Published on MAPNews (https://preprod.mapnews.ma/am/)

Accueil > ⵜⵉⵣⵏⵉⵜ: ⴰⵏⵎⵓⴳⴳⵯⴰⵔ ⴰⵏⵎⵏⴰⴹ ⴰⵎⵣⵡⴰⵔⵓ ⵏ ⵉⵙⵍⵎⴰⴷⵏ ⴷ ⵜⵙⵍⵎⴰⴷⵉⵏ ⵏ ⵜⵓⵜⵍⴰⵢⵜ ⵜⵎⴰⵣⵉⵖⵜ

ⵜⵉⵣⵏⵉⵜ: ⴰⵏⵎⵓⴳⴳⵯⴰⵔ ⴰⵏⵎⵏⴰⴹ ⴰⵎⵣⵡⴰⵔⵓ ⵏ ⵉⵙⵍⵎⴰⴷⵏ ⴷ ⵜⵙⵍⵎⴰⴷⵉⵏ ⵏ ⵜⵓⵜⵍⴰⵢⵜ ⵜⵎⴰⵣⵉⵖⵜ

03 ⵎⴰⵢⵢⵓ 2019 Version Imprimable
ⵜⵉⵣⵏⵉⵜ - ⵙⵙⵏⵜⴰⵏⵜ ⵜⵡⵡⵓⵔⵉⵡⵉⵏ ⵏ ⵓⵃⵢⵢⵍ ⵏ ⵓⵏⵎⵓⴳⴳⵯⴰⵔ ⴰⵏⵎⵏⴰⴹ ⴰⵎⵣⵡⴰⵔⵓ ⵏ ⵉⵙⵍⵎⴰⴷⵏ ⴷ ⵜⵙⵍⵎⴰⴷⵉⵏ ⵏ ⵜⵓⵜⵍⴰⵢⵜ ⵜⵎⴰⵣⵉⵖⵜ ⴳ ⵡⴰⵎⵎⴰⵙ ⵏ ⵉⵙⵎⵓⵜⵜⴳⵏ ⴷ ⵉⵏⵎⵓⵉⵇⵇⴰⵔⵏ ⵏ ⵜⵖⵔⵎⵜ ⵏ ⵜⵣⵏⵉⵜ ⴰⵙⵙ ⵏ ⵓⵙⵉⵎⵡⴰⵙ ⴰⴷ.

ⴳ ⵓⵙⴰⵜⵉ ⵏ ⵓⴳⵣⵣⵓⵎ ⵡⵉⵙⵙ ⴽⵕⴰⴹ ⵏ ⵓⵙⵉⵍⵖ ⵏ ⵉⵎⴰⵣⵣⴰⵍⵏ ⵉⵏⴰⴽⴰⵍⵏ ⴷ ⵜⵏⴰⵍⵉⵜ ⵏ ⵓⵙⵇⵇⵉⵎ ⴰⵙⴳⴰⵡⴰⵏ ⵏ ⵜⵖⵔⵎⵜ ⵏ ⵜⵣⵏⵉⵜ ⴰⴼ ⵉⵜⵜⵓⵙⵏⵎⴰⵍⴰ ⵓⵏⵎⵓⴳⴳⴰⵔ ⴰⵏⵎⵏⴰⴹ ⴰⵎⵣⵡⴰⵔⵓ ⵏ ⵉⵙⵍⵎⴰⴷⵏ ⴷ ⵜⵙⵍⵎⴰⴷⵉⵏ ⵏ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ, ⵏⵏⴰ ⵔⴰⴷ ⴰⴽⴽⵯ ⵉⵙⵎⵓⵏ ⵉⵎⵙⵜⴳⴳⴰⵔⵏ ⴷ ⵉⵙⵍⵎⴰⴷⵏ ⵓⵍⴰ ⵉⵎⴳⴳⵉⵡⵙⵏ ⵏ ⵓⵙⵙⵍⵎⴷ ⵏ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⴳ ⵍⵎⵖⵔⵉⴱ ⴰⴼⴰⴷ ⴰⴷ ⵎⵔⴰⵔⴰⵏ ⴰⵡⴰⵍ ⴰⵡⵙⵏ ⴳ ⵓⵙⴱⵓⵖⵍⵓ ⵏ ⵓⵙⵙⵍⵎⴷ ⵏ ⵜⵓⵜⵍⴰⵢⵜ ⴰⴷ.

