ⴼ ⵖⵉⴽⴰⵏⵏ, ⵉⵔⵣⴼ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵜⴰⵙⵓⴽⵜ ⵏ ⴱⴰⴱ ⵛⴰⵍⵍⴰ, ⵍⵍⵉ ⵢⵙⵙⵍⴽⵎⵏ ⵙ ⵜⵉⵏⵎⴰⵍ ⵏ ⵎⵓⵃⵎⵎⴷ ⵡⵉⵙⵙ ⵙⵎⵎⵓⵙ ⴷ ⵜⵎⵣⴳⵉⴷⴰ ⵜⴰⵎⵇⵕⴰⵏⵜ "ⵍⵎⴰⵙⵊⵉⴷ ⵍⴻⴰⵄⴹⴰⵎ", ⵓⵍⴰ ⵜⴰⵙⵓⴽⵜ ⵏ ⵚⵚⴱⴱⴰⵟ ⴷ ⵏ ⴱⴰⴱ ⵍⴱⵃⵕ, ⵎⴰ ⵢⴰⴷ ⵉⴳⴰⵏ ⵉⵙⵉⵜⵏ ⵍⵍⵉ ⵢⵜⵜⵓⵙⵎⴰⵢⵏⴰⵏⵏⵏ ⴳ ⵓⵙⴰⵜⵉ ⵏ ⵓⵙⵙⵓⵖⵓⵍ ⵏ ⵜⵉⵣⵉ ⵏ ⵜⵖⵔⵎⵜ ⵜⴰⵇⴱⵓⵕⵜ ⵏ ⵕⵕⴱⴰⵟ.
ⵉⵔⵣⴼ ⵙⵓⵍ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵉⵙⵏⵜⵉⵏ ⵏ ⵓⵙⵙⵓⵖⵓⵍ ⵏ ⵜⵉⵣⵉ ⵏ ⵓⵏⵙⴰ "ⵍⵎⵍⵃ", ⴷ ⵜⴰⵙⵓⴽⵜ "ⵚⴱⴱⴰⵖⵉⵏ", ⵍⵍⵉ ⵍⴽⵎⵏ ⵜⵡⵓⵔⵉⵡⵉⵏ ⵏ ⵓⵙⵓⴼⵖ ⵏⵏⵙⵏ ⵢⴰⵏ ⵓⵙⵖⵍ ⵏ ⵓⵙⵓⴼⵖ ⵉⵖⵍⵉⵏ ⴱⴰⵀⵔⴰ (75%).
ⵉⵜⵜⵓⵙⴷⵓⵙ ⵓⵙⵔⵙ ⵏ ⵓⵙⵙⵓⵖⵓⵍ ⵉⵅⴰⵜⴰⵔⵏ ⴰⴷ ⵙ ⵓⵕⵥⵥⵓⵎ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⴰⵙⵙ ⵏ 14 ⵎⴰⵢⵢⵓ ⵢⵣⵔⵉⵏ, ⵏ ⵓⵙⵙⵓⵖⵓⵍ ⴰⵏⵙⵎⴰⴷ ⵏ ⵜⵙⵖⵉⵢⵜ ⵏ ⵜⵖⵔⵎⵜ ⵜⴰⵇⴱⵓⵕⵜ ⵏ ⵕⵕⴱⴰⵟ, ⵎⴰ ⵢⴰⴷ ⵉⵙⵎⴰⵏⵏ ⵢⴰⵜ ⵜⵏⵜⵜⴰⵍⵜ ⵏ 325 ⵓⵎⵍⵢⵓⵏ ⵏ ⴷⴷⵔⵀⵎ.
ⴳ ⵓⵣⵎⵣⵣⵓ ⵢⴰⴷ, ⵣⵓⵍⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⴰⴷ ⵜ ⵉⵏⵚⵕ ⵕⴱⴱⵉ, ⵉⵙⵎⴷⵢⴰⵡⵏ ⵏ ⵜⵓⵥⴹⵉⵜ ⵜⴰⵎⵙⵎⵓⵏⵜ ⵏ ⵜⵖⵔⵎⵜ ⵜⴰⵇⴱⵓⵕⵜ, ⴷⴰⵜ ⴰⴷ ⵉⴼⴽ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵜⵉⵙⵓⵔⴰ ⵏ ⵓⵏⵉⴳⵍ ⵉ ⵢⵎⵙⴱⵖⵔⵏ ⵏ ⵉⵣⵍⴰⵍⴰⵎⵏ ⵉⵟⴰⴽⵙⵉⵏ, ⵎⴰ ⵢⴰⴷ ⵉⵜⵜⵓⵚⵖⴰⵏⵏ ⴳ ⵓⵙⴰⵜⵉ ⵏ ⵓⵙⵙⴰⵢ ⵉⵎⴰⵍⵍⴰⵢⵏ ⴷ ⵉⴽⵓⵍⵓⵊⵉ ⵏ ⵜⵖⵔⵎⵜ ⵏ ⵕⵕⴱⴰⵟ, ⵎⴰ ⵢⴰⵙ ⵜⵓⵙⵉ ⵜⵙⵏⵜⴰⵢⵜ ⵜⴰⵏⴰⵎⵓⵔⵜ ⵏ ⵜⴳⵎⵉ ⵜⴰⵏⴼⴳⴰⵏⵜ.
ⴳⴰⵏ 50 ⵓⵣⵍⴰⵍⴰⵎ ⴰⵟⴰⴽⵙⵉ ⵢⴰⴷ, ⵎⴰ ⵢⴰⴷ ⵉⵜⵜⵓⵙⵖⴰⵏⵏ ⵙ 2.5 ⴰⵎⵍⵢⵓⵏ ⵏ ⴷⴷⵔⵀⵎ, ⵉ ⵡⵙⵙⴰⵢ ⴰⵎⴰⵍⵍⴰⵢ ⴳ ⵓⴳⵏⵙ ⵏ ⵜⵖⵔⵎⵜ ⵏ ⵕⵕⴱⴰⵟ.