ⵉⵜⵜⵓⵙⵜⴰ ⵡⵙⵇⵇⵉⵎ ⴰⵎⴰⴹⵍⴰⵏ ⵏ ⵉⵥⴰⴳⵯⵣⵏ ⴰⵣⴰⴳⵯⵣ ⴰⵎⴰⴹⵍⴰⵏ ⵎⵓⵃⵎⵎⴷ ⵡⵉⵙⵙ ⵙⵎⵎⵓⵙ ⴰⵎⵎⴰⵙ ⵏ ⵉⵥⴰⴳⵯⵣⵏ ⵉⵎⵓⴼⴰⵢⵏ ⴳ ⵉⴼⵔⵉⵇⵢⴰ ⴳ ⵓⵙⴳⴳⵯⴰⵙ ⵏ 2018

19 ⵎⴰⵕⵚ 2019 Version Imprimable

ⴹⴹⴰⵕⵍⴱⵉⴹⴰ - ⵉⵜⵜⵓⵙⵜⴰ ⵡⵣⴰⴳⵯⵣ ⴰⵎⴰⴹⵍⴰⵏ ⵎⵓⵃⵎⵎⴷ ⵡⵉⵙⵙ ⵙⵎⵎⵓⵙ ⴳ ⴹⴹⴰⵕⵍⴱⵉⴹⴰ ⴰⵎⵎⴰⵙ ⵏ ⵉⵥⴰⴳⵯⵣⵏ ⵉⵎⵓⴼⴰⵢⵏ ⴳ ⵉⴼⵔⵉⵇⵢⴰ ⴳ ⵓⵙⴳⴳⵯⴰⵙ ⵏ 2018 ⴳ ⵉⴳⵔ ⵏ ⵜⵖⴰⵔⴰ ⵏ ⵜⵢⴰⴼⵓⵜⵉⵏ ⵉⵜⵜⵓⵙⵎⵏⴰⴷⵏ ⵉ ⵎⴷⴷⵏ ⴳ ⵜⵡⴰⵍⴰ ⵜⵉⵙⵙ ⵙⵏⴰⵜ ⴳ ⵓⵏⵎⴰⵍⴰ ⵏ ⵓⵙⵜⴰⵢ ⵏ ⵓⵙⵖⵍ ⵏ ⵜⵏⵏⴰⵢⵜ ⵏ ⵜⵓⵎⵔⵜ ⵏ ⵉⵏⵎⴰⴷⴷⵓⵏ (ⴰ ⵉⵙ ⴽⵉ) ⵍⵍⵉ ⵢⴼⴼⵖⵏ ⵡⵙⵙⴰⵏ ⴰⴷ ⵉⵣⵔⵉⵏ ⵙⴳ ⵓⵙⵇⵇⵉⵎ ⴰⵎⴰⴹⵍⴰⵏ ⵏ ⵉⵥⴰⴳⵯⵣⵏ, ⵎⴰ ⵢⵙⵎⵖⵓⵔⵏ ⵉⵣⴰⴳⵯⵣⵏ ⵉⵎⵓⴼⴰⵢⵏ ⴳ ⵓⵎⴰⴹⴰⵍ ⵍⵍⵉ ⵢⵜⵜⴰⴽⴽⴰⵏ ⵉⵔⵉⵎ ⴰⵎⵓⴼⴰⵢ ⵏ ⵢⵏⵎⴰⴷⴷⵓⴷⵏ ⴳ ⵜⵖⵔⴰ ⵏ ⵜⵏⴰⴼⵓⵉⵜⵉⵏ ⵉⵜⵜⵓⵙⵎⵏⴰⴷⵏ.

ⵉⵏⵏⴰ ⵢⴰⵏ ⵓⵙⵉⵡⴹ ⵏ ⵓⵙⵉⵔⴰ ⴰⵏⴰⵎⵓⵔ ⵏ ⵉⵣⴰⴳⵯⵣⵏ ⵎⴰⵙ ⴰⵣⴰⴳⵯⵣ ⵓⵎⴰⴹⴰⵍ ⵎⵓⵃⵎⵎⴷ ⵡⵉⵙⵙ ⵙⵎⵎⵓⵙ ⵉⵜⵜⵓⵙⵜⴰ ⴰⵎⵎ ⵓⵣⴰⴳⵯⵣ ⴰⵎⵢⴰⴼⵓ ⴳ ⵉⴼⵔⵉⵇⵢⴰ ⵏⵜⵜⴰⵏ ⴷ ⴰⵣⴰⴳⵯⵣ ⴷ ⴷⵉⵔⴱⴰⵏ ⴳ ⵉⴼⵔⵉⵇⵢⴰ ⵏ ⵉⴼⴼⵓⵙ ⴳ ⵓⵏⵎⴰⵍⴰ ⵏ ⵓⵙⵜⴰⵢ ⵏ ⵉⵣⴰⴳⵯⵣⵏ ⵍⵍⵉ ⵢⵙⵏⵓⴱⴰⴳⵏ ⴽⵔⴰ ⵢⴳⴰⵜⵜ ⵓⵎⵙⴳⴳⵯⴰⵙ ⵉⵎⵓⵙⵙⵓ ⵏ ⵓⵙⵜⴰⵢ ⵏ ⵓⴹⵓ ⴳⵔ 5 ⴷ 15 ⴰⵎⵍⵢⵓⵏ ⵏ ⵉⵏⵎⴰⴷⴷⵓⵏ.

