Published on MAPNews (https://preprod.mapnews.ma/am)

Accueil > ⵜⵉⵎⵜⵜⴰ ⵢⵎⴰⵏⵏ: ⴰⵎⵙⴳⴷⴰⵍ ⵉⴳⴳⵓⵜⵏ ⴳⵔ ⵎⴰⵙⵙ ⵀⵉⵍⴰⵍ ⴷ ⵓⵎⴰⵡⵙⴰⵙ ⵏ ⴱⵕⵕⴰ ⵏ ⴷⴷⵣⴰⵢⵔ ⵅⴼ ⵉⵍⵍ ⴰⵏⴰⵎⵎⴰⵙ

ⵜⵉⵎⵜⵜⴰ ⵢⵎⴰⵏⵏ: ⴰⵎⵙⴳⴷⴰⵍ ⵉⴳⴳⵓⵜⵏ ⴳⵔ ⵎⴰⵙⵙ ⵀⵉⵍⴰⵍ ⴷ ⵓⵎⴰⵡⵙⴰⵙ ⵏ ⴱⵕⵕⴰ ⵏ ⴷⴷⵣⴰⵢⵔ ⵅⴼ ⵉⵍⵍ ⴰⵏⴰⵎⵎⴰⵙ

19 ⵉⴱⵔⵉⵔ 2024 Version Imprimable
ⵏⵢⵓⵢⵓⵕⴽ - ⴳ ⵜⵖⵉⵎⵉⵜ ⵏ ⵓⵎⴹⵉⴽⵉⵕ ⵉⵕⵥⵎⵏ ⵖ ⵓⵙⵇⵇⵉⵎ ⴰⴳⵔⴰⵖⵍⴰⵏ ⵏ ⵜⵏⴼⵔⵓⵜ ⵅⴼ "ⵜⵉⵄⵄⵓⵔⵎⴰ ⴷ ⵓⵙⴱⴷⴷ ⵏ ⵜⵉⵎⵓⴽⵔⵉⵙⵉⵏ ⵏ ⵜⵏⴼⵔⵓⵜ ⴳ ⵉⵍⵍ ⵓⵎⵍⵉⵍ ⴰⵏⴰⵎⵎⴰⵙ" ⵍⵍⵉ ⵉⵜⵜⵓⵙⵏⵎⴰⵍⴰ, ⴳ ⵏⵢⵓⵢⵓⵕⴽ, ⵉⵣⵔⵉ ⵓⵎⴰⵡⵙⴰⵙ ⵏ ⴱⵕⵕⴰ ⵏ ⴷⴷⵣⴰⵢⵔ ⴰⵃⵎⴰⴷ ⵄⵟⵟⴰⴼ ⵉⵡⵜⵜⴰ ⴳ ⵜⴰⴳⵓⵔⵉⵡⵉⵏ ⵏⵏⵙ ⵓⵔ ⵉⵄⴷⵍⵏ ⵍⵍⵉ ⵢⵙⵎⴰⵏⵏ ⴳⵔ ⵜⵎⵙⴰⵔⵜⵉⵏ ⵏ ⵚⵚⵃⵕⴰ ⵜⵎⵖⵔⵉⴱⵉⵢⵜ ⴷ ⴼⴰⵍⴰⵙⵟⵉⵏ.

ⴳ ⵜⴰⵎⵔⴰⵔⵓⵜ ⵏⵏⵙ ⵅⴼ ⵉⵡⴰⵍⵉⵡⵏ ⵓⵔ ⵉⵚⵃⴰⵏ ⵏ ⵓⵎⴰⵡⵙⴰⵙ ⵏ ⴷⴷⵣⴰⵢⵔ, ⵉⵙⵙⵎⴰⵢⵏⴰ ⵓⵎⵙⵇⴰⴷ ⴰⵙⵎⴷⵢⴰ ⵉⴷⴰⵡⵎⵏ ⵏ ⵍⵎⵖⵔⵉⴱ ⴳ ⵜⵉⵎⵜⵜⴰ ⵉⵎⴰⵏⵏ, ⵄⵓⵎⴰⵔ ⵀⵉⵍⴰⵍ, ⵉⵙⵙⴽⵜⴷ ⵎⴰⵙ ⴷ ⵉⵔⵓⵔ ⵍⵎⵖⵔⵉⴱ ⵚⵚⵃⵕⴰ ⵏⵏⵙ ⵙ ⵢⴰⵜ ⵜⵉⴽⵍⵉⵜ ⴳ ⵓⵙⴳⴳⵯⴰⵙ ⵏ 1975.