ⵎⵢⴰⵏⴰⵡⵏ ⴱⴰⵀⵔⴰ ⵉⵡⵜⵜⴰⵙⵏ ⴷ ⵉⵙⵔⴰⴳⵏ ⵏⵏⴰⴼ ⵉⵜⵜⵓⵙⴽⴰⵔ ⵓⵏⵎⵓⴳⴳⴰⵔ ⴰⴷ ⴰⴷⵍⵙⴰⵏ, ⴰⵎ ⴰⵙⴷⵓⵙ ⵏ ⵓⵙⵉⵍⵖ ⴳ ⵢⵉⴳⵔ ⵏ ⵓⵙⵙⵍⵎⴷ ⵏ ⵜⵎⴰⵣⵉⵖⵜ, ⴷ ⵓⵙⵏⴼⵍ ⵏ ⵜⵉⵔⵎⵉⵜⵉⵏ ⴳⵔ ⵉⵎⴷⵔⴰⵡⵏ ⵉⵙⵍⵎⴰⴷⵏ ⴳ ⵉⴳⵔ ⵏ ⵓⵙⵍⵎⴷ ⴷ ⵎⴰⴷ ⴰⴽⴽⵯ ⵉⵥⵍⵉⵏ ⵙ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ, ⵏⵏⴰⵏ ⵉⵎⵙⵜⴳⴳⴰⵔⵏ ⵏ ⵓⵏⵎⵓⴳⴳⴰⵔ ⴰⴷ ⴷ ⵡⵉⵍⵍⵉ ⵙⵏⵎⴰⵍⴰⵏⵉⵏ ⵎⴰⵙ ⵔⴰⴷ ⵉⴳ ⵓⵏⵎⵓⴳⴳⴰⵔ ⴰⴷ ⴰⵡⴷ ⵢⴰⵜ ⵜⵎⵍⴷⴰ ⵏ ⵜⵡⵉⵙⵉ ⵏ ⴽⵓ ⵢⴰⵏ ⴰⴼⴰⴷ ⴰⴷ ⵉⵙⴱⵓⵖⵍⵓ ⵜⴰⴽⴰⴼⵓⵜ ⵜⴰⴱⵉⴷⴰⵖⵓⵊⵉⵜ ⵏ ⵜⵎⴰⵣⵉⵖⵜ,ⴷ ⵓⵙⴷⵓⵙ ⵏ ⵓⵙⵏⴼⵍⵓⵍ ⴳ ⵜⴱⵔⵉⴷⵉⵏ ⵏ ⵓⵙⵙⵍⵎⴷ ⵙⵍⴰⵡⴰⵏ ⴰⴽⴽⵯ ⵎⴰⵙ ⵔⴰⴷ ⴳⵉⵙ ⴰⵎⵓⵏ ⵉⵙⵍⵎⴰⴷⵏ ⵉⵎⵣⵡⵓⵔⴰ ⵏⵏⴰ ⴷ ⴷⴰⵔ ⵜⵉⵔⵎⵉⵜ ⵢⴰⵜⵜⵓⵢⵏ ⴳ ⵉⴳⵔ ⴰⴷ.

ⵙⴳ ⵓⵏⵢⴰⵍⴽⴰⵎ ⵏⵏⵖ ⴷ ⵢⴰⵏ ⴳ ⵉⵎⵙⵜⴳⴳⴰⵔⵏ ⵏⵏⴰ ⵢⵉⵡⵙⵏ ⴳ ⵓⵃⵢⵢⵍ ⵏ ⵓⵏⵎⵓⴳⴳⴰⵔ ⴰⴷ ⵎⴰⵙⵙ ⵕⴰⵛⵉⴷ ⵓⴱⴰⵖⴰⵊ ,ⵏⵏⴰ ⵏⵉⵜ ⵉⴳⴰⵏ ⴰⵡⴷ ⵏⵜⵜⴰⵏ ⵢⴰⵏ ⴳ ⵉⵙⵍⵎⴰⴷⵏ ⵏ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ, ⴷ ⴷⴰⵔⵙ ⵜⵉⵡⵡⵓⵔⵉⵡⵉⵏ ⵏⵏⴰ ⵎⵓ ⴱⴰⵀⵔⴰ ⵢⴰⵜⵜⵓⵢ ⵓⵙⵡⵉⵔ ⴳ ⵉⴳⵔ ⵏ ⵜⴱⵉⴷⴰⵖⵓⵊⵉⵜ ⴷ ⵜⵎⴰⵎⴽⵉⵏ ⵏ ⵓⵙⵙⵍⵎⴷ ⵏ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⵙ ⵓⵎⴰⵜⴰ.

