Published on MAPNews (https://preprod.mapnews.ma/am/)

Accueil > ⴰⵏⴳⵔⴰⵡ ⴰⵔⴳⴰⵢ ⵉⵍⵍⴰⵏ ⴰⵔ ⵉⴷⵜⵜⴰⵡⵉ ⵎⵏⵏⴰⵡ ⵏ ⵜⵏⵣⴰⵕⵉⵏ, ⵎⴰⴷ ⵉⵅⵚⵚⴰ ⴰⴷ ⵢⴰⵡⵉ ⵢⴰⵏ ⵓⵙⵓⴷⴷⵓ ⴰⵖⵣⵓⵔⴰⵏ (ⵎⴰⵙⵙ ⴱⵏⵛⵄⴱⵓⵏ)

ⴰⵏⴳⵔⴰⵡ ⴰⵔⴳⴰⵢ ⵉⵍⵍⴰⵏ ⴰⵔ ⵉⴷⵜⵜⴰⵡⵉ ⵎⵏⵏⴰⵡ ⵏ ⵜⵏⵣⴰⵕⵉⵏ, ⵎⴰⴷ ⵉⵅⵚⵚⴰ ⴰⴷ ⵢⴰⵡⵉ ⵢⴰⵏ ⵓⵙⵓⴷⴷⵓ ⴰⵖⵣⵓⵔⴰⵏ (ⵎⴰⵙⵙ ⴱⵏⵛⵄⴱⵓⵏ)

02 ⵎⴰⵢⵢⵓ 2019 Version Imprimable
ⵕⵕⴱⴰⵟ - ⵉⵏⵏⴰ ⵡⵎⵡⵙⴰⵙ ⵏ ⵜⴷⵎⵙⴰ ⴷ ⵏ ⵓⵣⵕⴼ, ⵎⵓⵃⵎⵎⴷ ⴱⵏⵛⵄⴱⵓⵏ, ⴰⵙⵙ ⵏ ⵓⴽⵡⴰⵙ ⴳ ⵕⵕⴱⴰⵟ, ⵎⴰⵙ ⵓⵏⴳⵔⴰⵡ ⵓⵔⴳⴰⵢ ⵉⵍⵍⴰⵏ ⴳ ⵍⵎⵖⵔⵉⴱ ⴰⵔ ⵉⴷⵜⴰⵡⵉ ⵎⵏⵏⴰⵡ ⵏ ⵜⵏⵣⴰⵕⵉⵏ, ⵎⴰⴷ ⵉⵔⴰⵏ ⴰⴷ ⵢⵉⵍⵉ ⵢⴰⵏ ⵓⵙⵓⴷⴷⵓ ⴰⵖⵣⵓⵔⴰⵏ ⵢⵙⵙⵏ ⵙ ⵉⵎⵢⴰⵙⵏ ⵉⵎⴰⴽⵕⵓ ⵉⴷⵍⵙⴰⵏⵉⵏ ⵏ ⵜⵎⴰⵣⵉⵔⵜ ⵉⵥⴹⴰⵕⵏ ⴰⴷ ⵉⵃⵟⵟⵓ ⵅⴼ ⵜⴰⴷⵓⵙⵉ ⵏ ⵓⵥⵕⴼ ⴰⴳⴷⵓⴷⴰⵏ, ⴷ ⴰⴷ ⵉⵔⴰⵔ ⵉ ⵎⴰ ⵅⴼ ⵙⴰⴳⴳⵯⴰⵎⵏ ⵉⵎⵓⵔⴰⵏ ⴷ ⵜⵎⵙⵜⵍⵉⵏ ⴰⴼ ⴰⴷ ⵢⵉⵍⵉ ⴰⵙⵎⵓ ⴰⵔⴳⴰⵢ, ⴷ ⵜⵜⵓⵜⵔⴰⵡⵉⵏ ⵏ ⵜⴳⵎⵉ ⵏ ⵜⴳⵍⴷⵉⵜ.

