ⴰⵡⵜⵜⴰⵙ ⵏ ⵜⵎⵢⴰⵇⵇⴰⵏⵜ ⴰⴷ ⵏⵏⴰ ⵉⵙⴳⵎⴹ ⵓⵏⵎⵀⴰⵍ ⵏ ⵓⵙⵉⵔⴰ ⵏ ⵓⵙⵏⴼⵍ ⵏ ⵓⴷⵔⵉⵎ ⵎⴰⵙⵙ ⵃⴰⵙⴰⵏ ⴱⵓⵍⵇⵏⴰⴷⵍ ⴷ ⵓⵏⴱⴷⴰⴷ ⵏ ⵓⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ ⵎⴰⵙⵙ ⴰⵃⵎⴰⴷ ⴱⵓⴽⵓⵙ, ⵉⴳⴰ ⴰⵙⵔⵙ ⵏ ⵓⵙⴰⵜⵉ ⴰⵎⴰⵜⵓ ⵏ ⵓⵎⵢⴰⵡⴰⵙ ⵊⴰⵔ ⵜⵙⴳⴳⵡⵉⵏ ⴰⴼⴰⴷ ⴰⴷ ⵢⴰⵡⵙ ⵎⴰ ⴰⴷ ⴳ ⵓⵙⵎⵀⵍ ⵏ ⵓⵙⵙⵉⴳⵣ ⵓⵏⵚⵉⴱ ⵏ ⵜⵎⴰⵣⵉⵖⵜ ⵙ ⵎⴰⴷ ⵉⵍⵍⴰⵏ ⴳ ⵓⴷⵓⵙⵜⵓⵔ ⵏ ⵜⴳⵍⴷⵉⵜ ⵜⴰⵎⵖⵔⴰⴱⵉⵢⵜ ⴷ ⵓⵙⵍⴳⵏ 16-26
ⴳ ⵜⵎⵍⴷⴰ ⴰⴷ ⵉⵙⴷⴷⵉⴷ ⵎⴰⵙⵙ ⴱⵓⵍⵇⵏⴰⴷⵍ ⵎⴰⵙ ⴷ ⵜⵎⵢⴰⵇⵇⴰⵏⵜ ⴰⴷ ⵜⵍⵍⴰ ⴳ ⵓⵙⴰⵜⵉ ⵏ ⵓⵙⵎⵀⵍ ⵏ ⵓⵙⵙⵉⴳⵣ ⵓⵏⵚⵉⴱ ⵏ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⵙ ⵎⴰⴷ ⵉⵍⵍⴰⵏ ⴳ ⵓⴷⵓⵙⵜⵓⵔ ⴷ ⵓⵙⵍⴳⵏ 16-26 ⵏⵏⴰ ⵉⵣⴷⵉⵏ ⴰⴽⴷ ⵓⵙⵡⵡⵓⵜⵓ ⵏ ⵜⴼⵔⴽⵉⵡⵉⵏ ⵏ ⵓⵙⵎⵀⵍ ⵏ ⵓⵙⵙⵉⴳⵣ ⵓⵏⵚⵉⴱ ⵏ ⵜⵎⴰⵣⵉⵖⵜ ⴷ ⵜⵎⴰⵎⴽⵉⵏ ⵏ ⵓⵙⵉⴷⴼ ⵏⵏⵙ ⴳ ⵢⵉⴳⵔⴰⵏ ⵏ ⵓⵙⵙⵍⵎⴷ ⴷ ⵢⵉⴳⵔⴰⵏ ⵏⵏⵉⴹⵏ ⴳ ⵜⵓⴷⵔⵜ ⵜⴰⵎⴰⵜⵓⵜ.
ⵉⵏⵏⴰ ⵎⴰⵙⵙ ⴱⵓⵍⵇⵏⴰⴷⵍ ⴳ ⵢⴰⵏ ⵓⵎⵙⴰⵡⴰⵍ ⴳ ⵢⴰⵜ ⵜⴷⴰⴱⵓⵜ ⵜⴰⵏⵖⵎⴰⵙⵜ (M24) ⵏⵏⴰ ⵉⴹⴼⵔⵏ ⵜⴰⵙⵏⵓⵔⴰⵢⵜ ⵜⴰⵎⵖⵔⵉⴱⵉⵢⵜ ⵏ ⵉⵏⵖⵎⵉⵙⵏ, ⵎⴰⵙ ⴷ ⵜⵎⵢⴰⵇⵇⴰⵏⵜ ⴰⴷ ⵔⴰⴷ ⵜⴼⴽ ⴰⵣⵎⵣ ⵉ ⵓⵙⵉⵔⴰ ⴰⴷ ⵢⴰⵡⵉ ⵜⵉⵔⵎⵉⵜ ⵏ ⵓⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ ⴳ ⵓⵙⴱⵓⵖⵍⵓ ⵏ ⵜⵎⴰⵎⴽⵉⵏ ⵏ ⵓⵎⵙⴰⵡⴰⴹ ⴰⴽⴷ ⵉⵎⵖⵔⵉⴱⵉⵢⵏ ⵏ ⴱⵕⵕⴰ ⴰⴼⴰⴷ ⴰⴷ ⵉⵔⵅⵓ ⵓⵙⵙⵓⵡⴹ ⵏ ⵉⵙⵉⵙⴼⵉⵡⵏ ⵙ ⵜⵓⵜⵍⴰⵢⵜ ⵏⵏⴰ ⵉⵙⵙⴰⵏⵏ.
