ⵎⴰⵡⴰⵣⵉⵏ 2019: ⵜⵥⴰ ⵏ ⵉⴹⵏ ⴳ ⵜⴷⴽⴽⵯⴰⵏⵜ ⵏ ⵙⵍⴰ ⴷ ⵉⵙⵎⴰⵡⵏ ⵉⵅⴰⵜⴰⵔⵏ ⵏ ⵜⵣⴰⵡⴰⵏⵜ ⵜⴰⵎⴷⴰⵏⵜ ⴷ ⵜⴰⵎⴰⵣⵉⵖⵜ ⴷ ⵏ ⵕⵕⴰⵢ ⴷ ⵜⴳⵏⴰⵡⵉⵜ ⴷ ⵍⴼⵉⵣⵢⵓⵏ ⴷ ⵕⵕⴰⴱ ⴷ ⵍⵀⵉⴱ ⵀⵓⴱ

09 ⵎⴰⵢⵢⵓ 2019 Version Imprimable

ⵕⵕⴱⴰⵟ - ⵔⴰⴷ ⵜⵙⵎⵏⵉⴷ ⵜⵡⴰⵍⴰ ⵜⵉⵙⵙ 18 ⵏ ⵓⵏⵎⵓⴳⴳⵯⴰⵔ ⵏ ⵎⴰⵡⴰⵣⵉⵏ - ⵉⵏⵢⴰⵏ ⵏ ⴷⴷⵓⵏⵉⵜ - ⴳⵔ 21 ⴷ 29 ⵢⵓⵏⵢⵓ, ⵜⵥⴰ ⵏ ⵉⴹⵏ ⵉⴼⵓⵍⴽⵉⵏ ⴳ ⵜⴷⴽⴽⵯⴰⵜⵏ ⵏ ⵙⵍⴰ ⵉⵙⵎⴰⵏⵏ ⵉⵙⵎⴰⵡⵏ ⵉⵅⴰⵜⴰⵔⵏ ⵏ ⵜⵣⴰⵡⴰⵏⵜ ⵜⴰⵎⴷⴰⵏⵜ ⴷ ⵜⴰⵎⴰⵣⵉⵖⵜ ⴷ ⵏ ⵕⵕⴰⵢ ⴷ ⵜⴳⵏⴰⵡⵉⵜ ⴷ ⵍⴼⵉⵣⵢⵓⵏ ⴷ ⵕⵕⴰⴱ ⴷ ⵍⵀⵉⴱ ⵀⵓⴱ.

ⵉⵏⵏⴰ ⵢⴰⵏ ⵓⵙⵉⵡⴹ ⵏ ⵉⵎⵙⵓⴷⵙⵏ ⵎⴰⵙ ⴰⵏⵎⵓⴳⴳⴰⵔ ⴰⴷ ⵍⵍⵉ ⵢⵜⵜⵓⵙⵏⵎⴰⵍⵏ ⵙ ⵉⵡⵉⵣ ⵢⴰⵜⵜⵓⵢⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⵔⴰⴷ ⵉⵣⵔⵉ, ⴰⵎⵎ ⵜⵏⵓⵎⵉ ⵏⵏⵙ, ⵓⴳⴳⴰⵔ ⵏ ⵓⵣⴳⵏ ⵏ ⵓⵙⵖⵉⵡⵙ ⵏⵏⵙ ⵉ ⵢⵏⴰⵣⵓⵔⵏ ⵉⵎⵖⵔⴰⴱⵉⵢⵏ, ⵉⴼⵔⴰ ⵢⵏⵏⴰ ⵎⴰⵙ ⵔⴰⴷ ⵣⵔⵉⵏ ⴳ ⵓⵙⵖⵏ ⵏ ⵙⵏⴰⵜ ⵜⵣⴰⵡⴰⵏⵉⵏ ⴳ ⴽⵔⴰ ⵢⴳⴰⵜⵜ ⵉⴹ. ⴼ ⵖⵉⴽⴰⵏⵏ, ⵔⴰⴷ ⵜⵙⵏⵓⴱⴳ ⵜⴷⴽⴽⵯⴰⵏⵜ ⵏ ⵙⵍⴰ ⴰⵣⴰⵡⴰⵏ ⴰⵎⵖⵔⴰⴱⵉ ⴳ ⴽⵔⴰ ⵢⴳⴰⵜⵜ ⵓⵙⵡⵉⵔ ⵏⵏⵙ.

