎⵓⵃⵎⵎⴷ ⵡⵉⵙⵙ ⵙⵎⵎⵓⵙ ⵏ ⵜⴱⴷⴰⴷⵜ ⴷ ⵜⵎⴰⵡⴰⵙⵜ ⵏ ⵜⴷⵓⵙⵉ, ⴰⴳⵣⵣⵓⵎ ⵏ ⵓⵖⴰⵡⵍ ⵏ ⵜⴷⵓⵙⵉ (ⵜⴰⵣⵇⵇⴰ ⵏ ⵓⵣⵣⵔⴰⵢ ⴷ ⵜⴰⵏⴰⵢⵜ ⴷ ⵍⴳⴱⵚ ⴷ ⵏ ⵓⵙⵙⵏⵊⵊⵉⵏ), ⴷ ⵓⴳⵣⵣⵓⵎ ⵉⵜⵜⵓⵙⵎⴰⴳⵍⵏ ⵙ ⵉⵎⴰⴹⵓⵏⵏ ⵉⵛⵇⵇⴰⵏ (ⵣⵓⵏⴷ ⵉⵎⴰⴹⵓⵏⵏ ⵏ ⵓⵍ ⴷ ⵏ ⵜⵉⵟⵟ ⵏ ⵍⵖⵓⴷⴰⴷ".
ⵍⵍⴰⵏ ⵙⵓⵍ ⴳ ⵚⴱⵉⵟⴰⵕ ⵏ ⵡⴰⵣⴰⵍ ⵜⵉⵣⵇⵇⴰ ⵏ ⵓⵙⵙⵏⵊⵊⵉ ⵏ ⵉⵎⵉ ⴷ ⵓⵅⵙ, ⴷ ⵓⵣⵣⴰⵢ ⵙ ⴰⵥⵏⵥⴰⵕ, ⴷ ⴰⴳⵣⵣⴰⵢ, ⴷ ⵜⴰⴷⵓⵙⵉ ⵏ ⵉⵎⴰ, ⴷ ⴰⵙⴼⵙⵉ ⵏ ⵜⴷⵓⵙⵉ, ⴷ ⵜⴰⵙⴰⵙⴼⵔⵜ, ⵓⵍⴰ ⵉⵙ ⴳⵉⵙ ⵍⵍⴰⵏⵜ ⵜⵢⴰⴼⵓⵜⵉⵏ ⵏ ⵓⵙⴼⵔⴽ ⵏ ⵉⵙⴷⵓⵙ ⵏ ⵜⵎⵙⴽⵔⵉⵏ ⵜⵉⴼⵓⵍⴽⵉⵏ ⵏ ⵜⴷⵓⵙⵉ ⴷ ⵏ ⵜⵣⴷⴳⵉ.
ⵉⴳⴰ ⵡⵙⵏⵜⵉ ⵡⵉⵙⵙ ⵙⵉⵏ, ⵍⵍⵉ ⵢⵕⵥⵎ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴳ ⴰⵙⵙ ⴰⴷ, ⴰⵎⵎⴰⵙ ⵏ ⵜⴷⵓⵙⵉ ⵏ ⵉⵎⵏⴳⴰⴹⵏ ⴳ ⵜⵙⵓⴽⵜ ⵏ ⵍⵎⵍⵍⴰⵃ, ⵎⴰⴷ ⵉⴳⴰⵏ ⵡⵉⵙⵙ ⵙⵉⵏ ⵍⵍⵉ ⵜⵙⴽⵔ ⵜⵎⵔⵙⵍⵜ ⵎⵓⵃⵎⵎⴷ ⵡⵉⵙⵙ ⵙⵎⵎⵓⵙ ⴳ ⵓⵙⵉⵡⵔ ⵏ ⵜⵖⵔⵎⵜ ⵏ ⵎⵕⵕⴰⴽⵯⵛ.
ⵉⴽⵛⵎ ⵓⵖⴰⵡⴰⵙ ⴰⴷ (4 ⴰⵎⵍⵢⵓⵏ ⵏ ⴷⴷⵔⵀⵎ), ⵎⴰ ⵢⴰⴷ ⵉⴳⴰⵏ ⵢⴰⵏ ⴰⵎⵉⴽⴰⵏⵉⵣⵎ ⵉⴼⵓⵍⴽⵉⵏ ⵏ ⵓⵙⵏⵊⵊⵉ ⴷ ⵏ ⵓⴼⴰⵔⴽ ⴷ ⵏ ⵓⴽⴰⵣ ⴷ ⵏ ⵓⵎⵓⵏ ⵏ ⵜⵙⵏⵉⵊⵊⵉⵜ ⵜⴰⵏⵢⵉⵎⴰⵏⵜ ⴷ ⴰⵏⴰⵎⵓⵏ, ⴳ ⵓⵙⴰⵜⵉ ⵏ ⵢⴰⵏ ⵓⵖⴰⵡⴰⵙ ⴰⵏⴰⵎⵓⵔ ⵏ ⵓⵙⴱⴷⴷⵉⴷ ⵏ ⵜⵎⵙⴽⴰⵔⵉⵏ ⵏ ⵉⵎⵏⴳⴰⴹⵏ, ⵍⵍⵉ ⵢⴱⴷⴰ ⵡⵣⴳⴳⵉⵔ ⵏⵏⵙ ⴳ 2010 ⵙⴳ ⵜⵎⵔⵙⴰⵍⵜ ⵎⵓⵃⵎⵎⴷ ⵡⵉⵙⵙ ⵙⵎⵎⵓⵙ ⵏ ⵜⴱⴷⴰⴷⵜ, ⵙ ⵜⴷⵔⴰⵡⵜ ⵏ ⵜⵎⴰⵡⴰⵙⵜ ⵏ ⵜⴷⵓⵙⵉ ⴷ ⵜⵎⴰⵡⴰⵙⵜ ⵏ ⵓⴳⵏⵙⵓ.
