Published on MAPNews (https://preprod.mapnews.ma/am/)

Accueil > ⴰⵏⵎⵓⴳⴳⴰⵔ ⴼ ⵜⵉⵔⵎⵉⵜⵉⵏ ⵜⵉⵏⴼⵔⴰⵏⵉⵏ ⴳ ⵉⴳⵔ ⵏ ⵙⵙⵉⵏⵉⵎⴰ ⵜⴰⵎⴰⵣⵉⵖⵜ

ⴰⵏⵎⵓⴳⴳⴰⵔ ⴼ ⵜⵉⵔⵎⵉⵜⵉⵏ ⵜⵉⵏⴼⵔⴰⵏⵉⵏ ⴳ ⵉⴳⵔ ⵏ ⵙⵙⵉⵏⵉⵎⴰ ⵜⴰⵎⴰⵣⵉⵖⵜ

07 ⵎⴰⵢⵢⵓ 2019 Version Imprimable
ⴰⴳⴰⴷⵉⵔ - ⵜⵙⵏⵎⴰⵍⴰ ⵜⵎⵙⵎⵓⵏⵜ ⵉⵙⵓⵔⴰⴼ ⵉ ⵜⵥⵓⵕⵉ ⵜⵉⵙⵙ ⵙⴰ ⴳ ⵜⵖⵔⵎⵜ ⵏ ⵓⴳⴰⴷⵉⵔ ⵢⴰⵏ ⵓⵏⵎⵓⴳⴳⴰⵔ ⴰⵥⵓⵕⴰⵏ ⵅⴼ ⵓⵙⵏⵜⵍ ⵏ ⵜⵔⵎⵉⵜⵉⵏ ⵜⵉⵏⴼⵔⴰⵏⵉⵏ ⴳ ⵉⴳⵔ ⵏ ⵙⵙⵉⵏⵉⵎⴰ ⵜⴰⵎⴰⵣⵉⵖⵜ, ⴰⵙⵙ ⵏ ⵓⵙⵉⴹⵢⴰⵚ ⴰⴷ ⵉⵣⵔⵉⵏ ⴳ ⵜⴰⴷⴷⴰⵔⵜ ⵏ ⵙⵙⴰⵍⴰⵎ, ⵙ ⵓⵜⵓⵢ ⵏ ⵓⵙⵍⵎⴰⴷ ⴰⵅⴰⵜⴰⵔ ⵎⴰⵙⵙ ⴱⵕⴰⵀⵉⵎ ⵍⵃⵙⵏⴰⵡⵉ.

