ⵉⵏⵏⴰ ⵎⴰⵙⵙ ⴰⴳⵍⵎⴰⵎ ⴳ ⵢⴰⵏ ⵓⵎⵙⴰⵡⴰⵍ ⴰⵏⵖⵎⴰⵙ ⴳ ⵜⴼⵓⴳⵍⴰ ⵏ ⵜⴳⵉⵔⴰ ⵏ ⵜⵙⵓⵜⵍⵜ ⵜⵉⵙⵙ 11 ⵏ ⵓⵖⴰⵡⴰⵙ ⵏ ⵉⵎⵖⵣⵓⵜⵏ ⵏⵏⴰ ⵉⵜⵜⵢⴰⵎⴰⵥⵏ ⵅⴼ ⵜⵎⵏⵜⴰⵍ ⵏ ⵓⴱⵔⵙⵉⵡⴷ ⵏⵏⴰ ⵉⵥⵍⵉⵏ ⵙ ⵜⵉⵍⵉⵜ ⵏ ⵓⵙⵎⵉⵔⵉ ⴰⵎⴰⵜⵓ ⵏ ⵜⵎⵙⵙⵙⵓⴳⵔⵜ ⵏ ⵉⴱⵏⵉⵇⵏ ⴷ ⵡⴰⵍⴰⵙ ⵏ ⵓⵙⵉⴷⴼ ⵎⵓⵃⵎⵎⴰⴷ ⵚⴰⵍⴰⵃ ⵜⵜⴰⵎⴽ ⴷ ⵜⵏⵙⵙⵉⵅⴼⵜ ⵏ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴰⵎⵉⵏⴰ ⴱⵓⵄⵢⵢⴰⵛ ⴷ ⵓⵏⴼⵍⵓⵙ ⴰⵎⴰⵜⵓ ⵏ ⵜⵣⴷⴰⵢⵜ ⵏ ⵉⵎⴰⵙⵙⴰⵜⵏ ⵏ ⵍⵎⵓⵃⵎⵎⴰⴷⵉⵢⴰ ⵃⵎⴰⴷ ⵄⴱⴱⴰⴷⵉ ⵎⴰⵙ ⴷ ⴰⵖⴰⵡⴰⵙ ⵏ ⵓⵎⵙⴼⵔⵓ ⴷⴰⵔⵙ ⵢⴰⵏ ⵓⴷⵖⴰⵔ ⵎⵇⵇⵓⵔⵏ ⴳ ⵓⵙⴰⵜⵉ ⴰⵏⴰⵎⵓⵔ ⴷ ⵓⴳⵔⴰⵖⵍⴰⵏ.
ⵉⵍⵍⴰ ⴳ ⵜⵙⵓⵜⵍⵜ ⴰⴷ ⵏ ⵓⵖⴰⵡⴰⵙ ⵏ ⵓⵙⴼⵔⵓ ⵎⴰⴷ ⵉⴳⴰⵏ 20 ⵏ ⵓⵎⵖⵣⵓⵍⵍⵉ ⵉⴽⴽⴰⵏ ⵙⵉⵏ ⵢⵉⵔⵏ ⴷ ⵓⵣⴳⵏ ⵎⴰⴷ ⵉⴳⴰⵏ 200 ⵏ ⵜⵙⴰⵔⴰⴳⵜ ⵏ ⵓⵙⵎⵓⵜⵜⴳ ⵏⵏⴰ ⵉⵥⵍⵉⵏ ⵙ ⵓⵙⵏⵎⴰⵍⴰ ⵏ ⵜⵉⵏⴰⵡⵉⵏ ⵊⴰⵔ ⵉⵎⵖⵣⵓⵜⵏ ⴰⴼⴰⴷ ⴰⴷ ⵎⵍⵏ ⵜⵉⵣⵎⵎⴰⵔ ⵏⵏⵙⵏ ⴳ ⵓⵎⵙⴰⵡⴰⵍ ⵏ ⵓⵙⵖⴰⵏ ⴷ ⵍⵍⴰⵜ ⴷⵉⴳⵙ ⵙⵏⴰⵜ ⵜⵎⵣⵖⴰⵏ.
ⴳ ⵜⵙⴳⴰ ⵏⵏⵉⴹⵏ ⵉⵏⵏⴰ ⵎⴰⵙⵙ ⵄⴱⴱⴰⴷⵉ ⵎⴰⵙ ⴷ ⴰⵖⴰⵡⴰⵙ ⴰⴷ ⵉⵙⴽⵔ ⵉⵙⴼⵔⵓⵜⵏ ⴰⴽⴷ ⵜⵎⵢⵉⵎⴰⵏⵜ ⴷ ⴰⴽⴷ ⵓⴹⵕⵉⵚ ⵏ ⵓⵙⵖⴰⵏ ⴷ ⵡⴰⵎⵓⵏ ⴷ ⵉⵙⵍⴰⴳⵏ ⵏⵏⴰ ⵜ ⵉⵙⵏⵎⴰⵍⴰⵏ ⴷ ⵉⵣⵔⴼⴰⵏ ⵏⵏⴰ ⵖⵓⵔⵙⵏ ⵉⵍⵍⴰⵏ ⴰⴽⴷ ⵜⵎⵙⵉⵔⵉⵏ ⵏⵏⴰ ⵖⵉⴼⵙⵏ ⵉⵍⵍⴰⵏ.
ⵉⵙⴷⴷⵉⴷ ⴳ ⵢⴰⵏ ⵓⵎⵙⴰⵡⴰⵍ ⵎⴰⵙ ⴷ ⵜⵓⴳⴳⴰ ⵏ ⵉⵎⴷⵔⴰⵡⵏ ⵏ ⵓⵖⴰⵡⴰⵙ ⴷⵉⴳⵙ ⴰⵎⵎⴰⵥ ⵏ ⵜⵓⴳⵜⵜ ⵏ ⵉⵔⵎⵎⵙⵏ ⵙⴳ ⵉⵎⴷⵢⴰⵜⵏ ⵏ ⵜⵥⵓⵕⵉ ⵏⵏⴰ ⵙⵙⵏⴽⴷⵏ ⵉⵎⴷⵔⴰⵡⵏ.