ⵉⵔⵏⵓ ⵢⵏⵏⴰ ⵡⵙⵉⵡⴹ ⵎⴰⵙ ⵉⵏⵔⵣⵓⴼⵏ ⵏ ⵓⵏⵎⵓⴳⴳⵯⴰⵔ ⵔⴰⴷ ⴹⴼⴰⵕⵏ ⵢⴰⵏ ⵓⵏⵎⵓⵇⴳⵯⴰⵔ, ⴰⵙⵙ ⵏ ⵓⵙⵉⵎⵡⴰⵙ 21 ⵢⵓⵏⵢⵓ, ⴷ ⵢⴰⵏ ⵉⴹ ⵉⴼⵓⵍⴽⵉⵏ ⴷ ⵓⴷⵎ ⵏ ⴰⵣⴰⵡⴰⵏ ⴰⵎⴰⴷⴰⵏ ⴰⵎⵖⵔⴰⴱⵉ, ⵎⴰ ⵢⴰⴷ ⵉⴳⴰⵏ ⵣⴰⵀⵉⵔⴰ ⵕⴱⴰⵟⵢⵢⴰ ⴷ ⵓⵏⴰⵣⵓⵔ ⴰⵎⵖⵔⴰⴱⵉ ⵉⵡⵉⵙ ⵏ ⴹⴹⴰⵕⵍⴱⵉⴹⴰ ⵎⵚⵟⴰⴼⴰ ⴱⵓⵔⴳⵓⵏ, ⴰⴼ ⴰⴷ ⵣⵔⵉⵏ ⵢⴰⵏ ⵉⴹ ⵍⵍⵉ ⵓⵔ ⵔⴰⴷ ⵜⵜⵓⵏ, ⵉⴹ ⵏ ⵓⵕⵥⵥⵓⵎ ⵏ ⵓⵙⴰⵢⵔⴰⵔ ⵏ ⵜⴷⴽⴽⵯⴰⵏⵜ ⵏ ⵙⵍⴰ.

Dernière modification : 09 ⵎⴰⵢⵢⵓ 2019

Source URL: https://preprod.mapnews.ma/am//actualites/%E2%B5%9C%E2%B4%B0%E2%B4%B7%E2%B5%8D%E2%B5%99%E2%B4%B0/%E2%B5%8E%E2%B4%B0%E2%B5%A1%E2%B4%B0%E2%B5%A3%E2%B5%89%E2%B5%8F-2019-%E2%B5%9C%E2%B5%A5%E2%B4%B0-%E2%B5%8F-%E2%B5%89%E2%B4%B9%E2%B5%8F-%E2%B4%B3-%E2%B5%9C%E2%B4%B7%E2%B4%BD%E2%B4%BD%E2%B5%AF%E2%B4%B0%E2%B5%8F%E2%B5%9C-%E2%B5%8F-%E2%B5%99%E2%B5%8D%E2%B4%B0-%E2%B4%B7-%E2%B5%89%E2%B5%99%E2%B5%8E%E2%B4%B0%E2%B5%A1%E2%B5%8F-%E2%B5%89%E2%B5%85%E2%B4%B0%E2%B5%9C%E2%B4%B0%E2%B5%94%E2%B5%8F-%E2%B5%8F-%E2%B5%9C%E2%B5%A3%E2%B4%B0%E2%B5%A1%E2%B4%B0%E2%B5%8F%E2%B5%9C-%E2%B5%9C%E2%B4%B0%E2%B5%8E%E2%B4%B7%E2%B4%B0%E2%B5%8F%E2%B5%9C-%E2%B4%B7