Published on MAPNews (https://preprod.mapnews.ma/am)

Accueil > ⵜⵙⵙⵉⵅⴼ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵃⵙⵏⴰ ⴳ ⴹⴹⴰⵕⵍⴱⵉⴹⴰ ⴰⵕⵥⵥⵓⵎ ⵏ ⵜⵙⵓⵜⵍⵜ ⵜⵉⵙⵙ 26 ⵏ ⵓⵙⴼⵙⴰⵔ ⴰⴳⵔⴰⵖⵍⴰⵏ ⵏ ⵜⵥⵕⵉⴳⵜ ⴷ ⵓⴷⵍⵉⵙ
  1. Accueil
  2. ⵉⵎⵓⵙⵙⵓⵜⵏ ⵉⴳⵍⴷⵓⵏⵏ

ⵜⵙⵙⵉⵅⴼ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵃⵙⵏⴰ ⴳ ⴹⴹⴰⵕⵍⴱⵉⴹⴰ ⴰⵕⵥⵥⵓⵎ ⵏ ⵜⵙⵓⵜⵍⵜ ⵜⵉⵙⵙ 26 ⵏ ⵓⵙⴼⵙⴰⵔ ⴰⴳⵔⴰⵖⵍⴰⵏ ⵏ ⵜⵥⵕⵉⴳⵜ ⴷ ⵓⴷⵍⵉⵙ

06 ⴱⵕⴰⵢⵕ 2020 Version Imprimable
ⴹⴹⴰⵕⵍⴱⵉⴹⴰ - ⵜⵙⵙⵉⵅⴼ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵃⵙⵏⴰ, ⴰⵙⵙ ⵏ ⵓⴽⵡⴰⵙ ⴳ ⵜⴷⴳⴳⵯⴰⵜ, ⴳ ⵓⵙⴼⵙⴰⵔ ⴰⴳⵔⴰⵖⵍⴰⵏ ⵏ ⴹⴹⴰⵕⵍⴱⵉⴹⴰ, ⴰⵕⵥⵥⵓⵎ ⵏ ⵜⵙⵓⵜⵍⵜ ⵜⵉⵙⵙ 26 ⵏ ⵓⵙⴼⵙⴰⵔ ⴰⴳⵔⴰⵖⵍⴰⵏ ⵏ ⵜⵥⵕⵉⴳⵜ ⴷ ⵓⴷⵍⵉⵙ, ⵍⵍⵉ ⵢⵜⵜⵓⵙⵏⵎⴰⵍⵏ ⵙ ⵉⵡⵉⵣ ⵢⴰⵜⵜⵓⵢⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⴰⵔ 16 ⴱⵕⴰⵢⵕ ⴰⴷ.

ⵜⵙⴽⵔ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵃⵙⵏⴰ, ⵎⴰ ⵢⴰⴷ ⵉⵎⴰⵏⵏ ⴷ ⵓⵎⴰⵡⵙⴰⵙ ⵏ ⵜⴷⵍⵙⴰ ⴷ ⵜⵄⵄⵓⵔⵎⴰ ⴷ ⵜⵓⵏⵏⵓⵏⵜ, ⴰⵎⵙⵉⵡⵍ ⵙ ⵢⵉⵙⵎ ⵏ ⵜⵏⴱⴰⴹⵜ, ⵎⴰⵙⵙ ⵍⵃⴰⵙⴰⵏ ⵄⴱⵢⴰⴱⴰ, ⴷ ⵜⵎⵉⵔⵉⵜ ⵏ ⵓⴼⵙⴰⵔ ⵎⴰⵙⵙⴰ ⵍⴰⵟⵉⴼⴰ ⵎⵓⴼⵜⴰⵇⵉⵕ, ⵢⴰⵏ ⵓⵔⵣⴰⴼ ⵉ ⵢⵏⵙⴰⵏ ⵏ ⵓⴼⵙⴰⵔ ⵏ ⵉⴳⵔ ⵏ ⵜⴷⵍⵙⴰ, ⴷ ⵏ ⵜⵎⴰⵡⴰⵙⵜ ⵏ ⵍⵃⴰⴱⵓⵙ ⴷ ⵜⵖⴰⵡⵙⵉⵡⵉⵏ ⵏ ⵍⵉⵙⵍⴰⵎ, ⴷ ⵓⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⵎⴰⵣⵉⵖⵜ.