ⵉⵏⵏⴰ ⵎⴰⵙⵙ ⵎⵚⵟⴰⴼⴰ ⵍⵅⵍⴼⵉ, ⴰⵎⴰⵡⵙⴰⵙ ⴰⵎⴰⵔⵉ ⴷⴰⵔ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵉⵜⵜⵓⵙⵎⴳⴰⵍⵏ ⵙ ⵉⵎⵢⴰⵙⵙⴰⵏ ⴷ ⵍⴱⵕⵍⴰⵎⴰⵏ ⴷ ⵡⴰⵎⵓⵏ ⵓⵖⵔⵉⵎ ⴰⵎⵙⵙⵉⵡⵍ ⵙ ⵉⵙⵎ ⵏ ⵜⵏⴱⴰⴹⵜ, ⴳ ⵢⴰⵏ ⵓⵙⵉⵡⴹ ⵍⵍⵉ ⵢⵖⵕⴰ ⴷⴼⴼⵉⵔ ⵏ ⵜⵙⵎⵓⵏⵉ ⵏ ⵓⵙⵇⵇⵉⵎ ⵏ ⵜⵏⴱⴰⴹⵜ, ⵎⴰⵙ ⵉⵙⵎⵏⵉⴷ ⵎⴰⵙⵙ ⴱⵏⵛⵄⴱⵓⵏ ⴷⴰⵜ ⵏ ⵓⵙⵇⵇⵉⵎ, ⵢⴰⵏ ⵓⵙⴼⵙⴰⵔ ⵅⴼ ⵓⴷⵡⴰⵍ ⴰⵏⴰⵎⵓⵔ ⵡⵉⵙⵙ ⴽⵕⴰⴹ ⵏ ⵉⵔⴳⴰⵢⵏ ⵏ ⵍⵎⵖⵔⵉⴱ, ⵉⵏⵏⴰ ⴳ ⵍⴱⴷⵓ ⵏⵏⵙ ⵎⴰⵙ ⴰⴷⵡⴰⵍ ⴰⴷ ⵜⵓⵛⴽⴰ ⵣⵓⵏⴷ ⵜⴰⴷⵔⴰⵡⵜ ⴳ ⵓⵎⵙⴰⵡⵍ ⴰⵏⴰⵎⵓⵏ ⵅⴼ ⴰⵏⴰⵡ ⵏ ⵜⴳⵎⵉ ⵍⵍⵉ ⵎⵓ ⵢⵖⵕⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵃⴼⵟ ⵕⴱⴱⵉ, ⵎⵔⴰ ⴰⴷ ⵢⵜⵜⵓⵙⵔⴰⵙ, ⴷ ⵢⵓⵛⴽⴰ ⵡⴷⵡⴰⵍ ⴰⴷ ⴰⵛⴽⵓ ⵜⴳⴰ ⵜⵙⵔⵜⵉⵜ ⵏ ⵓⵔⴳⴰⵢ ⵢⴰⵏ ⴰⴼⵔⴷⵉⵙ ⴰⵅⴰⵜⴰⵔ ⴳ ⵓⵏⴰⵍⵍ ⵏ ⵓⵙⵙⴰⵔⵓ ⵉⵕⵡⴰⵏ ⴷ ⴰⵏⵏⴰⵍ ⵏ ⵓⵙⵙⵉⴼⵖ ⵏ ⵉⵏⵙⴰⵏ ⵏ ⵜⵡⵓⵔⵉ ⴷ ⵏ ⵜⵢⴰⴼⵓⵜⵉⵏ ⵏ ⵉⴳⵍⵉ.

ⵉⵙⵓⵍ ⵉⵏⵏⴰ ⵡⵎⴰⵡⵙⴰⵙ ⵎⴰⵙ ⴰⴷⵡⴰⵍ ⴰⴷ, ⵍⵍⵉ ⵢⵡⵓⵔⵉⵏ ⴳⵔ 03 ⴷ 04 ⵙⴳ ⵡⴰⵢⵢⵓⵔ ⴰⴷ, ⵉⵔⴰ ⴰⴷ ⵉⵙⵓⵊⴷ ⴰⵙⵏⵜⵉ ⵏ ⵓⵙⵍⵉⴳ ⵍⵍⵉ ⵔⴰⴷ ⵉⵎⵍ ⵉⵎⵏⵣⴰⵢⵏ ⴷ ⵉⵙⵔⵙ ⴰⵙⵖⵉⵡⵙ ⵏ ⵓⵙⵓⴷⴷⵓ ⴳ ⵙⵎⵎⵓⵙ ⵉⵙⴳⴳⵯⴰⵙⵏ ⵙ ⵜⵏⴰⵢⵜ ⵏ ⵓⵖⵣⵓⵔⵏ ⵉⵃⴱⴰⵏ ⵎⵛⵜⴰ ⵏ ⵉⵏⴰⵡⵏ ⵏ ⵉⵔⴳⴰⵢⵏ, ⵙⵡⴰ ⴳ ⵓⵙⵉⵡⵔ ⵏ ⵜⵏⴱⴰⴹⵜ ⵏⵖⴷ ⵜⴳⵔⴰⵡⵉⵏ ⵏ ⵡⴰⴽⴰⵍ, ⵏⵖⴷ ⵕⵕⵓⵚⵓⵎ ⴰⵎⵎ ⵓⵔⴳⴰⵢⵏ.

Dernière modification : 02 ⵎⴰⵢⵢⵓ 2019
Source URL: https://preprod.mapnews.ma/am//actualites/%E2%B5%9C%E2%B4%B0%E2%B5%99%E2%B5%94%E2%B5%9C%E2%B5%89%E2%B5%9C/%E2%B4%B0%E2%B5%8F%E2%B4%B3%E2%B5%94%E2%B4%B0%E2%B5%A1-%E2%B4%B0%E2%B5%94%E2%B4%B3%E2%B4%B0%E2%B5%A2-%E2%B5%89%E2%B5%8D%E2%B5%8D%E2%B4%B0%E2%B5%8F-%E2%B4%B0%E2%B5%94-%E2%B5%89%E2%B4%B7%E2%B5%9C%E2%B5%9C%E2%B4%B0%E2%B5%A1%E2%B5%89-%E2%B5%8E%E2%B5%8F%E2%B5%8F%E2%B4%B0%E2%B5%A1-%E2%B5%8F-%E2%B5%9C%E2%B5%8F%E2%B5%A3%E2%B4%B0%E2%B5%95%E2%B5%89%E2%B5%8F-%E2%B5%8E%E2%B4%B0%E2%B4%B7-%E2%B5%89%E2%B5%85%E2%B5%9A%E2%B5%9A%E2%B4%B0-%E2%B4%B0%E2%B4%B7-%E2%B5%A2%E2%B4%B0%E2%B5%A1%E2%B5%89-%E2%B5%A2%E2%B4%B0%E2%B5%8F-%E2%B5%93%E2%B5%99%E2%B5%93%E2%B4%B7%E2%B4%B7%E2%B5%93