ⵔⴰⴷ ⵉⵣⵔⵉ ⵡⵣⵔⵉⴳ ⴰⵎⴰⵢⵏⵓ ⵢⴰⴷ, ⵍⵍⵉ ⵢⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵍⴱⴷⵓ ⵏ ⵜⵡⵓⵔⵉⵡⵉⵏ ⵏⵏⵙ ⴳ 25 ⵉⵏⵏⴰⵢⵔ 2016 ⴳ ⵓⵣⴰⵔⵓ ⵏ 15 ⴰⴽⵉⵍⵓⵎⵉⵜⵔ, ⵉⴳⵊⴷⵉⵏ ⵏ "ⵙⵉⴷⵉ ⵍⴱⵕⵏⵓⵚⵉ", ⴷ "ⵄⵉⵏ ⵙⵙⴱⵄ", ⴷ "ⵍⵃⴰⵢⵢ ⵍⵎⵓⵃⵎⵎⴰⴷⵉ" ⴷ "ⴷⵔⴱ ⵚⵚⵍⵟⴰⵏ" ⴷ "ⵍⴼⵉⴷⴰ" ⴷ "ⴰⵏⵡⴰⵍ", ⴷⴰⵜ ⴰⴷ ⵉⵍⴽⵎ ⴰⴳⵣⵣⵓⵎ ⵉⵙⵎⴰⵏⵏ ⴳⵔ "ⴷⵔⴱ ⵖⵍⵍⴼ" ⴷ "ⴱⵓⵙⵉⵊⵓⵔ" ⴷ ⴰⴳⵊⴷⵉ ⴰⵎⵥⵕⴼⴰⵏ ⵏ ⴹⴹⴰⵕⵍⴱⵉⴹⴰ (ⴽⴰⵥⴰ ⴼⴰⵢⵏⴰⵏⵙ ⵙⵉⵜⵉ), ⴷ ⵍⵃⴰⵢⵢ ⵍⵃⴰⵙⴰⵏⵉ, ⵍⵍⵉ ⵢⵍⴽⵎⵏ ⵜⵖⵣⵉ ⵏⵏⵙ 8 ⴰⴽⵉⵍⵓⵎⵉⵜⵔ, ⴷ ⵍⵍⵉ ⵢⴱⴷⴰⵏ ⵜⵡⵓⵔⵉ ⵏⵏⵙ ⴳ 12 ⴷⵓⵊⴰⵏⴱⵉⵔ 2012 ⵙ ⵓⵣⵎⵣⵣⵓ ⵏ ⵓⵕⵥⵥⵓⵎ ⵏ ⵓⵣⵔⵉⴳ ⴰⵎⵣⵡⴰⵔⵓ.
ⵖⵉⴽⴰⵏⵏ, ⵔⴰⴷ ⵉⵣⵔⵉ ⵡⵣⵔⵉⴳ ⵡⵉⵙⵙ ⵙⵉⵏ ⵏ ⵟⵟⵕⴰⵎⵡⵉⵢ, ⵍⵍⵉ ⵢⵟⵟⴰⴼⵏ ⴽⵕⴰⴹ ⵏ ⵉⵙⵔⵙⵏ ⵉⵙⵏⴼⵍⴰⵏ ⴷ ⵓⵣⵔⵉⴳ ⴰⵎⵣⵡⴰⵔⵓ, ⴳ ⵓⵙⵡⵉⵔ ⵏ ⵉⵙⵔⵙⵏ "ⵄⴱⴷ ⵍⵎⵓⵎⵏ ⴰⵏⵡⴰⵍ" ⴷ "ⴱⵏ ⵜⴰⵛⴼⵉⵏ-ⵎⴷⴰⴽⵕⴰ" ⴷ "ⵄⴰⵍⵉ ⵢⵄⵜⴰ-ⴽⴰⵔⵢⴰⵏ ⵚⵏⵟⵕⴰⵍ", ⴷ 9 ⵏ ⵜⴳⵔⵉⵡⵉⵏ ⵜⵉⵖⵔⵎⴰⵏⵉⵏ, ⵉⴼⴽⴰ ⵙ ⵖⵉⴽⴰⵏⵏ ⵜⵉⵏⴰⴼⵓⵜⵉⵏ ⵉ ⵢⵎⵣⴷⵓⵖⵏ ⵏ ⵓⴳⴳⴰⵔ ⵏ ⵓⵎⵍⵢⵓⵏ ⵓⴼⴳⴰⵏ, ⵙ 33 ⵉⵙⵔⵙⵏ, 20 ⴳⵉⵜⵙⵏ ⴳⴰⵏⵜ ⵜⵉⵎⴰⵢⵏⵓⵜⵉⵏ.
