Published on MAPNews (https://preprod.mapnews.ma/am/)

Accueil > ⵉⵏⵣⴳⴳⵯⴰⵏ: ⵜⵉⵏⴰⵡⵜ ⴼ ⵓⵙⵏⵜⵍ "ⴰⵙⴰⵔⵓ ⴰⵎⴰⵣⵉⵖ ⴳ ⵙⵓⵙ"

ⵉⵏⵣⴳⴳⵯⴰⵏ: ⵜⵉⵏⴰⵡⵜ ⴼ ⵓⵙⵏⵜⵍ "ⴰⵙⴰⵔⵓ ⴰⵎⴰⵣⵉⵖ ⴳ ⵙⵓⵙ"

06 ⵎⴰⵢⵢⵓ 2019 Version Imprimable
ⵉⵏⵣⴳⴳⵯⴰⵏ - ⵉⵙⵏⵎⴰⵍⴰ ⵡⵙⵔⵉⵔ ⵏ ⴰⵎⵊⴰⴷ ⴰⵙⴽⵍⴰⵏ ⴳ ⵜⵖⵔⵎⵜ ⵏ ⵉⵏⵣⴳⴳⴰⵏ ⵢⴰⵜ ⵜⵉⵏⴰⵡⵜ ⴼ ⵓⵙⵏⵜⵍ "ⴰⵙⴰⵔⵓ ⴰⵎⴰⵣⵉⵖ ⴳ ⵙⵓⵙ, ⴳⵔ ⴰⵢⵏⵏⴰ ⵉⵜⵜⵓⵙⴽⴰⵔⵏ ⴷ ⵉⴷⵉⵔⵏ ⵏ ⵡⴰⵏⵏⴰⵍ" ⴰⵙⵙ ⵏ ⵓⵙⵉⴹⵢⴰⵙ ⴰⴷ ⵉⵣⵔⵉⵏ, ⵜⵉⵣⵉ ⵜⵉⵙⵙ 19 ⵏ ⵜⴷⴳⴳⵯⴰⵜ ⴳ ⵜⴷⴰⵍⴰ ⵏ ⵇⵔⵉⵕ ⴳ ⵜⵖⵔⵎⵜ ⵏ ⵉⵏⵣⴳⴳⵯⴰⵏ.

ⵉⴳⴰ ⵡⵏⵎⵓⴳⴳⵯⴰⵔ ⴰⴷ ⵢⴰⵜ ⵜⵎⵍⴷⴰ ⴰⴼⴰⴷ ⴰⴷ ⵉⵜⵜⵓⵎⵔⴰⵔⴰ ⵡⴰⵡⴰⵍ ⴼ ⵓⵙⴰⵔⵓ ⴷ ⵙⵙⵉⵏⵉⵎⴰ ⵜⴰⵎⴰⵣⵉⵖⵜ ⵙ ⵓⵎⴰⵜⴰ, ⵜⵣⵔⵉ ⵜⵉⵏⴰⵡⵜ ⴰⴷ ⴼ ⵓⵙⵏⵜⵍ ⵏ "ⴰⵙⴰⵔⵓ ⴰⵎⴰⵣⵉⵖ ⴳ ⵙⵓⵙ, ⴳⵔ ⴰⵢⵏⵏⴰ ⵉⵜⵜⵓⵙⴽⴰⵔⵏ ⴷ ⵉⴷⵉⵔⵏ ⵏ ⵡⴰⵏⵏⴰⵍ", ⵉⵡⵙⵏ ⴳⵉⵙ ⵉⵎⵙⵜⴳⴳⴰⵔⵏ ⵏⵏⴰ ⵙⵡⵡⵓⵔⵉⵏⵉⵏ ⴳ ⵉⴳⵔ ⵏ ⵙⵙⵉⵏⵉⵎⴰ ⵜⴰⵎⴰⵣⵉⵖⵜ, ⵖ ⵉⴳⴰ ⵎⴰⵙⵙ ⵎⵙⵄⵓⴷ ⴱⵓⴳⵕⵏ ⵏⵏⴰ ⵉⵙⴰⵡⵍⵏ ⴳ ⵜⴳⵓⵔⵉ ⵏⵏⵙ ⴼ ⵉⵙⵇⵇⵙⵉⵜⵏ ⵏ ⴰⵢⵏⵏⴰ ⵉⵜⵜⵓⵙⴽⴰⵔⵏ ⴳ ⵉⴳⵔ ⵏ ⵓⵙⴰⵔⵓ ⴰⵎⴰⵣⵉⵖ ⴳ ⵙⵓⵙ ⴷ ⵜⵉⵎⵅⵓⵎⴱⴰⵔ ⵏ ⵡⴰⵏⵏⴰⵍ, ⴷ ⵎⴰⴷ ⴰⴽⴽⵯ ⵉⵣⴷⵉⵏ ⴷ ⵉⴼⴰⵔⵙⵏ ⵏ ⵓⵙⴰⵔⵓ ⴰⵎⵖⵔⵉⴱⵉ ⴰⵎⴰⵣⵉⵖ ,ⴷ ⵡⴰⵏⵏⴰⵍ ⵏⵏⴰ ⵢⴰⵙ ⵉⵜⵜⵡⴰⴳⴳⵏ ⴳ ⵎⵏⵉⴷ ⵏ ⵡⴰⵏⵏⴰⵍⵏ ⵏ ⵜⵓⵜⵍⴰⵢⵉⵏ ⵢⴰⴷⵏⵉⵏ ⴳ ⵍⵎⵖⵔⵉⴱ, ⵉⴼⴽⴰ ⵎⴰⵙⵙ ⴱⵓⴳⵕⵏ ⵜⵓⴳⵜⵜ ⵏ ⵉⵙⵎⴰⵍⵏ ⴳ ⵎⴰⴷ ⵉⵣⵍⵉⵏ ⵙ ⵓⵙⵏⵜⵍ ⴰⴷ ⴱⴰⵀⵔⴰ ⵉⵙⵜⴰⵡⵀⵎⵎⴰⵏ,ⵉⵙⴽⵔ ⵓⵍⴰ ⵢⴰⵜ ⵜⵙⵎⴰⵍⵜ ⴼ ⵉⵙⵓⵔⴰ ⵉⵎⴰⵣⵉⵖⵏ ⵏⵏⴰ ⵍⵍⴰⵏⵉⵏ ⴰⵔ ⵖⵉⵍⴰⴷ.

