Published on MAPNews (https://preprod.mapnews.ma/am)

Accueil > ⴰⵕⵥⵥⵓⵎ ⵏ ⵡⵎⵎⴰⵙ ⵏ ⵓⵖⵓⵔⵉ ⵏ ⵉⵎⵙⴰⵖⵏ ⴰⵎⵣⵡⴰⵔⵓ ⵙ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⴷⵉ ⵍⵎⵖⵔⵉⴱ

ⴰⵕⵥⵥⵓⵎ ⵏ ⵡⵎⵎⴰⵙ ⵏ ⵓⵖⵓⵔⵉ ⵏ ⵉⵎⵙⴰⵖⵏ ⴰⵎⵣⵡⴰⵔⵓ ⵙ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⴷⵉ ⵍⵎⵖⵔⵉⴱ

13 ⵎⴰⵢⵢⵓ 2024 Version Imprimable
ⵍⵃⵓⵙⵉⵎⴰ - ⵉⵣⵔⵉ ⴳ ⵓⵙⵙⴰⵏ ⵣⵔⵉⵏ ⴳ ⵜⴰⵎⴷⵉⵏⵜ ⵍⵃⵓⵙⵉⵎⴰ ⵓⵕⵥⵥⵓⵎ ⵏ ⵎⵎⴰⵙ ⵏ ⵓⵖⵓⵔⵉ ⵏ ⵉⵎⵙⴰⵖⵏ ⴰⵎⵣⵡⴰⵔⵓ ⵙ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⵖⵎⴽⵍⵍⵉ ⵉⵏⵏⴰ ⵢⴰⵏ ⵓⵙⵉⵡⴹ ⵏ ⵡⴰⵎⵎⴰⵙ ⴰⵏⵎⵏⴰⴹ ⵏ ⵓⵙⵙⴰⵔⵓ ⴳ ⵟⴰⵏⵊⴰ -ⵜⵉⵟⵡⴰⵏ -ⵍⵃⵓⵙⵉⵎⴰ.

ⵉⵔⵏⵓ ⵉⵏⵏⴰ ⵡⴰⵎⵎⴰⵙ ⴰⵏⵎⵏⴰⴹ ⵏ ⵓⵙⵙⴰⵔⵓ ⵍⵍⵉ ⵉⴷⵔⵓⵏ ⴳ ⵜⴰⴼⵓⴳⵍⴰ ⵏ ⵓⵕⵥⵥⵓⵎ ⵏ ⵓⵙⴰⵜⵉ ⵢⴰⴷ ⵎⴰⵙ  ⴰⵔ ⵜⵎⵎⴰⵍ  ⵜⵙⵏⵜⴰⵢⵜ ⴰⴷ ⵜⴰⵎⴰⵢⵏⵓⵜ ⵍⵍⵉ ⵜⵙⴽⵔ ⵢⴰⵜ ⵜⵎⵙⵙⵏⵜⵉⵜ  MyOpla، ⴰⵎⵢⴰⵏⵡ ⴰⴷⵍⵙⴰⵏ ⵍⵍⵉ ⵉⵍⵍⴰⵏ ⵔ ⵜⵉⴳⵍⴷⵉⵜ ⴰⴷ ⵓⵙⵔⴽⵙ ⵏ ⵉⵙⴰⴳⵎⵏ ⵉⴷⴰⵎⵙⴰⵏⵏ ⵉⵖⵓⴷⴰⵏ ⴷ ⵡⵉⵏ ⵉⵏⴼⴳⴰⵏⵏ ⴷⴰⵔ ⵎⵏⵏⴰⵡⵜ ⵜⵓⵜⵍⴰⵢⵉⵏ ⴷ ⴷⴰⵔ ⴰⵙⵎⵓⵜⵜⴳ ⴰⵏⴰⴼⵍⵍⴰ ⴳ ⵜⴰⵙⴳⴰ ⵏ ⵉⵥⵥⵍⵎⴹ ⵙⵍⴰⵡⴰⵏ ⴰⴽⴽⵯ ⴳ ⵜⴰⵎⵏⴰⴹⵜ ⵏ ⵍⵃⵓⵙⵉⵎⴰ.

ⵔⴰⴷ ⵢⴰⴽⴽⴰ ⵡⴰⵎⵎⴰⵙ ⵏ ⵓⵖⵓⵔⵉ ⵏ ⵉⵎⵙⴰⵖⵏ , ⵍⵍⵉ ⵉⴳⴰⵏ ⵢⴰⵜ ⵜⵙⵏⵜⴰⵢⵜ ⵜⴰⵅⴰⵜⴰⵔⵜ ⴳ ⵉⴳⵔ ⵏ ⵜⵉⵏⴰⴼⵓⵜⵉⵏ ⵙⴳ ⵓⴳⴳⵓⴳ ⴳ ⵍⵎⵖⵔⵉⴱ ⵜⴰⵏⴰⴼⵓⵜ ⵉⵖⵓⴷⴰⵏ ⵙ ⴽⵕⴰⵟ ⵏ ⵜⵓⵜⵍⴰⵢⵉⵏ ⵉⴳⴰⵏ ⵜⴰⵎⴰⵣⵉⵖⵜ ⴷ  ⵜⴰⵄⵔⴰⴱⵜ ⴷ ⵜⴰⴼⵕⴰⵏⵚⵉⵚⵜ .