ⴳ ⵍⴱⴷⵓ, ⵔⴰⴷ ⵜⵜⵓⵙⵔⴰⵙⵏ 16 ⵏ ⵜⵍⴷⵉⵜⵉⵏ ⵏ ⵓⵢⵓⴳⵏ ⵉⵍⴽⵎⵏ ⵜⵖⵣⵉ ⵏⵏⵙⵏ 64 ⴰⵎⵉⵜⵔⵓ ⴳ ⵓⵣⵔⵉⴳ ⵡⵉⵙⵙ ⵙⵉⵏ ⵏ ⵟⵟⵕⴰⵎⵡⵉⵢ, ⵔⴰⴷ ⵉⵍⴽⵎ ⵙⵓⵍ ⴰⵟⵟⵓⵏ ⵏⵏⵙ 25 ⵜⵓⵍⴷⵉⵜⵉⵏ, ⴷ ⵔⴰⴷ ⵉⴳⵣⵣⵓⵍ ⵓⵣⵎⵣ ⵉⵍⵍⴰⵏ ⴳⵔ ⵙⵉⵏ ⵉⵏⵎⴷⴷⵓⴷⵏ ⵙ ⵢⴰⵏ ⵓⵙⵏⴰⴳⵔ ⵉⵣⵔⵉⵏ ⵙⴳ 9 ⵜⵓⵙⴷⵉⴷⵉⵏ ⴰⵔ 6 ⵜⵓⵙⴷⵉⴷⵉⵏ ⴳ ⵓⵙⴰⵔⴳ ⵍⵍⵉⵖ ⵙⵓⴳⴰⵣⵏ ⵎⴷⴷⵏ.
ⴱⵍⴰ ⵏ ⵓⵙⵏⵜⵉ ⵢⴰⴷ, ⵍⵍⵉ ⵢⵙⵎⴰⵏⵏ ⵉⵙⵙⵓⵔⵏ ⵏ 3,777 ⴰⵎⵍⵢⴰⵕ ⵏ ⴷⴷⵔⵀⵎ, ⵜⵜⵓⵙⴽⴰⵔⵏ ⵉⵎⵎⴰⵙⵏ ⵏ ⵓⵏⵀⵍⵍⴰ ⴳ ⵜⵙⵓⴽⵜ "ⵙⵉⴷⵉ ⵍⴱⵕⵏⵓⵚⵉ", ⵎⴰ ⵢⴰⴷ ⵉⴳⴰⵏ ⵉ ⵜⴼⵔⵓⵜ ⵏ ⵜⵎⵀⵍⵉⵡⵉⵏ ⵏ ⵍⵉⵚⵍⴰⵃ ⴷ ⵓⵃⴹⵓ ⵏ ⵉⵎⴰⵙⵙⵏ.