ⵜⴰⵎⵙⵎⵓⵏⵜ ⵉⵙⵓⵔⴰⴼ ⵉ ⵜⵥⵓⵕⵉ ⵜⵉⵙⵙ ⵙⴰ ⵏⵏⴰ ⵉⵜⵜⵓⵙⴽⴰⵔⵏ ⴳ ⵜⵖⵔⵎⵜ ⵏ ⵓⴳⴰⴷⵉⵔ ⴰⵔ ⵏⵏ ⴱⴷⴷⴰ ⵜⵜⴳⴳⴰ ⵜⵓⴳⴳⴰⵙ ⵏⵏⵙ ⴰⴼ ⴰⴷ ⴰⴷ ⵢⵉⵍⵉ ⵢⴰⵏ ⵓⵎⵔⴰⵔⴰ ⵏ ⵡⴰⵡⴰⵍ ⴷ ⵓⵙⵎⵓⵜⴳ ⴼ ⴰⵢⵏⵏⴰ ⵉⵥⵍⵉⵏ ⵙ ⵙⵙⵉⵏⵉⵎⴰ ⴷ ⵜⵥⵓⵕⵉ ⵜⴰⵎⴰⵣⵉⵖⵜ ⵙ ⵓⵎⴰⵜⴰ, ⵙ ⵜⵡⵉⵙⵉ ⵏ ⵉⵜⵙⵏ ⵏ ⵉⵎⵙⵜⴳⴳⴰⵔⵏ ⴷ ⵉⵏⴰⵥⵓⵕⵏ ⴷ ⵉⵎⴰⵔⴰⵜⵏ ⴳ ⵉⴳⵔ ⵏ ⵜⵥⵓⵕⵉ ⵜⴰⵎⴰⵣⵉⵖⵜ ,ⵖ ⵉⴳⴰ ⵎⴰⵙⵙ ⵍⵎⵏⵏⴰⵏⵉ ⵄⴱⴷⵓⵍⵍⴰⵀ ⵢⴰⵏ ⵙⴳ ⴳⵉⵙⵏ, ⵉⵡⵙⵏ ⴰⵢⵜ ⵓⵎⴰⵔⵉⵙ ⵏ ⵜⵎⵙⵎⵓⵏⵜ ⵏ ⵉⵙⵓⵔⴰⴼ ⴳ ⵓⵙⵎⵓⵜⴳ ⵏ ⵜⵓⴳⵜⵜ ⵏ ⵉⵄⵔⵔⵉⵎⵏ ⴳ ⵉⴳⵔ ⵏ ⵙⵙⵉⵏⵉⵎⴰ ⴷ ⵜⵖⴰⵔⴰⵙⵜ ⵏ ⵜⵉⵔⵔⴰ ⵏ ⵓⵙⵉⵏⴰⵕⵢⵓ ⵏ ⵉⵙⵓⵔⴰ ⴷ ⵜⵉⵜⵉⵇⵏⵉⵢⵉⵏ ⵏ ⵓⵙⵡⵍⵍⴼ ⴷ ⵓⵙⵙⵓⴼⵖ, ⴷ ⵎⴰⴷ ⴰⴽⴽⵯ ⵉⵣⴷⵉⵏ ⴷ ⵜⵥⵓⵕⵉ,ⴰⴼⴰⴷ ⴰⴷ ⴰⵡⵙⵏ ⴳ ⵓⵙⵎⴰⵜⵜⵉ ⵏ ⵜⴰⵏⵏⴰⵢⵜ ⵜⴰⵇⵇⴱⵓⵕⵜ ⵏⵏⴰ ⵉⵍⵍⴰⵏ ⴼ ⵉⵙⵓⵔⴰ ⴷ ⵜⵥⵓⵕⵉ ⵜⴰⵎⴰⵣⵉⵖⵜ ⵙ ⵓⵎⴰⵜⴰ ⵙⴱⵓⵖⵍⵓⵏⵜⵜ ⵙ ⵓⵙⵡⵉⵔ ⵏⵏⴰ ⵉⵥⵉⵍⵏ.

ⵉⴳⴰ ⵡⵏⵎⵓⴳⴳⴰⵔ ⴰⴷ ⵢⴰⵏ ⴳ ⵉⵡⵜⵜⴰⵙⵏ ⵏ ⵉⵙⵓⵔⴰⴼ ⵙⵍⴰⵡⴰⵏ ⴰⴽⴽⵯ ⵍⵍⵉⵖ ⴳⵉⵙ ⵉⵜⵜⵓⵎⵔⴰⵔⴰ ⵡⴰⵡⴰⵍ ⴼ ⵜⵓⴳⵜⵜ ⵏ ⵉⵙⵏⵜⴰⵍ ⵏⵏⴰ ⵣⴷⵉⵏⵉⵏ ⴷ ⵓⴼⵔⴰⵏ ⴳ ⵉⴳⵔ ⵏ ⵙⵙⵉⵏⵉⵎⴰ ⵜⴰⵎⴰⵣⵉⵖⵜ , ⵙ ⵓⵜⵓⵢ ⵏ ⵓⵙⵍⵎⴰⴷ ⵎⴰⵙⵙ ⴱⵕⴰⵀⵉⵎ ⵍⵃⵙⵏⴰⵡⵉ ⵏⵏⴰ ⵉⴳⴰⵏ ⴰⵎⵔⵣⵓ ⴷ ⵓⵎⵙⵎⵓⵜⴳ ⵏ ⵜⵓⴳⵜⵜ ⵏ ⵜⵙⵙⵓⵜⵍⵉⵏ ⵏ ⵓⵙⵎⵓⵜⴳ ⴳ ⵉⴳⵔ ⵏ ⵙⵙⵉⵏⵉⵎⴰ ⴷ ⵓⵙⵡⵍⵍⴼ.