ⵉⵙⴷⴷⵉⴷ ⵓⵎⵙⵇⴰⴷ ⵎⴰⵙ ⵜⵍⵍⴰ ⵙⵍⴰⵎⵜ ⴷ ⵜⴰⵏⴼⵔⵓⵜ ⴳ ⵍⵅⴰⵟⴰⵕ ⵍⵍⵉⵖ ⵓⵔ ⵉⵍⵍⵉ ⵍⵉⵃⵜⵉⵔⴰⵎ ⵏ ⵓⵣⵔⴼ ⴰⴳⵔⴰⵖⵍⴰⵏ ⴷ ⵜⵉⵍⵉⵜ ⵏ ⵓⴱⵔⵙⵉⵡⴷ ⴷ ⵓⴽⵛⵛⵓⵎ ⴳ ⵜⵉⵖⴰⵡⵉⵙⵉⵡⵉⵏ ⵏ ⵓⴳⵏⵙ ⵏ ⵜⵉⵎⵉⵣⴰⵔ ⵏ ⵡⴰⵔⵊⴰⵍⵏ ⴷ ⵜⴰⵏⴽⵔⴰ ⵙ ⵜⵉⵔⴰⵜⵉⵏ ⵜⵉⵎⵏⴳⵉⵔⴰⵜⵉⵏ ⴷ ⵜⵜⵙⵍⵉⵃ ⵏ ⵜⵉⵔⴱⴱⵓⵜⵉⵏ ⵉⵙⴷⵉⵏ ⴷ ⵓⴱⵔⵙⵉⵡⴷ ⴳ ⵍⵅⵇⵟⵔ ⵅⴼ ⵉⴽⴰⵍⵉⵡⵏ ⵏ ⵜⵉⵎⵉⵣⴰⵔ ⵉⴳⵎⴰⵎⵏ ⵏ ⵜⵙⴳⴰ ⵣⵓⵏⴷ ⵜⴰⵎⵓⵏⵜ ⵏ ⵡⴰⴽⴰⵍ ⵏ ⵍⵎⵖⵔⵉⴱ ⵍⵍⵉ ⴷ ⵉⵔⵓⵔⵏ ⵚⵚⵃⵔⴰ ⵏⵏⵙ ⴳ ⵓⵙⴳⴳⴰⵙ 1975.

ⵉⵙⵙⴽⵜⵉⴷ ⵓⴷⵉⴱⵍⵓⵎⴰⵙⵉ ⴰⵎⵖⵔⵉⴱⵉ ⵎⴰⵙ ⵜⴳⴰ ⵜⴰⵙⵔⵜⵉⵜ ⵏ ⵜⴰⵣⵡⴰⴳⵜ ⵍⵍⵉ ⵜⴹⴼⵕ ⵜⴳⵍⴷⵉⵜ ⵙⴳ ⵉⵙⴳⴳⵯⴰⵙⵏ ⵜⴰⴳⴰ ⵜⴰⵏⴼⴳⴰⵏⵜ ⴷ ⵜⵉⵏ ⵓⵎⵢⴰⵡⴰⵙ ⵜⴳⴰ ⴰⴳⴰⵍ ⵏ ⵓⵙⵏⵓⴱⴳ ⵏ ⵉⵎⵣⵡⴰⴳⵏ ⴰⵔ ⵜⴽⴽⴰ ⴰⴽⵛⵛⵓⵎ ⵜ ⵜⵉⵏⴰⴼⵓⵜⵉⵏ ⵏ ⵜⵉⵖⵔⵉ ⴷ ⵜⴰⵣⴷⵖⵜ ⴷ ⵜⴰⴷⵓⵙⵉ ⴷ ⵓⵙⵎⵓⵜⵜⴳ ⴰⵣⵣⵓⵍⴰⵏ ⴷ ⵓⵙⵙⵡⵓⵔⵉ.

ⵉⵙⴰⵡⵍ ⵓⵍⴰ ⵅⴼ ⵓⴼⴼⵓⵖ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴷⴰⵔ ⵉⵏⴰⵎⵓⵥⵏ ⵏ ⵉⵅⵢⴰⵎⵏ ⵜⵉⵏⴷⵓⴼ ⵉⴼⴼⵓⵙ ⵏ ⴷⴷⵣⴰⵢⵔ.

ⵖⵎⴽⵍⵍⵉ ⵉⵙⴰⵡⵍ ⵎⴰⵙⵙ ⵀⵉⵍⴰⵍ ⵓⵍⴰ ⵅⴼ ⴰⴷⴰⴷⴷⴰⴷ ⵏ ⵉⵍⵍ ⵓⵎⵍⵉⵍ ⴰⵏⴰⵎⵎⴰⵙ ⵉⵔⵏⵓ ⵉⵏⵏⴰ ⵎⴰⵙ ⵜⵏ ⵜⴽⴽⴰ ⵜⴰⵙⴳⴰ ⵢⴰⴷ ⴰⵙⴷⴷⵉ ⵏ ⵜⵉⵎⴰⴳⵉⵜⵉⵏ ⴷ ⵍⴰⴷⵢⴰⵏ ⵏ ⵉⴳⵏⵡⴰⵏ ⴽⵕⴰⴹ ⵎⴰⵛⴰ ⵖⵉⵍⴰⴷ ⵜⴳⴰ ⴰⵏⵙⴰ ⵏⵜⵉⵎⵓⴽⵔⵉⵙⵉⵏ ⴷ ⵉⵎⵏⵖⵉⵜⵏ.