ⴰⵎⵎ ⵉⵎⵎⴰⵙⵏⵏ ⵍⵍⵉ ⵜⵙⴽⵔ ⵜⵎⵔⵙⴰⵍⵜ ⴳ ⴹⴹⴰⵕⵍⴱⵉⴹⴰ ⴷ ⵕⵕⴱⴰⵟ ⴷ ⵡⵊⴷⴰ ⴷ ⵏⵏⴰⴹⵓⵕ ⴷ ⵎⵕⵕⴰⴽⵯⵛ (ⵜⴰⵙⵓⴽⵜ ⵏ "ⴳⵉⵍⵉⵣ") ⴷ ⵜⵉⵟⵡⴰⵏ ⴷ ⵟⴰⵏⵊⴰ ⴷ ⴼⴰⵙ ⴷ ⴰⴳⴰⴷⵉⵔ ⴷ ⵎⴽⵏⴰⵙ, ⵔⴰⴷ ⵉⵙⵎⵏⵉⴷ ⵓⵎⵎⴰⵙ ⵏ ⵉⵎⵏⴳⴰⴹⵏ ⴰⵎⴰⵢⵏⵓ ⵢⴰⴷ ⴰⴼⴰⵔⴽ ⴷ ⴰⵃⵟⵟⵓ ⵙⴳ ⵜⵎⵜⵜⴰ ⵏ ⵓⵙⵏⴱⴱⵓⴳ.
ⵉⵍⵍⴰ ⴳ ⵓⵎⴰⵙⵙ ⵏ ⵜⴷⵓⵙⵉ ⵏ ⵉⵎⵏⴳⴰⴹⵏ ⴳ ⵜⵙⵓⴽⵜ ⵏ ⵍⵎⵍⵍⴰⵃ, ⵍⵍⵉ ⵢⵍⴽⵎ ⵓⵙⴰⵢⵔⴰⵔ ⵏⵏⵙ 460 ⴰⵎⵉⵜⵔⵓ ⴰⵎⴽⴽⵓⵥ, ⵢⴰⵏ ⴰⴳⵊⴷⵉ ⵏ ⵓⵎⵓⵏ ⴰⵏⴰⵎⵓⵏ, ⴷ ⴰⴳⵊⴷⵉ ⵏ ⵜⴷⵓⵙⵉ ⵉⵍⵍⴰ ⴳⵉⵙ ⵜⵉⵣⵇⵇⴰⵏ ⵏ ⵓⵙⵙⵏⵊⵊⵉ, ⴷ ⵓⵣⵣⵔⴰⵢ ⴳ ⵜⴷⵓⵙⵉ ⵜⴰⵎⴰⵜⴰⵢⵜ, ⴷ ⵜⴰⴷⵓⵙⵉ ⵏ ⵓⵍⵅⴼ, ⴷ ⵜⴰⴷⵓⵙⵉ ⵏ ⵉⵎⵏⴳⴰⴹⵏ.
ⵔⴰⴷ ⵉⵜⵜⵓⵙⴳⴳⴰⵔ ⵓⵎⵎⴰⵙ ⴰⴷ ⵙⴳ ⵜⵎⴰⵡⴰⵙⵜ ⵏ ⵜⴷⵓⵙⵉ ⵙ ⵜⴷⵔⴰⵡⵜ ⵏ ⵜⵎⵙⵎⵓⵏⵜ ⵜⴰⵎⵏⴰⴹⵜ "ⴱⴰⵕⴰⴽⴰ ⵉⴷⵎⴰⵏ".
ⴳ ⵓⵣⵎⵣⵣⵓ ⴷⵖ, ⵉⵙⵙⵉⵅⴼ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵕⵚ ⵕⵕⴱⵉ, ⵜⵉⴽⴽⵉ ⵏ ⵜⵎⵙⵙⵓⴷⵓⵜ ⵏ ⵉⵎⵓⴹⴰⵏ ⵉ ⵡⵎⵎⴰⵙ ⵏ ⵜⴷⵓⵙⵉ ⵜⴰⵎⵣⵡⴰⵔⵓⵜ, ⴷ ⵓⴳⵣⵓⵎ ⵏ ⵓⵙⵜⴰⵢ ⵏ ⵓⵎⵎⴰⵙ ⵏ ⵉⵎⵏⴳⴰⴹⵏ, ⴷ ⴰⴳⵣⵣⵓⵎ ⵉⵜⵜⵎⵓⵜⵜⵓⵢⵏ ⵉⴳⴰⵏ ⵉ ⵡⵎⵎⴰⵙ ⵏ ⵜⴷⵓⵙⵉ ⵏ ⵉⵎⵏⴳⴰⴹⵏ.
ⵎⴰⵏⵏ ⵎⵏⵏⴰⵡ ⵏ ⵉⴼⴹⵏ ⵏ ⵎⴷⴷⵏ ⵏ ⵜⵖⵔⵎⵜ ⵜⴰⵇⴱⵓⵕⵜ ⴳ ⵓⵣⵎⵣⵣⵓ ⴷⵖ, ⴳ ⵓⵖⴰⵔⴰⵙ ⵍⵍⵉ ⵢⴱⴱⵉ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⵎⵔⴰ ⴰⴷ ⵎⵍⵉⵏ ⴰⵙⵖⵓⴷ ⵏⵏⵙⵏ ⵉⵔⵖⴰⵏ ⵉ ⴱⴰⴱ ⵏ ⵡⴰⴷⴷⵓⵔ ⵅⴼ ⵓⵣⵔⴰⴼ ⵉⵅⴰⵜⴰⵔⵏ ⴰⴷ.