ⵉⵙⵏⵓⴱⴳ ⵓⵏⵙⵙⵉⵅⴼ ⵏ ⵎⵉⵚⵕ ⵎⴰⵙⵙ ⵄⴱⴷⵍⴼⵜⵜⴰⵃ ⵙⵉⵙⵉ ⵙ ⵎⵓⵍⴰⵢ ⵕⴰⵛⵉⴷ ⵍⵍⵉⵖ ⵏⵏ ⵉⵍⴽⵎ ⴰⵎⵎⴰⵙ ⴰⴳⵔⴰⵖⵍⴰⵏ ⵏ ⵉⴱⵔⴰⴳⵔⴰⵡⵏ , ⴷ ⵓⵏⴼⵍⵓⵙ ⴰⵎⴰⵜⴰⵢ ⵏ ⵜⵎⵜⵜⴰ ⵉⵎⵓⵏⵏ ⵎⴰⵙⵙ ⴰⵏⵟⵓⵏⵢⵓ ⵖⵓⵜⵉⵔⵉⵙ .
ⴷⴼⴼⵉⵔ ⵍⵍⵉⵖ ⵓⵎⵥⵏ ⵉⵏⵙⵙⵉⵅⴼ ⵏ ⵉⵡⴰⵏⴽⵏ ⵜⴰⵡⵍⴰⴼⵜ ⵉⴷⴷⴰ ⴱⴰⴱ ⵏ ⵜⴰⵜⵜⵓⵢⵜ ⵎⵓⵍⴰⵢ ⵕⴰⵛⵉⴷ ⵙ ⵜⴷⴰⵍⴰ ⵏⵏⴰ ⵖ ⵉⵜⵜⵓⵙⴽⴰⵔ ⵓⴱⵔⴰⴳⵔⴰⵡ .
ⵔⴰⴷ ⵙⴽⵔⵏ 110 ⵏ ⵉⵏⵙⵙⵉⵅⴼⵏ ⵏ ⵉⵡⴰⵏⴽⵏ ⵉⵏⵇⵇⵉⵙⵏ ⵏⵏⵙⵏ ⵉⵏⴰⵎⵓⵔⵏ ⵅⴼ ⵜⵎⵏⵜⵉⵍⵉⵏ ⵏ ⵓⵙⵏⴼⵍ ⵏ ⵓⵏⵣⵡⵉ ⴷ ⵉⵏⵎⴰⵍⵍⵓⵜⵏ ⵏ ⵉⵡⴰⵏⴽⵏ ⴳ ⵓⵙⴰⵜⵉ ⴰⴷ ⵏ ⵓⵏⵣⵡⵉ .
ⵜⴳⴰ ⵜⴰⵜⵜⵓⵢⵜ ⴰⴷ ⵢⴰⵜ ⵜⵎⵍⴷⴰ ⵏ ⵓⵙⵙⵔⵏⵓ ⴷ ⵓⵙⴼⵍⵙ ⵉ ⵜⵏⴰⴼⵓⵜ ⵏ ⵓⵙⵏⴼⵍ ⵏ ⵓⵏⵣⵡⵉ, ⴷ ⵓⵙⵡⵡⵓⵔⵉ ⵎⵏⵉⴷ ⵏ ⵉⵙⵏⴼⴰⵍ ⴰⴷ ⴷ ⵉⵎⵓⴽⵔⵉⵙⵏ ⵏⵏⴰ ⴰⴽⴽⵯ ⵙⴽⴰⵔⵏ ⵉ ⵓⵏⵣⵡⵉ .
ⵎⵢⴰⴷⴰⵙⵏⵜ ⴽⵉⴳⴰⵏ ⵏ ⵜⵎⵉⵣⴰⵔ ⴱⵓⵖⵍⴰⵏⵉⵏ ⴳ ⵎⴰⴷ ⵉⵥⵍⵉⵏ ⵙ ⵓⵙⵙⵔⵏⵓ ⴷ ⵡⴰⵏⵏⴰⵍ ⵏ ⵉⵙⵏⴼⴰⵕⵏ ⵏⵏⴰ ⵍⵍⴰⵏⵉⵏ ⴳ ⵜⵏⴰⴼⵓⵜⵉⵏ ⵏ ⵓⵙⵏⴼⵍ ⵏ ⵓⵏⵣⵡⵉ ⵍⵍⵉⵖ ⴼⴽⴰⵏ ⵓⴳⴳⴰⵔ ⵏ 100 ⵎⵍⵢⴰⵕ ⴷⵓⵍⴰⵕ ⴽⵓⵏ ⴰⵙⴳⴳⵯⴰⵙ ⵉ ⵉⵙⵏⴼⴰⵕⵏ ⴰⴷ .
ⵎⴽⵍⵍⵉ ⵔⴰⴷ ⵉⵜⵜⵓⵎⵔⴰⵔⴰ ⵡⴰⵡⴰⵍ ⵅⴼ ⴽⵉⴳⴰⵏ ⵏ ⵜⵎⵏⵜⵉⵍⵉⵏ ⴰⴷ , ⴷ ⴰⵡⴷ ⵜⴰⵡⵡⵓⵔⵉ ⵏⵏⴰ ⵙⴽⴰⵔⵏ ⵉⵙⵏⴼⴰⵍ ⵏ ⵓⵏⵣⵡⵉ ⴳ ⵉⴼⵔⵉⵇⵢⴰ , ⴷ ⵓⵙⵔⵓⵙ ⵏ ⵜⵙⵡⵉⵏⴳⵉⵎⵉⵏ ⴷ ⵉⴼⵙⵙⴰⵢⵏ ⵉ ⵜⵓⵎⴰⵏⵜ ⴰⴷ , ⴰⴼⴰⴷ ⴰⴷ ⵢⵉⵍⵉ ⵢⴰⵏ ⵡⴰⵏⵏⴰⵍ ⴰⴷⵔⵉⵎⴰⵏ ⵉ ⵜⵓⵎⴰⵏⵜ ⴰⴷ ⵉⵏⴼⴰⵍⴰⵍⵏ ⴽⵉⴳⴰⵏ .