"ⵉⵙⵏⵓⴱⴳ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ , ⴰⴷ ⵜⵉⵏⵚⵕ ⵕⵕⴱⵉ ⴰⵙⵙ ⵏ ⵓⵙⵉⵎⵡⴰⵙ 25 ⵉⵏⵏⴰⵢⵔ 2019 ⵓⵎⴰⵡⵙⴰⵙ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⵏ ⵜⴼⵉⴷⵉⵕⴰⵍⵉⵜ ⵜⴰⵔⵓⵙⵉⵜ , ⵎⴰⵙⵙ ⵙⵉⵔⴳⵉ ⵍⴰⴼⵔⵓⴼ , ⵍⵍⵉ ⵢⵙⴽⵔ ⵢⴰⵏ ⵓⵔⵣⴰⴼ ⴰⵎⴰⴷⴷⵓⴷ ⵉ ⵍⵎⵖⵔⵉⴱ ⴳ ⵓⵙⴰⵜⵉ ⵏ ⵓⵙⴷⵓⵙ ⵏ ⵜⵓⵇⵇⵏⵉⵏ ⴳⵔ ⵜⴳⵍⴷⵉⵜ ⵏ ⵍⵎⵖⵔⵉⴱ ⴷ ⵜⴰⴼⵉⴷⵉⵕⴰⵍⵉⵜ ⵜⴰⵔⵓⵙⵉⵜ.
ⵉⴳⵛⵎ ⵓⵙⵏⵓⴱⴳ ⴰⴷ ⴳ ⵓⵙⴰⵜⵉ ⵏ ⵜⴷⵔⴰⵡⵜ ⵜⴰⵙⵜⵔⴰⵜⵉⵊⵉⵜ ⵓⵖⴱⵓ , ⵍⵍⵉⵖ ⵉⴹⴼⵕⵏ ⴳ ⵓⵣⵎⵣⵣⵓ ⵏ ⵓⵔⵣⴼ ⴰⵎⵣⵔⵓⵢ ⵍⵍⵉ ⵢⵙⴽⵔ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵉ ⵎⵓⵙⴽⵓ ⴳ ⵎⴰⵕⵚ 2016.
ⴷ ⵉⵜⵜⵓⵎⵍⴰ ⵡⵙⴳⵓⵏⴼⵓ ⵏ ⵓⵣⵣⴳⵉⵔ ⵏ ⵉⵙⵏⵜⵉⵏ ⴷ ⵜⵉⵙⵏⵜⴰⵢⵜⵉⵏ ⵜⵅⴰⵜⴰⵔⵉⵏ , ⴳ ⵓⵣⵎⵣⵣⵓ ⵏ ⵜⴰⴷⵔⴰⵡⵜ ⴰⴷ, ⴳ ⵉⴳⵔⵏ ⵖⵓⵔⵙⵏ ⴰⴷⴷⵓⵔ ⴰⵎⵣⵡⴰⵔⵓ ⴰⵎⵎ ⵜⴰⵏⴼⵍⴰⵃⵜ ⴷ ⵜⴰⴳⵎⵔⵜ ⵜⴰⵢⵍⴰⵏⵜ ⴷ ⵜⴰⵥⴹⴰⵕⵜ ⴷ ⵜⴰⵎⴳⵓⵔⵉ ⴷ ⵜⴰⵎⴰⵍⴰⵢⵜ .
ⵉⵙⵎⴰⵢⵏⵓ ⴱⴰⴱ ⵏ ⵡⴰⴷⴷⴷⵓⵔ ⴰⴳⵍⵍⵉⴷ , ⵙ ⵓⵣⵎⵣⵣⵓ ⴷⵖ , ⵜⴰⵖⵓⵔⵉ ⵉ ⵎⴰⵙⵙ ⴼⵍⴰⴷⵉⵎⵉⵕ ⴱⴱⵓⵜⵉⵏ , ⵓⵏⵙⵙⵉⵅⴼ ⵏ ⵜⴼⵉⴷⵉⵕⴰⵍⵉⵜ ⵏ ⵕⵓⵙⵢⴰ , ⴰⴷ ⵉⵙⴽⵔ ⵢⴰⵏ ⵓⵔⵣⴼ ⴰⵎⴰⴷⴷⵓⴷ ⵉ ⵍⵎⵖⵔⵉⴱ.