ⴱⵍⴰ ⵏ ⵓⵙⵓⴼⵖ ⵏ ⵓⵣⵔⵉⴳ ⵡⵉⵙⵙ ⵙⵉⵏ, ⵜⵙⴷⵓⵙ ⵜⵣⵟⵟⴰ ⵏ ⵟⵟⵕⴰⵎⵡⵉⵢ ⵙ ⵓⵙⵓⵙⵄⵓ ⵏ ⵓⵣⵔⵉⴳ ⴰⵎⵣⵡⴰⵔⵓ ⵙ ⵙⵉⵏ ⵉⴽⵉⵍⵓⵎⵉⵜⵔⵏ ⵎⵔⴰ ⴰⴷ ⵉⵍⴽⵎ ⵜⵉⵙⵓⴽⵉⵏ ⵏ "ⵍⵍⴰⵢⵎⵓⵏ" ⴷ "ⴼⵍⵓⵕⵉⴹⴰ" ⴷ "ⵍⵉⵙⴰⵙⴼⴰ" ⵙⴳ ⵓⵙⴰⵔⵙ ⵏ ⵜⴰⵎⵎ ⵏ ⵓⴱⵔⵉⴷ ⵏ "ⵜⵖⵉⵡⵏⵜⵉⵏ", ⵎⴰ ⵢⴰⴷ ⵉⵙⵎⴰⵏⵏ ⵜⴰⴱⵔⴰⴷⵜ ⵏ ⵉⵇⴰⵕⵉⴹⵏ ⵏⴳ ⵓⵜⵉⴳ ⵏ 504 ⵎⵍⵢⵓⵏ ⵏ ⴷⴷⵔⵀⵎ.
ⵔⴰⴷ ⵜⵙⴷⵓⵙ ⵜⵣⵟⵟⴰ ⵏ ⵟⵟⵕⴰⵎⵡⵉⵢ, ⵍⵍⵉ ⵢⵔⴰⵏ ⴰⴷ ⵜⵎⵓⵏ ⴷ ⵜⵎⵔⵏⵉⵡⵜ ⵜⴰⴷⵉⵎⵓⵖⵕⴰⴼⵉⵜ ⵏ ⵜⵎⴰⵣⵓⵏⵜ ⵜⴰⴷⵎⵙⴰⵏⵜ ⵏ ⵜⴳⵍⴷⵉⵜ, ⵙ ⵓⵙⵓⴼⵖ ⵏ ⵓⵣⵔⵉⴳ ⵡⵉⵙⵙ ⴽⵕⴰⴹ ⴷ ⵡⵉⵙⵙ ⴽⴽⵓⵥ, ⵓⵍⴰ ⵙⵉⵏ ⵉⵣⵔⵉⴳⵏ ⵏ ⵓⵙⵏⵎⴰⴷⴷⵓ ⵏ ⵜⵖⵔⵜ ⵢⴰⵜⵜⵓⵢⵏ ⵏ ⵜⵏⴰⴼⵓⵜⵉⵏ, ⴳ ⵓⵎⵏⵉⴷ ⵏ 2022.
ⵔⴰⴷ ⵜⵥⴹⵕ ⵜⵣⵟⵟⴰ ⵏ ⵓⵎⵢⴰⵡⴰⴹ ⴰⴷ, ⵍⵍⵉⵖ ⵔⴰⴷ ⵜⵎⵎⴰ, ⴰⴷ ⵜⵙⵙⵓⴼⵖ ⴽⴽⵓⵥ ⵏ ⵉⵣⵔⵉⴳⵏ ⵏ ⵟⵟⵕⴰⵎⵡⵉⵢ (73 ⴰⴽⵉⵍⵓⵎⵉⵟⵕ) ⴷ ⵙⵉⵏ ⵉⵣⵔⵉⴳⵏ ⵏ ⵓⵙⵏⵎⴰⴷⴷⵓ ⵏ ⵜⵖⵕⴰ ⵢⴰⵜⵜⵓⵢⵏ (22 ⴰⴽⵉⵍⵓⵎⵉⵟⵕ), ⴷ ⵙⵎⵎⵓⵙ ⵏ ⵉⵎⵎⴰⵙⵏ ⵏ ⵓⵏⵀⵍⵍⴰ, ⴷ 147 ⴰⵙⵔⵙ ⵏ ⵉⵏⵎⴷⴷⵓⴷⵏ, ⵎⴰ ⵔⴰⴷ ⵉⵙⵎⵓⵏ 16 ⵓⵎⵍⵢⴰⵕ ⵏ ⴷⴷⵔⵀⵎ.