ⵔⴰⴷ ⵢⵉⵍⵉ ⵢⵎⴰⵍⴰⵙⵙ ⴰⴷⵍⵙⴰⵏ ⵏ ⵍⵇⵓⴷⵙ ⴰⵛⵛⵔⵉⴼ ⴽⵔⴰ ⵢⴳⴰⵜⵜ ⵓⵙⴳⴳⵯⴰⵙ ⴳ ⵜⵖⵔⵎⵜ ⵏ ⴼⴰⵙ

08 ⵎⴰⵢⵢⵓ 2019 Version Imprimable

ⴼⴰⵙ - ⵉⵜⵜⵓⵖⵜⴰⵙ ⴰⴷ ⵜⵙⵏⵓⴱⴳ ⴼⴰⵙ ⴽⵔⴰ ⵢⴳⴰⵜⵜ ⵓⵙⴳⴳⵯⴰⵙ ⵉⵎⴰⵍⴰⵙⵙ ⴰⴷⵍⵙⴰⵏ ⵏ ⵍⵇⵓⴷⵙ ⴰⵛⵛⵔⵉⴼ, ⴷ ⵉⵎⵓⵙⵙⵓⵜⵏ ⵢⴰⴹⵏⵉⵏ ⵉⵜⵜⵓⵙⵖⴰⵡⵙⵏ ⵙ ⵓⵣⵣⵉⴳⵔ ⵏ ⵜⵎⵢⴰⵇⵇⴰⵏⵜ ⵏ ⵜⴷⴷⵓⴽⵍⴰ ⵍⵍⵉ ⵜⵙⵎⴰⵏ ⵜⵎⴰⵣⵓⵏⵜ ⵜⴰⵎⴰⵙⴰⵏⵜ ⵏ ⵜⴳⵍⴷⵉⵜ ⴷ ⵜⵖⵔⵎⵜ ⵜⴰⴼⴰⵍⴰⵚⵟⵉⵏⵉⵜ ⵍⵍⵉ ⵢⵜⵜⵓⵙⴳⵎⴰⴹⵏ ⴳ ⵓⵙⴳⴳⵯⴰⵙ ⵏ 1982.

ⵔⴰⴷ ⵉⵜⵜⵓⵙⵏⵎⴰⵍⴰ ⵢⵎⴰⵍⴰⵙⵙ ⴰⵎⵙⴳⴳⵯⴰⵙ ⴰⴷ ⵖⵉⴽ ⵍⵍⵉ ⵢⵏⵏⴰ ⵢⴰⵏ ⵓⴹⴼⵉⵔ ⵏ ⵜⵎⵢⴰⵇⵇⴰⵏⵜ ⵍⵍⵉ ⵜⵙⵙⵖⵥⵏ ⵜⴳⵔⴰⵡⵜ ⵏ ⴼⴰⵙ ⴳ ⵜⵡⴰⵍⴰ ⵜⴰⵙⵏⵡⴰⵏⵜ ⵏⵏⵙ ⵏ ⵡⴰⵢⵢⵓⵔ ⵏ ⵎⴰⵢⵢⵓ ⵍⵍⵉ ⵢⵎⴰⵏⵏ ⵉⴹ ⵍⵍⵉ ⵏ ⴰⵙⵙ ⵏ ⵓⵙⵉⵏⴰⵙ, ⴷ ⵎⴰ ⵢⴰⴷ ⵙⵓⵍ ⵉⵏⵏⴰⵏ ⵉⵙ ⵔⴰⴷ ⴷⴷⵓⵏ ⵉⵏⵍⵎⴰⴷⵏ ⵙⴳ ⵍⵇⵓⴷⵙ ⴰⵛⵛⵔⵉⴼ ⵅⴼ ⵓⵙⵖⵔⵜ ⴷ ⴰⵙⴰⵏⵓⵏ ⴳ ⵜⵣⵣⵓⵍⵉⵏ ⵜⵎⵖⵔⴰⴱⵉⵢⵏ ⵜⵉⵙⵉⵏⴰⴳⵏ ⴷ ⵜⵉⵏⵎⵍⵏ ⵉⵥⵍⵉⵏ ⴷ ⴰⵙⵏⴼⵍ ⵏ ⵉⵔⵣⴰⴼⵏ ⴷ ⵓⵙⵏⵓⴱⴳ ⵏ ⵉⵎⵓⵙⵙⵓⵜⵏ ⵏ ⵜⵄⵄⵓⵔⵎⴰ ⴷ ⵜⴷⵍⵙⴰ ⴳⵔ ⵙⵏⴰⵜ ⵏ ⵜⵖⵔⵎⵉⵡⵉⵏ ⵓⵍⵜⵎⴰⵜⵏ.

ⵉⵏⵏⴰ ⵙⵓⵍ ⵓⴹⴼⵉⵔ ⴰⴷ ⵎⴰⵙ ⵔⴰⴷ ⵉⵜⵢⴰⴽⴽⴰ ⵡⵏⵏⴰⵍ ⵏ ⵉⵏⵍⵎⴰⴷⵏ ⵉⵎⴰⵇⴷⵉⵙⵉⵢⵏ ⵍⵍⵉ ⵔⴰⵏ ⴰⴷ ⵖⵔⵉⵏ ⴳ ⵜⵙⴷⴰⵡⵉⵏ ⴷ ⵉⵙⵉⵏⴰⴳⵏ ⴷ ⵜⵖⵉⵡⴰⵏⵉⵏ ⴳ ⵜⵖⵔⵎⵜ ⵏ ⴼⴰⵙ, ⴷ ⴰⵏⵏⴰⵍ ⵏ ⵉⵙⵏⵜⵄⵉⵏ ⵉⵎⵣⵢⴰⵏⵏ ⵍⵍⵉ ⵖⵓⵔⵙⵏ ⵜⴰⵎⴰⵙⵙⴰⵔⵜ ⴰⴷ ⵣⵣⴳⵉⵔⵏ ⴳ ⵍⵇⵓⴷⵙ ⴰⵛⵛⵔⵉⴼ.

Dernière modification : 08 ⵎⴰⵢⵢⵓ 2019

Source URL: https://preprod.mapnews.ma/am//actualites/%E2%B5%9C%E2%B4%B0%E2%B4%B7%E2%B5%8D%E2%B5%99%E2%B4%B0/%E2%B5%94%E2%B4%B0%E2%B4%B7-%E2%B5%A2%E2%B5%89%E2%B5%8D%E2%B5%89-%E2%B5%A2%E2%B5%8E%E2%B4%B0%E2%B5%8D%E2%B4%B0%E2%B5%99%E2%B5%99-%E2%B4%B0%E2%B4%B7%E2%B5%8D%E2%B5%99%E2%B4%B0%E2%B5%8F-%E2%B5%8F-%E2%B5%8D%E2%B5%87%E2%B5%93%E2%B4%B7%E2%B5%99-%E2%B4%B0%E2%B5%9B%E2%B5%9B%E2%B5%94%E2%B5%89%E2%B4%BC-%E2%B4%BD%E2%B5%94%E2%B4%B0-%E2%B5%A2%E2%B4%B3%E2%B4%B0%E2%B5%9C%E2%B5%9C-%E2%B5%93%E2%B5%99%E2%B4%B3%E2%B4%B3%E2%B5%AF%E2%B4%B0%E2%B5%99-%E2%B4%B3-%E2%B5%9C%E2%B5%96%E2%B5%94%E2%B5%8E%E2%B5%9C-%E2%B5%8F-%E2%B4%BC%E2%B4%B0%E2%B5%99