ⴷ ⵜⵔⵣⴼ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵓⵍⴰ ⴰⴼⵙⴰⵔ ⵏ ⵜⴳⴷⵓⴷⴰⵏⵜ ⵜⴰⵎⵓⵙⵍⵎⵜ ⵏ ⵎⵓⵕⵉⵟⴰⵏⵢⴰ, ⵎⴰ ⵢⴰⴷ ⵉⴳⴰⵏ ⴰⵏⴱⵉ ⵏ ⵓⴱⵓⵔⵣ ⵏ ⵜⵙⵓⵜⵍⵜ ⴰⴷ, ⵍⵍⵉ ⵢⵙⴼⵓⴳⵍⴰⵏ ⵜⵓⵇⵇⵏⵉⵏ ⵉⵎⵣⵔⵓⵢⵏ ⴷ ⵉⵖⵔⵎⴰⵏ ⴳⵔ ⵜⴳⵍⴷⵉⵜ ⵏ ⵍⵎⵖⵔⵉⴱ ⴷ ⵜⴰⵎⴰⵣⵉⵔⵜ ⵜⵓⵍⵜⵎⴰⵜ ⴰⴷ, ⵙ ⵓⵙⴷⵓⵙ ⵏ ⵜⵓⵇⵇⵏⵉⵏ ⵜⵉⴷⵍⵙⴰⵏⵉⵏ ⵎⵎⵉ ⴱⴷⴷⴰ ⵢⵙⵎⴰⵏⵏ ⵜⵎⵖⴰⵔⵉⵏ ⴷ ⵉⵔⴳⴰⵣⵏ ⵏ ⵜⴷⵍⵙⴰ ⴷ ⵓⵙⵡⵉⵏⴳⵎ ⴳ ⵙⵏⴰⵜ ⵜⵎⵉⵣⴰⵔ ⴰⴷ. 

ⴷⴼⴼⵉⵔ ⵏ ⵖⵉⴽⴰⵏⵏ, ⵜⵔⵣⴷ ⵙⵓⵍ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵃⵙⵏⴰ ⵎⵏⵏⴰⵡ ⵏ ⵉⵏⵙⴰⵏ ⵢⴰⴹⵏⵉⵏ ⵏ ⵓⴼⵙⴰⵔ.

ⵉⵙⵙⵏ ⵓⵎⵓⵙⵙⵓ ⵢⴰⴷ, ⵍⵍⵉ ⵜⵙⵏⵎⴰⵍⴰ ⵜⵎⴰⵡⴰⵙⵜ ⵏ ⵜⴷⵍⵙⴰ ⴷ ⵜⵉⵄⵄⵓⵔⵎⴰ ⴷ ⵜⵓⵏⵏⵓⵏⵜ ⵙ ⵓⵎⵢⴰⵡⴰⵙ ⵏ ⵜⵙⵏⵓⵔⴰⵢⵜ ⵜⵎⵖⵔⴰⴱⵉⵜ ⵏ ⵉⵙⵙⴰⵔⵓⵏ ⴷ ⵉⵎⵙⵉⴷⴼⵏ ⴷ ⵓⵙⵉⵔⴰ ⵏ ⵉⵙⴼⵙⴰⵔⵏ ⵏ ⴹⴹⴰⵕⴱⵉⴹⴰ, ⵜⴰⴷⵔⴰⵡⵜ ⵏ 703 ⵓⵙⴼⵙⴰⵔ ⵉⵍⵍⴰ ⴳⵉⵙⵏ 267 ⵓⴼⵙⴰⵔ ⵙ ⵓⵙⵔⴰⴷ, ⴷ 436 ⵓⴼⵙⴰⵔ ⵓⵔ ⵓⵙⵔⴰⴷ, ⴷ ⵉⵣⵔⵉ ⵡⵟⵟⵓⵏ ⵏ ⵉⵣⵡⴰⵍⵏ ⵉⵜⵜⵓⵙⴼⵙⴰⵔⵏ 100.000 ⵓⵣⵡⴰⵍ.