ⵉⵙⴷⴷⵉⴷ ⵜⵉⴽⵍⵉⵜ ⵢⴰⴹⵏ ⵎⴰⵙ ⵉⵔⴰ ⵍⵎⵖⵔⵉⴱ ⵙⵙⵍⴰⵎⵜ ⵉ ⵜⴰⵙⴳⴰ ⵢⴰⴷ ⵢⴰⵡⵙ ⵓⵍⴰ ⴳ ⵜⵓⴳⴳⴰⵙ ⵉⵛⵛⴰⵔⵏ ⴰⴼⴰⴷ ⴰⴷ ⴳⵏⵜ ⵜⵉⵖⴰⵔⵉⵏ ⵏ ⵉⵍⵍ ⵓⵎⵍⵉⵍ ⴰⵏⴰⵎⵎⴰⵙ ⴰⵏⵎⵇⵇⴰⵔ ⵏ ⵙⵙⵍⴰⵎⵜ ⴷ ⵜⵉⴳⵎⵉ ⴷ ⵓⵎⴷⵉⴹⵉⴽⴰⵔ ⵏ ⵜⵉⵎⴰⴳⵉⵜⵉⵏ ⴷ ⵜⴰⵙⵔⵜⵉⵜ ⵏ ⵓⴼⵓⵙ ⵉⵕⵥⵎⵏ ⵉ ⵜⵜⵎⵉⵣⴰⵔ ⵏ ⵡⴰⵔⵊⴰⵍⵏ ⴰⴼⴰⴷ ⵜⴰⵎⵔⵏⵉⵡⵜ ⵏ ⵉⵡⴰⵏⴽⵏ ⵏ ⵜⴰⵙⴳⴰ.

ⴳ ⵎⴰⴷ ⵉⵥⵍⵉⵏ ⵙ ⵜⴰⵎⵙⴰⵔⵜ ⵏ ⴼⴰⵍⴰⵙⵟⵉⵏ , ⵉⵙⵙⴽⵜⵉⴷ ⵓⵎⵙⵇⴰⴷ ⵎⴰⵙ ⵉⵙⵙⵎⴰⵢⵏⵓ ⵍⵎⵖⵔⵉⴱ ⵍⵍⵉ ⵉⵙⵙⵉⵅⴼ ⵓⴳⵍⵍⵉⴷ ⵏⵏⵙ ⵎⵓⵃⵎⵎⴷ ⵡⵉⵙⵙ ⵚⴹⵉⵙ ⴰⴳⵔⴰⵡ ⵏ ⵍⵇⵓⴷⵙ ⵜⴰⵏⵏⴰⵢⵜ ⵏⵏⵙ ⵉⴷⵓⵙⵏ ⵉⵏⵏⴰⵍⵏ ⵉⵣⵔⴼⴰⵏ ⵏ ⵓⴳⴷⵓⴷ ⴰⴼⴰⵍⴰⵙⵟⵉⵏⵉ ⴳ ⵓⵎⵣⵡⴰⵔⵓ ⴰⵣⵔⴼ ⵏⵏⵙ ⴳ ⵜⵓⵙⴽⴰ ⵏ ⴰⵡⴰⵏⴽ ⵏⵏⵙ ⴰⴼⴰⵍⴰⵙⵟⵉⵏⵉ ⵜⴳ ⵜⴰⵎⵥⵓⵏⵜ ⵏⵏⵙ ⵍⵇⵓⴷⵙ ⵏ ⵉⵥⵥⵍⵎⴹ.

Source URL: https://preprod.mapnews.ma/am/actualites/%E2%B4%B0%E2%B5%8E%E2%B4%B0%E2%B4%B9%E2%B4%B0%E2%B5%8D/%E2%B5%9C%E2%B5%89%E2%B5%8E%E2%B5%9C%E2%B5%9C%E2%B4%B0-%E2%B5%A2%E2%B5%8E%E2%B4%B0%E2%B5%8F%E2%B5%8F-%E2%B4%B0%E2%B5%8E%E2%B5%99%E2%B4%B3%E2%B4%B7%E2%B4%B0%E2%B5%8D-%E2%B5%89%E2%B4%B3%E2%B4%B3%E2%B5%93%E2%B5%9C%E2%B5%8F-%E2%B4%B3%E2%B5%94-%E2%B5%8E%E2%B4%B0%E2%B5%99%E2%B5%99-%E2%B5%80%E2%B5%89%E2%B5%8D%E2%B4%B0%E2%B5%8D-%E2%B4%B7-%E2%B5%93%E2%B5%8E%E2%B4%B0%E2%B5%A1%E2%B5%99%E2%B4%B0%E2%B5%99-%E2%B5%8F-%E2%B4%B1%E2%B5%95%E2%B5%95%E2%B4%B0-%E2%B5%8F-%E2%B4%B7%E2%B4%B7%E2%B5%A3%E2%B4%B0%E2%B5%A2%E2%B5%94-%E2%B5%85%E2%B4%BC-%E2%B5%89%E2%B5%8D%E2%B5%8D-%E2%B4%B0%E2%B5%8F%E2%B4%B0%E2%B5%8E%E2%B5%8E%E2%B4%B0%E2%B5%99