ⴳ ⵉⵏⴰⵡ ⴰⴷ, ⵉⵙⵎⵖⵔ ⵍⵇⴰⴷⴰⵙⴰ ⵏ ⵍⴱⴰⴱⴰ ⵜⴰⵖⵓⵔⵉ ⵜⴰⵎⴽⴽⴰⵢⵜ ⴷ ⵜⴰⴼⵓⴳⵍⴰ ⵏ ⵓⵙⵏⵓⴱⴳ ⴰⵎⴰⴷⴷⵓⴷ ⵍⵍⵉ ⵢⴰⵜ ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴳ ⵓⵙⴰⵢⵙ ⵏ ⵜⵎⵣⵉⴳⴷⴰ ⵃⴰⵙⵙⴰⵏ, ⵉⵏⵏⴰ ⵎⴰⵙ ⵉⵙⵎⵖⵔ ⵅⴼ ⵜⵖⵓⵔⵉ ⵜⴰⵎⴽⴽⴰⵢⵜ ⵏ ⴱⴰⴱ ⵏ ⵡⴰⴷⴷⵓⵔ ⴷ ⵓⵙⵏⵓⴱⴳ ⵉⵔⵖⴰⵏ ⵍⵍⵉ ⵢⴰⵜ ⵉⴼⴽⴰ ⴰⵎⴰⴷⴰⵏ ⴰⵎⵖⵔⴰⴱⵉ ⴽⵓⵍⵍⵓ ⵜⵏⵏⵙ.
ⵉⵙⴷⵉⴷ ⵍⵇⴰⴷⴰⵙⴰ ⵏ ⵍⴱⴰⴱⴰ ⵎⴰⵙ ⵉⴳⴰ ⴰⴽⴰⵍ ⵏ ⵍⵎⵖⵔⵉⴱ ⵢⴰⵜ ⵜⵉⵍⴳⴳⵯⵉⵎⵜ ⵜⴰⵏⴽⵎⴰⵎⵜ ⴳⵔ ⵉⴼⵔⵉⵇⵢⴰ ⴷ ⵓⵕⵓⴱⴱⴰ, ⴷ ⵎⴰⵙ ⵉⵅⵚⵚⴰ ⴰⴷ ⵜⵜⵓⵙⵎⴰⵏⵜ ⵜⵓⴳⴳⴰⵣ ⵏ ⴽⵔⴰ ⵢⴳⴰⵜⵜ ⵢⴰⵏ ⵎⵔⴰ ⴰⴷ ⵢⵉⵍⵉ ⵢⴰⵏ ⵓⴷⵃⵉ ⴰⵎⴰⵢⵏⵓ ⵏ ⵜⵎⵀⵍⴰ ⵏ ⵓⵙⴱⴷⵉⴷ ⵏ ⵜⵏⴱⴷⴰⴷⵜ ⴰⴷ, ⵍⵍⵓⵎⵏ ⴳ ⴰⴽⵓⴷ ⴰⴷ ⵍⵍⵉ ⵢⴳⴰⵏ ⴰⵎⵣⴰⵔⴰⵢ ⴷ ⵓⵎⵓⵔⵙ ⵓⵔ ⵉⴼⵓⵍⴽⵉⵏ ⵉⵙⵏⴼⵍⴰⵏ ⵜⵎⵏⵜⵍⵉⵏ ⵏ ⵡⴰⵡⴰⵍ ⵏ ⵜⴱⴹⴰⵢⵜ.
ⴰⴼ ⴰⴷ ⵏⴷⵔⵓ ⴳ ⵓⵙⴱⴷⵉⴷ ⵏ ⵢⴰⵏ ⴰⵎⵓⵏ ⵉⵏⵏⵓⵕⵥⵎⵏ ⴷ ⵉⵏⴱⴷⴰⴷⵏ, ⵉⵅⵚⵚⴰ ⴰⴷ ⵏⴻⵏⴽⵔ ⵙ ⵜⴷⵍⵙⴰ ⵏ ⵓⵎⵙⴰⵡⴰⵍ ⴷ ⴰⴷ ⵜⵏ ⵏⴹⴼⵕ ⴱⴷⴷⴰ ⴱⵍⴰ ⴽⵔⴰ ⵢⴳⴰⵜⵜ ⵓⴷⵡⴰⵍ ⴰⵎⵎ ⵢⴰⵏ ⴰⵖⴰⵔⴰⵙ ⵉⵅⵚⵚⴰⵏ ⴰⴷ ⵏⴹⴼⵕ, ⵎⴰ ⵢⴰⴷ ⵉⴼⵔⴰ ⵢⵏⵏⴰ ⵍⴱⴰⴱⴰ ⴼⵕⴰⵏⵚⵉⵚ.