ⵜⴰⴳⵓⵔⵉ ⵏ ⵎⴰⵙⵙ ⴰⵙⵍⵎⴰⴷ ⵎⵓⵃⵎⵎⴰⴷ ⴱⵍⵍⵓⵛ ⵏⵏⴰ ⵉⵙⴰⵡⵍⵏ ⴳ ⵜⵉⵏⴰⵡⵜ ⴰⴷ ⴼ ⵓⵙⵏⵜⵍ ⵏ ⵡⴰⵏⵏⴰⵍ ⵏ ⵙⵙⵉⵏⵉⵎⴰ ⵎⵏⵉⴷ ⵏ ⵜⵓⵟⵟⵓⵏⴰⵏⵜ ,ⵍⵍⵉⵖ ⴳⵉⵙ ⵉⵙⵔⵙ ⵜⵉⵟⵟ ⴼ ⵡⴰⵏⵏⴰⵍ ⵏⵏⴰ ⵉⵜⵜⵓⴼⴽⴰⵏ ⵉ ⵙⵙⵉⵏⵉⵎⴰ ⵜⴰⵎⴰⵣⵉⵖⵜ ⴷ ⵉⵎⵓⴽⵔⵉⵙⵏ ⵏⵏⴰ ⴰⵙ ⵜⵙⴽⴰⵔ ⵜⵓⵟⵟⵓⵏⴰⵏⵜ ⵏⵏⴰ ⵉⴽⵛⵎⵏ ⵖⵉⵍⴰⴷ ⵜⵓⴳⵜⵜ ⵏ ⵉⴳⵔⴰⵏ, ⵜⴰⴳⵓⵔⵉ ⵏ ⵎⴰⵙⵙ ⴱⵍⵍⵓⵛ ⴰⵡⴷ ⵏⵜⵜⴰⵜ ⵜⵍⴰ ⴰⵜⵉⴳ ⵢⴰⵜⵜⵓⵢⵏ ⵙⵍⴰⵡⴰⵏ ⴰⴽⴽⵯ ⵍⵍⵉⵖ ⵉⵙⵔⵙ ⵜⵉⴼⴰⵡⵉⵏ ⴼ ⵡⴰⵏⵏⴰⵍ ⵏⵏⴰ ⵉⵜⵜⴰⵡⴼⴽⴰⵏ ⵉ ⵙⵙⵉⵏⵉⵎⴰ ⵜⴰⵎⵖⵔⵉⴱⵉⵜ ⵜⴰⵎⴰⵣⵉⵖⵜ ⴷ ⵉⵎⵏⵉⴷⵏ ⵏⵏⴰ ⴷⵉⵙ ⵉⵣⴷⵉⵏ, ⴷ ⵓⵎⵓⴽⵔⵉⵙ ⵢⴰⴷⵏⵉⵏ ⵏⵏⴰ ⵉⵣⴷⵉⵏ ⴷ ⵓⵙⴷⵔⵉⵎ ⵏ ⵉⵙⵓⵔⴰ ⵉⵎⴰⵣⵉⵖⵏ ⴳ ⵍⵎⵖⵔⵉⴱ ⵙ ⵓⵎⴰⵜⴰ.