ⵉⵏⵏⴰ ⵎⴰⵙⵙ ⵕⴰⵛⵉⴷ ⵓⴱⴰⵖⴰⵊ ⵎⴰⵙ ⴰⵏⵎⵓⴳⴳⴰⵔ ⴰⴷ ⴳ ⵜⵙⵓⵜⵍⵜ ⵏⵏⵙ ⵜⴰⵎⵣⵡⴰⵔⵓⵜ ⵉⵜⵜⵓⵙⵏⵎⴰⵍⴰ ⴰⴼⴰⴷ ⴰⴷ ⵢⵉⵍⵉ ⵢⴰⵏ ⵡⴰⵏⵏⴰⵍ ⴷ ⵜⵡⵉⵙⵉ ⵉ ⵓⵙⴽⵓ ⵏ ⵢⴰⵜ ⵜⴰⵙⵓⵜ ⵏ ⵉⵙⵍⵎⴰⴷⵏ ⵏⵏⴰ ⴷ ⴷⴰⵔ ⵢⴰⵜ ⵜⴱⵉⴷⴰⵖⵓⵊⵉⵜ ⵉⵥⵉⵍⵏ ⵏⵏⴰ ⵔⴰⴷ ⵉⴼⴽ ⵜⴰⵢⴰⴼⵓⵜ ⵉⵥⵉⵍⵏ ⵉⵙⴱⵓⵖⵍⵓ ⴰⵡⴷ ⴰⵙⵙⵍⵎⴷ ⵏ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⴳ ⵜⵎⵓⵕⵜ ⵏⵏⵖ,ⵉⵏⵏⴰ ⵎⴰⵙⵙ ⵓⴱⴰⵖⴰⵊ ⵎⴰⵙⴷ ⴰⵡⵜⵜⴰⵙ ⵢⴰⵜⵜⵓⵢⵏ ⵉⴳⴰⵜ ⵓⵙⴱⵓⵖⵍⵓ ⵏ ⵓⵙⵏⴼⵍⵓⵍ ⵙⴳ ⴷⴰⵔ ⵉⵙⵍⵎⴰⴷⵏ ⴷ ⵜⵙⵍⵎⴰⴷⵉⵏ ⴳ ⵎⴰⴷ ⵉⵥⵍⵉⵏ ⵙ ⵜⴱⵉⴷⴰⵖⵓⵊⵉⵜ ⴷ ⵜⵎⴰⵎⴽⵉⵏ ⵏ ⵓⵙⵙⵍⵎⴷ ⵏ ⵜⵎⴰⵣⵉⵖⵜ. ⵉⵙⵎⴷ ⵉⵏⵏⴰ ⵎⴰⵙ ⵔⴰⴷ ⵉⵜⵜⵓⵙⴽⴰⵔ ⵢⴰⵏ ⵓⵔⵏⵏⵓ ⵉ ⵜⴽⴰⴼⵓⵜ ⵜⴰⴱⵉⴷⴰⵖⵓⵊⵉⵜ ⵏ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ , ⴰⴼⴰⴷ ⴰⴷ ⵉⴷⵓⵙ ⵓⵙⵎⵓⵜⴳ ⴳ ⵉⴳⵔ ⵏ ⵓⵙⵙⵍⵎⴷ ⵏ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⴳ ⵍⵎⵖⵔⵉⴱ ⴰⴼ ⴰⴷ ⴰⴷ ⵉⵍⴽⵎ ⴰⵙⵡⵉⵔ ⵏⵏⴰ ⴰⴽⴽⵯ ⵏⴻⵏⵏⵓⵔⵣ.

Dernière modification : 03 ⵎⴰⵢⵢⵓ 2019
Source URL: https://preprod.mapnews.ma/am//actualites/%E2%B5%9C%E2%B4%B0%E2%B4%B7%E2%B5%8D%E2%B5%99%E2%B4%B0/%E2%B5%9C%E2%B5%89%E2%B5%A3%E2%B5%8F%E2%B5%89%E2%B5%9C-%E2%B4%B0%E2%B5%8F%E2%B5%8E%E2%B5%93%E2%B4%B3%E2%B4%B3%E2%B5%AF%E2%B4%B0%E2%B5%94-%E2%B4%B0%E2%B5%8F%E2%B5%8E%E2%B5%8F%E2%B4%B0%E2%B4%B9-%E2%B4%B0%E2%B5%8E%E2%B5%A3%E2%B5%A1%E2%B4%B0%E2%B5%94%E2%B5%93-%E2%B5%8F-%E2%B5%89%E2%B5%99%E2%B5%8D%E2%B5%8E%E2%B4%B0%E2%B4%B7%E2%B5%8F-%E2%B4%B7-%E2%B5%9C%E2%B5%99%E2%B5%8D%E2%B5%8E%E2%B4%B0%E2%B4%B7%E2%B5%89%E2%B5%8F-%E2%B5%8F-%E2%B5%9C%E2%B5%93%E2%B5%9C%E2%B5%8D%E2%B4%B0%E2%B5%A2%E2%B5%9C-%E2%B5%9C%E2%B5%8E%E2%B4%B0%E2%B5%A3%E2%B5%89%E2%B5%96%E2%B5%9C