ⵉⵅⵚⵚⴰ ⴰⴷ ⵏⴱⵉⴷⴷ ⴷⴰⵜ ⵏ ⵜⵟⵟⵓⵕⴼⴰ ⵙ ⵜⵏⴱⴷⴰⴷⵜ ⴷ ⴰⴽⴽⵯ ⵉⵏⴼⵍⴰⵙⵏ, ⴷ ⴰⴷ ⴳⵉⵏ ⵉⵜⵉⴳⵏ ⵉⵛⵛⴰⵔⵏ ⵏⵏⵛ ⵢⴰⵜ ⵜⴰⵙⴰⵖⵓⵍⵜ ⵜⴰⴷⴷⵓⵔⵜ ⴷ ⵉⵛⵛⴰⵔⵏ ⵏ ⵜⵜⵓⵙⴽⵉⵔⵏ ⵏⵏⵖ ⴳ ⵓⵙⴰⵜⵉ ⴷⵖ, ⵎⴰ ⵢⴰⴷ ⵙⵓⵍ ⵉⵏⵏⴰ ⵍⴱⴰⴱⴰ.
ⴼ ⵖⵉⴽⴰⵏⵏ, ⵉⵏⵏⴰ ⵉⵙ ⵉⵎⵎⵔ ⵍⵍⵉⵖ ⵔⴰⴷ ⵉⵔⵣⴼ "ⴰⵙⵉⵏⴰⴳ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵏ ⵓⵙⵎⵓⵜⵜⴳ ⵏ ⵉⵎⴰⵎⵏ ⴷ ⵉⵎⵓⵕⵛⵉⴷⵉⵏ ⴷ ⵜⵉⵎⵓⵕⵛⵉⴷⵉⵢⵏ" ⵍⵍⵉ ⵢⵔⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴰⴷ ⵉⴳ ⵢⴰⵏ ⵓⴼⴰⵔⴳ ⵉⴼⵓⵍⴽⵉⵏ ⴷⴰⵜ ⵏ ⵜⵉⵟⵟⵓⵕⴼⴰ ⵍⵍⵉ ⵢⵜⵜⴰⵡⵉⵏ ⵙ ⵓⴱⵔⵙⵉⵡⴹ.
ⵉⵏⵏⴰ ⵍⵇⴰⴷⴰⵙⴰ ⵏ ⵍⴱⴰⴱⴰ ⵎⴰⵙⵙ ⵕⴱⴱⵉ ⵉⵙⴽⵔ ⵎⴷⴷⵏ ⴰⴷ ⵙⵙⵉⴽⵙⵉⵍⵏ ⴳ ⵉⵣⵔⴼⴰⵏ ⴷ ⵜⵓⵜⵔⴰⵡⵉⵏ ⴷ ⵜⵉⵣⵉ, ⴷ ⵉⵏⵏⴰ ⵢⴰⵜⵏ ⴰⴷ ⴱⴹⵓⵏ ⵜⵓⴷⵔⵜ ⴰⵎⵎ ⴰⵢⵜⵎⴰ ⴷ ⴰⴷ ⵣⵣⴻⵣⵔ ⵉⵜⵉⴳⵏ ⵏ ⵙⵙⵍⴰⵎⵜ ⴷ ⵏ ⵜⵢⵔⵉ. ⴼ ⵖⵉⴽⴰⵏⵏ, ⵜⴰⴷⵔⵓⴼⵉ ⵏ ⵜⵙⴳⴷⵜ ⵓⵔ ⵜⴳⴰ ⵖⴰⵙ ⵏ ⵜⴷⵔⵓⴼⵉ ⵏ ⵓⵙⴳⴷ ⴽⴰ, ⵎⴰⵛⴰ ⵉⵅⵚⵚⴰ ⴰⴷ ⵜⴰⵊⵊ ⴰⴽⴽⵯ ⵉⴼⵔⴷⵉⵏ ⴰⴷ ⴰⴷⵔⵏ ⵖⵉⴽ ⵍⵍⵉ ⵢⵏⵏⴰ ⵡⵙⴳⴷ ⵏⵏⵙⵏ, ⴰⵛⴽⵓ ⵢⵣⴷⵉ ⵖⵉⴽⴰⵏⵏ ⴷ ⵜⵉⵣⵉ ⵏ ⵓⴼⴳⴰⵏ.