ⴳ ⵜⴳⵉⵔⴰ ⵏ ⵜⵉⵏⴰⵡⵜ ⴰⴷ, ⵔⴰⵔⵏ ⵉⵎⵙⵜⴳⴳⴰⵔⵏ ⵏ ⵙⵙⴰⵍⵓⵏ ⴰⴷ ⵜⴰⵊⵎⵉⵍⵜ ⵉ ⵙⵉⵏ ⵓⴷⵎⴰⵡⵏ ⵏⵏⴰ ⵉⴼⴽⴰⵏ ⴽⵉⴳⴰⵏ ⴳ ⵉⴳⵔ ⵏ ⵙⵙⵉⵏⵉⵎⴰ ⵜⴰⵎⴰⵣⵉⵖⵜ, ⵎⴰⵙⵙ ⵃⵎⴰⴷ ⴰⵣⵏⴰⴳ ⴰⵏⴰⵥⵓⵔ ⴰⵎⵇⵕⴰⵏ ⵏⵏⴰ ⵢⵓⵎⴰⵏ ⴳ ⵜⵓⴳⵜⵜ ⵏ ⵉⵙⵓⵔⴰ ⵉⵎⵖⵔⵉⴱⵉⵏ ⵉⵎⴰⵣⵉⵖⵏ, ⴷ ⵎⴰⵙⵙ ⴰⵏⴰⵥⵓⵕ ⵎⴱⴰⵕⴽ ⵍⵄⵟⵟⴰⵛ ⴰⵏⴰⵥⵓⵕ ⵏⵏⴰ ⴷ ⴷⴰⵔ ⵜⵓⴳⵜⵜ ⵏ ⵜⵢⴰⴼⵓⵜⵉⵏ ⴳ ⵉⴳⵔ ⵏ ⵙⵙⵉⵏⵉⵎⴰ ⴷ ⵉⵙⵓⵔⴰ ⵉⵎⴰⵣⵉⵖⵏ, ⴰⴼⴰⴷ ⴰⴷ ⴰⵙⵏ ⵔⴰⵔⵏ ⵉⵎⵉⴽ ⴳ ⵜⵊⵎⵉⵍⵜ ⵎⵇⵇⴰⵔ ⵜⴷⵔⵓⵙ ⵎⴰⵛ ⵜⵍⴰ ⴰⵜⵉⴳ ⵉⴳⴳⵓⵜⵏ ⴷⴰⵔ ⵉⵏⴰⵥⵓⵕⵏ ⴰⴷ ⵉⵎⴰⵣⵉⵖⵏ.

 

 

Dernière modification : 06 ⵎⴰⵢⵢⵓ 2019
Source URL: https://preprod.mapnews.ma/am//actualites/%E2%B5%9C%E2%B4%B0%E2%B4%B7%E2%B5%8D%E2%B5%99%E2%B4%B0/%E2%B5%89%E2%B5%8F%E2%B5%A3%E2%B4%B3%E2%B4%B3%E2%B5%AF%E2%B4%B0%E2%B5%8F-%E2%B5%9C%E2%B5%89%E2%B5%8F%E2%B4%B0%E2%B5%A1%E2%B5%9C-%E2%B4%BC-%E2%B5%93%E2%B5%99%E2%B5%8F%E2%B5%9C%E2%B5%8D-%E2%B4%B0%E2%B5%99%E2%B4%B0%E2%B5%94%E2%B5%93-%E2%B4%B0%E2%B5%8E%E2%B4%B0%E2%B5%A3%E2%B5%89%E2%B5%96-%E2%B4%B3-%E2%B5%99%E2%B5%93%E2%B5%99