ⵍⵍⵉⵖ ⵜⵍⴽⵎ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵜⴰⴳⵍⴷⵓⵏⵜ ⵍⴰⵍⵍⴰ ⵃⵙⵏⴰ ⵙ ⵓⵙⴼⵙⴰⵔ ⴰⴳⵔⴰⵖⵍⴰⵏ ⵏ ⴹⴹⴰⵕⵍⴱⵉⴹⴰ, ⵜⵙⵙⵣⵔⵉ ⵢⴰⵏ ⵓⴳⵔⴰⵡ ⵏ ⵜⴳⴳⴰⵍⵉⵏ ⵏ ⵜⵡⵙⵉ ⵍⵍⵉ ⵢⴰⵜ ⵉⴼⴽⴰⵏ ⴰⵣⵓⵍ, ⴷⴰⵜ ⴰⴷ ⵣⵓⵍⵏ ⵍⴰⵍⵍ ⵏ ⵜⴰⵜⵜⵓⵢⵜ ⵜⴰⴳⵍⴷⴰⵏⵜ ⵎⴰⵙⵙ ⵍⵃⴰⵙⴰⵏ ⵄⴱⵢⴰⴱⴰ, ⴷ ⵎⴰⵙⵙ ⴰⵃⵎⴰⴷ ⵡⵍⴷ ⴱⴱⴰⵀ ⵡⵍⴷ ⵙⴰⵄⵉⴷ ⴰⵃⵎⴰⴷ, ⴰⵎⴰⵔⵉ ⴰⵎⴰⵜⴰⵢ ⵏ ⵜⵎⴰⵡⴰⵙⵜ ⵏ ⵜⴷⵍⵙⴰ ⴷ ⵜⴳⵓⵔⵉ ⴷ ⵜⵓⵇⵇⵏⵉⵏ ⴷ ⵓⴱⵕⵍⴰⵎⴰⵏ ⴳ ⵜⴳⴷⵓⴷⴰⵏⵜ ⵜⴰⵎⵓⵙⵍⵎⵜ ⵏ ⵎⵓⵕⵉⵟⴰⵏⵢⴰ, ⴷ ⵎⵏⵏⴰⵡ ⵏ ⵉⵏⴳⵎⴰⵎⵏ ⵢⴰⴹⵏⵉⵏ.

 

Dernière modification : 06 ⴱⵕⴰⵢⵕ 2020
Source URL: https://preprod.mapnews.ma/am/activites-princieres/%E2%B5%9C%E2%B5%99%E2%B5%99%E2%B5%89%E2%B5%85%E2%B4%BC-%E2%B5%8D%E2%B4%B0%E2%B5%8D%E2%B5%8D-%E2%B5%8F-%E2%B5%9C%E2%B4%B0%E2%B5%9C%E2%B5%9C%E2%B5%93%E2%B5%A2%E2%B5%9C-%E2%B5%9C%E2%B4%B0%E2%B4%B3%E2%B5%8D%E2%B4%B7%E2%B4%B0%E2%B5%8F%E2%B5%9C-%E2%B5%9C%E2%B4%B0%E2%B4%B3%E2%B5%8D%E2%B4%B7%E2%B5%93%E2%B5%8F%E2%B5%9C-%E2%B5%8D%E2%B4%B0%E2%B5%8D%E2%B5%8D%E2%B4%B0-%E2%B5%83%E2%B5%99%E2%B5%8F%E2%B4%B0-%E2%B4%B3-%E2%B4%B9%E2%B4%B9%E2%B4%B0%E2%B5%95%E2%B5%8D%E2%B4%B1%E2%B5%89%E2%B4%B9%E2%B4%B0-%E2%B4%B0%E2%B5%95%E2%B5%A5%E2%B5%A5%E2%B5%93%E2%B5%8E-%E2%B5%8F-%E2%B5%9C%E2%B5%99%E2%B5%93%E2%B5%9C%E2%B5%8D%E2%B5%9C