ⵓⴳⵔⴰⵡ ⵉⴳⵔⴰⵖⵍⴰⵏ ⵅⴼ ⵉⵣⵔⴼⴰⵏ ⵏ ⵉⵙⴳⴷⵏ ⵉⴷⵔⵓⵙⵏ ⴳ ⵜⵎⵉⵣⴰⵔ ⵜⵉⵎⵓⵙⵍⵉⵎⵏ, ⵍⵍⵉ ⵢⵎⴰⵏⵏ ⴳ ⵎⵕⵕⴰⴽⵯⵛ ⴳ ⵉⵏⵏⴰⵢⵔ 2016, ⵉⵙⴰⵡⵍ ⵢⴰⴷ ⵍⵍⵉ ⵅⴼ ⵓⵙⴳⵓⵎ ⴰⴷ, ⵎⴰ ⵢⴰⴷ ⵉⵙⵙⴽⵜⵉ ⵍⵇⴰⴷⴰⵙⴰ ⵏ ⵍⴱⴰⴱⴰ, ⵉⵏⴳⴹ ⵙⵓⵍ ⵎⴰⵙⵙ ⵓⴳⵔⴰⵡ ⴰⴷ ⵢⵉⵡⵉ ⴰⴷ ⵉⵜⵜⵓⴳⵉ ⴽⵔⴰ ⵢⴳⴰⵜⵜ ⵓⵙⵎⵉⵙⵉ ⵏ ⵓⵎⵏⵣⴰⵖ ⵅⴼ ⵉⵙⴳⴷⵏ ⵢⴰⴹⵏⵉⵏ, ⴷ ⵉⵙⵔⵙ ⵜⵉⴼⴰⵡⵜ ⵅⴼ ⴰⴷⴷⵓⵔ ⵏ ⵓⵎⵓⵔⵙ ⵏ ⵉⵎⴷⵔⵓⵙⵏ ⵉⵎⵙⴳⴰⴷⵏ, ⴰⴼ ⴰⴷ ⵉⵜⵜⵓⵙⴷⴰⵙ ⵓⵎⵓⵔⵙ ⵏ ⵜⵎⵓⵔⵉ ⴷ ⵓⵙⵙⵏ ⵙ ⵜⵓⴳⵜ ⵏ ⵓⴼⴳⴰⵏ.
ⵉⵙⴰⵡⵍ ⵍⵇⴰⴷⴰⵙⴰ ⵏ ⵍⴱⴰⴱⴰ ⵙⵓⵍ ⵅⴼ ⵓⵙⵉⵏⴰⴳ ⵏ ⵓⵎⵙⴰⵙⴰ ⴰⵎⴰⵙⴽⵓⵏⵉ ⵏ ⵜⵎⴰⵙⵉⵏⵜ ⵏ ⵍⵍⴰⵀⵓⵜ ⴳ ⵕⵕⴱⴰⵟ ⴳ ⵓⵙⴳⴳⵯⴰⵙ ⵏ 2012, ⵉⵏⵏⴰ ⵉⵙ ⵉⴳⴰ ⵖⵉⴽⴰⵏⵏ ⵢⴰⵜ ⵜⴰⵎⴰⵜⵔⵜ ⵜⴰⵅⴰⵜⴰⵔⵜ, ⵍⵍⵉ ⵢⵙⴱⴷⵉⴷⵏ ⵙ ⵜⵙⵏⵜⴰⵢⵜ ⵜⴰⴽⴰⵜⵓⵍⵉⴽⵉⵜ ⵜⴰⴱⵕⵓⵜⵉⵙⵜⴰⵏⵉⵜ ⴳ ⵍⵎⵖⵔⵉⴱ.
ⵎⵔⴰ ⴰⴷ ⵢⵉⵍⵉ ⵡⵎⵙⴰⵡⵍ ⴰⴼⵓⵍⴽⵉ ⵍⵍⵉ ⵏⵔⴰ, ⵉⵅⵚⵚⴰ ⴰⴷ ⵏⴼⴽ ⴰⴷⴷⵓⴷ ⵉ ⵡⵎⴰⴹⴰⵍ ⵍⵍⵉⵖ ⵏⵣⴷⵖ, ⵎⴰ ⵢⴰⴷ ⵉⴳⴰⵏ ⵜⴰⴷⴷⴰⵔⵜ ⵏⵏⵅ ⵉⵛⵛⴰⵔⵏ, ⵎⴰ ⵢⴰⴷ ⵙⵓⵍ ⵉⵏⵏⴰ ⵍⴱⴰⴱⴰ ⴼⵕⴰⵏⵚⵉⵚ, ⵉⵔⵏⵓ ⵢⵏⵏⴰ ⵎⴰⵙ ⵓⵙⴳⵔⴰⵡ ⴰⵎⴰⴹⵍⴰⵏ ⴽⵓⴱ 22 ⵍⵍⵉ ⵢⵎⴰⵏⵏ ⴳ ⵍⵎⵖⵔⵉⴱ ⵉⵎⵍⴰ, ⵢⴰⵜ ⵜⴽⵍⵉⵜ ⵢⴰⴹⵏⵉⵏ, ⵜⴰⵏⴰⵢⵜ ⵏ ⵎⵏⵏⴰⵡ ⵏ ⵜⵎⵉⵣⴰⵔ ⵅⴼ ⵓⴼⴰⵔⴽ ⵏ ⵓⵜⵔⵉ ⵍⵍⵉⵖ ⵏⵣⴷⵖ.