ⵜⵣⵔⵉ ⵜⴼⵓⴳⵍⴰ ⵓⵕⵥⵥⵓⵎ ⵏ ⵓⵙⵉⵜ ⴰⴷ ⵙ ⵓⵙⵙⴳⵎⴹ ⵏ ⵢⴰⵜ ⵜⵎⵢⴰⵇⵇⴰⵏⵜ ⵏ ⵜⴷⵔⴰⵡⵜ ⴳⵔ ⵜⴰⵎⵙⵙⵏⵜⵉⵜ  ⴷ ⵜⴰⵙⵏⵓⵔⴰⵢⵜ ⵜⴰⵏⴰⵎⵓⵔⵜ ⵏ ⵜⵏⴽⵔⴰ ⵙ ⵜⵡⵓⵔⵉ ⵜⵙⵙⵓⴳⵔⴰ ⴰⴼⴰⴷ ⴰⵏⵏⴰⵍ ⵏ ⵓⵙⵡⵓⵔⵔⵉ ⵏ 250 ⵏ ⵉⴼⴳⴰⵏⵏ ⴳ ⵜⴰⵙⴳⴰ ⵏ ⵍⵃⵓⵙⵉⵎⴰ.

ⵜⴳⴰ (MYOPLA) ⵢⴰⵜ ⵜⵎⵙⵙⵏⵜⵉⵜ ⵉⵥⵍⵉⵏ ⵙ ⵉⴳⵔ ⵏ ⵓⵙⵎⵓⵜⵜⵉ ⵏ ⵜⵉⵏⴰⴼⵓⵜⵉⵏ (ⵓⴼⵛⵓⵔⵉⵏ) ⵍⵍⵉ ⵉⵙⵙⵅⴷⵎⵏ 1200 ⵏ ⵉⴼⴳⴰⵏⵏ ⴳ ⴽⵕⴰⴹ ⵏ ⵡⴰⵎⵎⴰⵙⵏ ⵉⵍⵍⴰⵏ ⴳ ⵓⵙⵡⵉⵔ ⵏ ⵟⴰⵏⵊⴰ -ⵜⵉⵟⵡⴰⵏ -ⵍⵃⵓⵙⵉⵎⴰ.

ⵜⵜⵙⵔⵙ ⵜⵎⵙⵙⵏⵜⵉⵜ ⴳ ⵜⴰⵙⴳⴰ ⵏ ⵉⵥⵥⵍⵎⴹ ⵏ ⵜⵉⴳⵍⴷⵉⵜ ⵙⴳ ⴰⵙⴳⴳⵯⴰⵙ 2013 , ⵜⵓⵎⵥ ⴰⴹⴼⵕ ⵏ ⵡⴰⵎⵎⴰⵙ ⴰⵏⵎⵏⴰⴹ ⵏ ⵓⵙⵙⴰⵔⵓ ⵙⴳ ⵍⴱⴷⵓ ⵏ ⵓⵙⵉⵜ  ⴰⴷ ⴰⵙⵡⵉⵔ ⵏ ⵜⵓⵙⴽⴰ ⵏⵏⵙ ⴷ ⵓⵍⴰ ⵉⵎⵙⴽⴰⵔⵏ ⵉⵏⵎⵏⴰⴹⵏ ⵢⴰⴹⵏ.

Source URL: https://preprod.mapnews.ma/am/actualites/%E2%B4%B0%E2%B5%8F%E2%B5%8E%E2%B5%8F%E2%B4%B0%E2%B4%B9/%E2%B4%B0%E2%B5%95%E2%B5%A5%E2%B5%A5%E2%B5%93%E2%B5%8E-%E2%B5%8F-%E2%B5%A1%E2%B5%8E%E2%B5%8E%E2%B4%B0%E2%B5%99-%E2%B5%8F-%E2%B5%93%E2%B5%96%E2%B5%93%E2%B5%94%E2%B5%89-%E2%B5%8F-%E2%B5%89%E2%B5%8E%E2%B5%99%E2%B4%B0%E2%B5%96%E2%B5%8F-%E2%B4%B0%E2%B5%8E%E2%B5%A3%E2%B5%A1%E2%B4%B0%E2%B5%94%E2%B5%93-%E2%B5%99-%E2%B5%9C%E2%B5%93%E2%B5%9C%E2%B5%8D%E2%B4%B0%E2%B5%A2%E2%B5%9C-%E2%B5%9C%E2%B4%B0%E2%B5%8E%E2%B4%B0%E2%B5%A3%E2%B5%89%E2%B5%96%E2%B5%9C-%E2%B4%B7%E2%B5%89-%E2%B5%8D%E2%B5%8E%E2%B5%96%E2%B5%94%E2%B5%89%E2%B4%B1