ⴳ ⵓⵏⵢⴰⵍⴽⴰⵎ ⵏⵏⵖ ⴷ ⵓⵎⵙⵜⴳⴳⴰⵔ ⴳ ⵜⵎⵙⵎⵓⵏⵜ ⵏ ⵉⵙⵓⵔⴰⴼ ,ⵎⴰⵙⵙ ⵄⴱⴷⵓⵍⵍⴰⵀ ⵍⵎⵏⵏⴰⵏⵉ,ⴼ ⵜⵎⵍⴷⴰ ⴰⴷ ,ⵉⵏⵏⴰ ⵎⴰⵙⵙ ⵍⵎⵏⵏⴰⵏⵉ ⵎⴰⵙⴷ ⴰⵏⵎⵓⵇⵇⴰⵕ ⴰⴷ ⵉⴳⴰ ⵢⴰⵏ ⴳ ⵉⵏⵎⵓⵇⵇⴰⵕⵏ ⵏⵏⴰ ⵜⵙⵏⵎⴰⵍⴰ ⵜⵎⵙⵎⵓⵏⵜ ⵏ ⵉⵙⵓⵔⴰⴼ ,ⴰⴼⴰⴷ ⴰⴷ ⵜⴰⵡⵙ ⴳ ⵓⵙⴱⵓⵖⵍⵓ ⵏ ⵜⵥⵓⵕⵉ ⴷ ⵙⵙⵉⵏⵉⵎⴰ ⵜⴰⵎⴰⵣⵉⵖⵜ ,ⵢⵉⵍⵉ ⵢⴰⵏ ⵓⵏⵢⴰⵍⴽⴰⵎ ⵉⴷⵓⵙⵏ ⴳⵔ ⵉⵎⵙⵜⴳⴳⴰⵔⵏ ⴷ ⵉⵎⵙⵡⵡⵓⵔⵉⵏ ⴳ ⵉⴳⵔ ⵏ ⵙⵙⵉⵏⵉⵎⴰ ⵜⴰⵎⴰⵣⵉⵖⵜ,ⴰⴼⴰⴷ ⴰⴷ ⵢⵉⵍⵉ ⴳ ⵓⵙⵡⵉⵔ ⵢⴰⵜⵜⵓⵢⵏ .

ⵉⴳⴰ ⵡⵍⴰ ⵢⴰⵜ ⵜⵎⵍⴷⴰ ⵏ ⵓⵎⵔⴰⵔⴰ ⵏ ⵡⴰⵡⴰⵍ ⴼ ⵜⵉⵔⵎⵉⵜⵉⵏ ⵜⵉⵏⴼⵔⴰⵏⵉⵏ ⵏⵏⴰ ⵉⵜⵜⴰⵡⵙⴽⴰⵔⵏ ⴳ ⵉⴳⵔ ⴰⴷ ⵏⵏⴰⵙⴷ ⵉⵇⵇⴰⵏ ⴰⴷ ⵜ ⵏⵙⴱⵓⵖⵍⵓ ⴽⵓ ⵢⴰⵏ ⴷ ⵉⵏⵏⴰ ⵎⵓ ⵢⵓⴼⴰ ⴳ ⵜⵙⴳⴰ ⵏⵏⵙ .

Dernière modification : 07 ⵎⴰⵢⵢⵓ 2019
Source URL: https://preprod.mapnews.ma/am//actualites/%E2%B5%9C%E2%B4%B0%E2%B4%B7%E2%B5%8D%E2%B5%99%E2%B4%B0/%E2%B4%B0%E2%B5%8F%E2%B5%8E%E2%B5%93%E2%B4%B3%E2%B4%B3%E2%B4%B0%E2%B5%94-%E2%B4%BC-%E2%B5%9C%E2%B5%89%E2%B5%94%E2%B5%8E%E2%B5%89%E2%B5%9C%E2%B5%89%E2%B5%8F-%E2%B5%9C%E2%B5%89%E2%B5%8F%E2%B4%BC%E2%B5%94%E2%B4%B0%E2%B5%8F%E2%B5%89%E2%B5%8F-%E2%B4%B3-%E2%B5%89%E2%B4%B3%E2%B5%94-%E2%B5%8F-%E2%B5%99%E2%B5%99%E2%B5%89%E2%B5%8F%E2%B5%89%E2%B5%8E%E2%B4%B0-%E2%B5%9C%E2%B4%B0%E2%B5%8E%E2%B4%B0%E2%B5%A3%E2%B5%89%E2%B5%96%E2%B5%9C