ⴷ ⵉⵎⵍⴰ ⵍⴱⴰⴱⴰ ⴼⵕⴰⵏⵚⵉⵚ ⴰⵏⴰⵣⵓⵔ ⵏⵏⵙ ⴰⴷ ⵉⴳ ⵍⵎⵖⵔⵉⴱ, ⵍⵍⵉ ⵢⵙⵏⵓⴱⴳⵏ ⵉⴳⵔⴰⵡⵏ ⵉⵏⵎⵏⴰⴹⵏ ⵉⵎⵇⵕⴰⵏⵏ ⴷ ⵉⴼⵓⵍⴽⵉⵏ ⵏ ⵓⵙⵏⵓⴱⴳ, ⵢⴰⵏ ⴰⵏⴰⵡ ⵏ ⵜⵏⴼⴳⴰⵏⵜ ⴰⵎⵎⴰⵙ ⵏ ⵜⴳⵔⴰⵡⵜ ⵜⴰⵎⴰⴹⵍⴰⵏⵜ, ⵅⴼ ⵉⵣⵡⴰⴳⵏ ⴷ ⵉⵎⵣⵡⴰⴳⵏ, ⵎⵔⴰ ⴰⴷ ⴰⴼⵉⵏ ⴳ ⵓⵏⵙⴰ ⵢⴰⴷ ⴰⵎⵎ ⵉⵏⵙⴰⵏ ⵢⴰⴹⵏⵉⵏ ⵏ ⵓⵙⵏⵓⴱⴳ ⴰⵏⴼⴳⴰⵏ ⴷ ⵏ ⵓⴼⴰⵔⴽ.
ⵎⵎⵔⵏ ⵉⵕⵓⵎⵉⵢⵏ ⵙ ⵓⵏⵙⴰ ⵍⵍⵉ ⵟⵟⴰⴼⵏ ⴳ ⵓⴳⵏⵙ ⵏ ⵓⵎⵓⵏ ⴰⵎⵖⵔⴰⴱⵉ, ⴷ ⵔⴰⵏ ⴰⴷ ⵙⴽⵔⵏ ⵜⵉⵍⴰⵡⵜ ⵏⵏⵙⵏ ⴳ ⵜⵎⵀⵍⴰ ⵏ ⵓⵙⴱⵉⴷ ⵏ ⵢⴰⵜ ⵜⵎⵜⵜⴰ ⵜⴰⵏⴱⴷⴰⴷⵜ ⴷ ⵉⴼⵓⵍⴽⵉⵏ, ⴷ ⵔⴰⵏ ⴰⴷ ⵡⵡⵓⵔⵉⵏ ⵅⴼ ⴰⴼⵓⵍⴽⵉ ⴰⵎⴰⵜⴰⵢ, ⵎⴰ ⵢⴰⴷ ⵉⵏⵏⴰ ⵍⴱⴰⴱⴰ ⴼⵕⴰⵏⵚⵉⵙ, ⵉⵍⵖ ⵅⴼ ⵖⵉⴽⴰⵏⵏ ⵜⴰⵎⵥⵥⴰⵍⵓⵜ ⵏ ⵉⵔⵉⵎⵏ ⵜⴰⴽⴰⵜⵓⵍⵉⴽⵉⵜ ⴳ ⵍⵎⵖⵔⵉⴱ ⴳ ⵉⵎⵓⵙⵙⵓⵜⵏ ⵉⵏⴰⵎⵓⵏⵏ ⵍⵍⵉ ⵜⵙⴽⵔ ⴳ ⵉⴳⵔ ⵏ ⵓⵙⴳⵎⵉ ⴳ ⵉⵏⵎⵍⵏ ⵏⵏⵙ ⵉⵔⵣⵎⵏ ⴷⴰⵜ ⵏ ⵉⵏⵍⵎⴰⴷⵏ ⵙⴳ ⴰⴽⴽⵯ ⵜⵉⴳⵔⴰⵡⵉⵏ ⴷ ⵉⵙⴳⴷⴰⵏⵏ.