ⴷ ⵓⵙⵙⴰⵢ ⵓⵎⴰⵡⵙⴰⵙ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴰⵕⵓⵙⵉ ⵉ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ , ⵜⴰⴱⵔⴰⵜ ⵏ ⵜⵉⴷⴷⵓⴽⵍⴰ ⴷ ⵉⵣⵓⵍ ⵙⴳ ⵎⴰⵙⵙ ⴼⵍⴰⴷⵉⵎⵉⵔ ⴱⵓⵜⵉⵏ , ⵓⵏⵙⵙⵉⵅⴼ ⵏ ⵜⴰⴼⵉⴷⵉⵕⴰⵍⵉⵜ ⵏ ⵕⵓⵙⵢⴰ , ⴷ ⵉⵣⵓⵍ ⵏ ⵜⴰⵏⵙⵙⵉⵅⴼⵜ ⵏ ⵜⵉⵙⴳⵉⵡⵉⵏ ⴷ ⵓⵎⴰⴹⴰⵍ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ.
ⴷ ⵜⵅⵚⵚⴰ ⵉⵎⴹⴽⴰⵕⵏ ⵎⵍⵍⴰⵡ ⵏ ⵜⵖⴰⵡⵙⵉⵡⵉⵏ ⵏ ⵜⵉⵙⴳⵉⵡⵉⵏ ⴷ ⵜⵉⵎⴰⴹⵍⴰⵏⵉⵏ ⵖⵓⵔⵙⵏ ⴰⴷⴷⵓⵔ ⵉⵛⵛⴰⵔⵏ ⵍⵍⵓⵎⵏ ⵛⵛⵔⵇ ⴰⵏⴰⵎⴰⵙ ⴷ ⵉⴼⵔⵉⵇⵢⴰ.
ⵉⵙⵙⵏ ⵓⵙⵏⵓⴱⴳ ⴰⴷ ⵜⴰⴷⵔⴰⵡⵜ ⵏ ⵎⴰⵙⵙ ⵎⵉⵅⴰⵉⵍ ⴱⵓⴳⴷⴰⵏⵓⴼ ⵉⵎⴰⵔⵉ ⵏ ⵓⵎⴰⵡⵙⴰⵙ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⴼⴰⵍⵉⵢⵔⴰⵏ ⵛⵓⴼⴰⴼⴰⵢⵉⴼ ⴰⵎⵙⵇⴰⴷ ⵏ ⵕⵓⵙⵢⴰ ⴳ ⵜⴳⵍⴷⵉⵜ ⵏ ⵍⵎⵖⵔⵉⴱ ⴷ ⴰⵍⵉⴽⵙⵏⴷⵉⵔ ⴽⵉⵏⵜⵛⴰⴽ ⴰⵏⵎⵀⴰⵍ ⵏ ⵜⴰⵣⵓⵏⵉ ⵍⵇⴱⵍⵜ ⴰⵏⴰⵎⴰⵙ ⴷ ⵉⵥⵥⵍⵎⴹ ⵏ ⵉⴼⵔⵉⵇⵢⴰ ⴳ ⵜⴰⵎⴰⵡⴰⵙⵜ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⵙⴳ ⵜⵉⴼⵓⵍⵜ ⵜⴰⵔⵓⵙⵉⵜ ⴷ ⵙⴳ ⵜⵉⴼⵓⵍⵜ ⵜⵎⵖⵔⴰⴱⵉⵜ ⵉⵎⵛⵉⵡⵔⵏ ⵏ ⴱⴰⴱ ⵏ ⵡⴰⴷⴷⴷⵓⵔ ⴰⴳⵍⵍⵉⴷ ⵎⴰⵙⵙ ⴼⵓⴻⴰⴷ ⵄⴰⵍⵉ ⵍⵀⵉⵎⵎⴰ ⴷ ⵄⴱⴷ ⵍⴰⵟⵉⴼ ⵍⵎⴰⵏⵏⵓⵏⵉ , ⴷ ⵓⵎⴰⵡⵙⴰⵙ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ ⴰⵎⴰⴹⵍⴰⵏ ⵏⴰⵚⵕ ⴱⵓⵕⵉⵟⴰ".