ⴳ ⵜⵙⴳⴰ ⵏⵏⵉⴹⵏ, ⵉⵙⴷⴷⵉⴷ ⵎⴰⵙⵙ ⴱⵓⴽⵓⵙ ⵅⴼ ⵜⵉⵏⴷⵉ ⵏ ⵜⵎⵢⴰⵇⵇⴰⵏⵜ ⴰⴷ ⴳ ⵓⵙⵔⵙ ⵏ ⵓⵙⵖⵉⵡⵙ ⵏ ⵢⴰⵜ ⵜⵡⵓⵔⵉ ⵉⵛⵛⴰⵔⵏ ⵉ ⵜⵎⵔⵙⴰⵍⵉⵏ ⵏ ⵉⵙⵖⴰⵡⵙⴰⵜⵏ ⵏ ⵉⵎⵙⵎⵓⵏ ⵏⵏⴰ ⵉⵙⴰⵡⴰⵍⵏ ⵙ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⴷ ⵡⵉⵏⵏⴰ ⵉⵔⴰⵏ ⵉⵙⵉⵙⴼⵉⵡⵏ ⵉⵣⴷⵉⵏ ⴰⴽⴷ ⵢⵉⴳⵔ ⴰⴷ ⵏ ⵓⵙⵏⴼⵍ ⵏ ⵓⴷⵔⵉⵎ.
ⵉⵙⴰⵡⵍ ⴳ ⵓⵙⴰⵜⵉ ⴰⴷ ⵅⴼ ⵉⵎⵓⴽⵔⵉⵙⵏ ⵉⵜⵉⵇⵏⵉⵢⵏ ⵏⵏⴰ ⵉⵣⴷⵉⵏ ⴰⴽⴷ ⵓⵙⵓⵖⵍ ⵏ ⵡⴰⵔⵔⴰⵜⵏ ⵉⵎⵙⵜⴳⴳⴰⵔⵏ ⵏⵏⴰ ⵔⴰⴷ ⵙⵖⴰⵡⵙⴰⵏ ⵉⵎⵙⵎⵓⵏ ⵉⵏⵏⴰ ⴰⵡⴷ ⵎⴰⵙ ⵔⴰⴷ ⵢⴰⵡⵙ ⵓⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ ⴳ ⵓⵙⵓⵖⵍ ⵙ ⵜⵉⵔⵎⵉⵜ ⵏⵏⵙ ⴰⴼⴰⴷ ⴰⴷ ⵉⴱⵓⵖⵍⵓ ⵓⵙⵎⵀⵍ ⵏ ⵓⵙⵙⵉⴳⵣ ⵓⵏⵚⵉⴱ ⵏ ⵜⵎⴰⵣⵉⵖⵜ.
ⴰⵙⴳⵎⴹ ⵜⵎⵢⴰⵇⵇⴰⵏⵜ ⴰⴷ ⴰⵔ ⵉⵎⵎⴰⵍ ⵜⵉⵔⵉⵜ ⵏ ⵓⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ ⴷ ⵓⵙⵉⵔⴰ ⵏ ⵓⵙⵏⴼⵍ ⵏ ⵓⴷⵔⵉⵎ ⴳ ⵜⴷⵔⴰⵡⵜ ⵜⴰⵎⵢⴰⵡⴰⵙⵜ ⴰⴼⴰⴷ ⴰⴷ ⵉⵎⵓⵔⵙ ⵓⵙⵎⵀⵍ ⵏ ⵓⵙⵙⵉⴳⵣ ⵓⵏⵚⵉⴱ ⵏ ⵜⵎⴰⵣⵉⵖⵜ ⴳ ⵜⵎⵙⵙⵓⴳⵓⵔⵜ ⴰⵡⴷ ⴰⴷ ⴰⵡⵙⵏ ⴳ ⵓⵙⴱⵓⵖⵍⵓ ⵏ ⵜⵡⵡⵓⵔⵉⵡⵉⵏ ⵉ ⵉⵎⵙⵎⵓⵏ.
ⵇⵇⴰⵡⵍⵏ ⵙⵉⵏ ⴰⴷ ⴳ ⵜⵎⵢⴰⵇⵇⴰⵏⵜ ⴰⴷ ⵎⴰⵙ ⵔⴰⴷ ⴰⵡⵙⵏ ⴰⴷ ⵙⵔⵙⵏ ⴰⵙⵖⵉⵡⵙ ⵏ ⵜⵡⵓⵔⵉ ⵉⵛⵛⴰⵔⵏ ⵏⵏⴰ ⵔⴰⴷ ⵉⵙⵙⴽⵛⵎ ⵜⴰⵎⴰⵣⵉⵖⵜ ⴳ ⵜⵓⴳⵜⵜ ⵏ ⵉⴳⵔⴰⵏ ⵏ ⵓⵎⵙⴰⵡⴰⴹ ⴳ ⵓⵙⵉⵔⴰ ⵏ ⵓⵙⵏⴼⵍ ⵏ ⵓⴷⵔⵉⵎ.