ⵉⵙⵓⵍ ⵉⵏⵏⴰ ⵡⵙⵉⵡⴹ ⵎⴰⵙ ⵜⵙⵎⵖⵓⵔⵜ ⵜⴰⵎⵙⴳⴰⵙⵜ ⵏ ⵜⵖⴰⵔⴰ ⵏ ⵜⵢⴰⴼⵓⵜⵉⵏ ⵏ ⵓⵣⴰⴳⵯⵣ ⵜⵜⵓⴼⴽⴰ ⵉ ⵢⵥⴰⴳⵯⵣⵏ ⵉⵎⵓⴼⴰⵢⵏ ⴳ ⵓⵎⴰⴹⴰⵍ ⵅⴼ ⵜⵙⵉⵍⴰ ⵏ ⵓⵙⵖⵍ ⵏ ⵜⵏⵏⴰⵢⵜ ⵏ ⵓⴷⴳⵉ ⵏ ⵉⵏⵎⴰⴷⴷⵓⵏ "ⴰ ⵉⵙ ⴽⵉ" ⵏ ⵓⵙⵇⵇⵓⵍ ⵏ ⵓⴷⴳⵉ ⵏ ⵉⵏⵎⴰⴷⴷⵓⵏ ⵏ ⵉⵥⴰⴳⵯⵣⵏ, ⵉⴼⵔⴰ ⵢⵏⵏⴰ ⵎⴰⵙ ⵉⵙⴱⴷⴷ ⴰⵙⵖⵍ ⴰⴷ ⵜⴰⵏⵏⴰⵢⵜ ⵅⴼ ⵉⵙⴱⴷⴰⴷⵏ ⵉⵎⵙⵖⴰⵔⵓⵏ ⵍⵍⵉ ⵢⵃⴱⴰⵏ ⴰⵖⴰⵔⴰⵙ ⵏ ⵓⵏⵎⴰⴷⴷⵓ ⴳ ⵓⵣⴰⴳⵯⵣ.

Dernière modification : 19 ⵎⴰⵕⵚ 2019

Source URL: https://preprod.mapnews.ma/am//actualites/%E2%B5%9C%E2%B4%B0%E2%B4%B7%E2%B4%B0%E2%B5%8E%E2%B5%99%E2%B4%B0/%E2%B5%89%E2%B5%9C%E2%B5%9C%E2%B5%93%E2%B5%99%E2%B5%9C%E2%B4%B0-%E2%B5%A1%E2%B5%99%E2%B5%87%E2%B5%87%E2%B5%89%E2%B5%8E-%E2%B4%B0%E2%B5%8E%E2%B4%B0%E2%B4%B9%E2%B5%8D%E2%B4%B0%E2%B5%8F-%E2%B5%8F-%E2%B5%89%E2%B5%A5%E2%B4%B0%E2%B4%B3%E2%B5%AF%E2%B5%A3%E2%B5%8F-%E2%B4%B0%E2%B5%A3%E2%B4%B0%E2%B4%B3%E2%B5%AF%E2%B5%A3-%E2%B4%B0%E2%B5%8E%E2%B4%B0%E2%B4%B9%E2%B5%8D%E2%B4%B0%E2%B5%8F-%E2%B5%8E%E2%B5%93%E2%B5%83%E2%B5%8E%E2%B5%8E%E2%B4%B7-%E2%B5%A1%E2%B5%89%E2%B5%99%E2%B5%99-%E2%B5%99%E2%B5%8E%E2%B5%8E%E2%B5%93%E2%B5%99-%E2%B4%B0%E2%B5%8E%E2%B5%8E%E2%B4%B0%E2%B5%99-%E2%B5%8F-%E2%B5%89%E2%B5%A5%E2%B4%B0%E2%B4%B3%E2%B5%AF%E2%B5%A3%E2%B5%8F