ⵊⵓⵀⵏⵉⵙⴱⵓⵔⴳ - ⵉⵖⵕⴰ ⵡⵎⴰⵡⵙⴰⵙ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ ⴰⵎⴰⴹⵍⴰⵏ ⵎⴰⵙⵙ ⵏⴰⵕⵚ ⴱⵓⵕⵉⵟⴰ , ⵉⴹ ⵍⵍⵉ ⴰⵙⵙ ⵏ ⵓⵙⴰⵎⴰⵙ ⵉⴼⴼⵓⵙ ⵏ  ⵉⴼⵔⵉⵇⵢⴰ  ⴰⴷ ⵜⵡⵓⵔⵉ  ⴷ ⵍⵎⵖⵔⵉⴱ ⵎⵔⴰ ⴰⴷ ⵢⵉⵍⵉ ⵢⴰⵏ ⵓⵏⴰⵡ ⴰⵎⴰⵢⵏⵓ ⵏ ⵓⵎⵢⴰⵡⴰⵙ ⵉⴼⵔⵉⵇⵉ.

ⵍⵇⴰⵀⵉⵕⴰ - ⵉⵖⵜⵙ ⵓⵙⵇⵇⵉⵎ ⵏ ⵜⵙⴷⴰⵡⵉⵜ ⵏ ⵉⵡⵏⴽⵏ ⴰⵄⵕⴰⴱ , ⴰⴷ ⵢⵎⵓⵏ ⴳ ⵢⴰⵜ ⵜⴰⵙⵎⵓⵏⵉ ⵜⵖⴰⵡⵍ ⴳ ⵓⵙⵡⵉⵔ ⵏ ⵉⵎⴰⵡⵙⴰⵙⵏ ⵏ ⴱⵕⵕⴰ ⴰⵄⵕⴰⴱ ⴰⵙⵙ ⵏ ⵓⵙⴰⵎⴰⵙ ⵢⵓⵛⴽⴰⵏ ⴳ ⵓⵙⵖⵉⵎ ⵏ ⵜⵏⴼⵍⵓⵙⵜ ⵜⴰⵎⴰⵜⴰⵢⵜ ⵏ ⵜⵙⴷⴰⵡⵉⵜ ⵏ ⵍⵇⴰⵀⵉⵕⴰ, ⵎⵔⴰ ⴰⴷ ⵉⵙⵉⴳⴳⵍ ⵜⵉⵎⴰⵢⵏⵓⵜⵉⵏ ⴷ ⴰⵏⴳⵎⵓ ⴷ ⵡⴰⴷⴷⴰⴷⵏ ⵉⵣⵍⵉⵏ ⵅⴼ ⵜⵎⵙⴰⵔⵜ ⵜⴼⵉⵍⵉⵚⵟⵉⵏⵉⵜ ⴳ ⵜⴰⵙⵔⵜⴰⵏ ⴷ ⵓⵥⵕⴼⴰⵏ ⴷ ⵜⵏⵖⵎⵉⵙⵜ ⴳ ⵜⴼⴰⵡⵜ ⵏ ⵜⵢⴰⴼⵓⵜⵉⵏ ⵏ ⵉⵙⵜⵉⵏ ⵉⵚⵕⴰⵉⵍ ⴷ ⵉⵎⴰⴽⵏ ⵉⵔⵏⵓⵏ ⵎⴳⴰⵍ ⵏ ⵓⵎⴰⴷⴰⴷ ⴷ ⵜⴰⴷⵍⵙⴰ ⵜⵉⴼⵉⵍⵉⵚⵟⵉⵏⵢⵏ.

ⵕⵕⴱⴰⵟ - ⵉⵜⵜⵓⵙⴽⴰⵔ ⴰⵙⵙ ⵏ ⵓⵙⵉⵎⵡⴰⵙ ⵓⵍⵍⴰⵙ ⵏ ⵓⵙⵜⴰⵢ ⵎⴰⵙⵙ ⵍⵃⴱⵉⴱ ⵍⵎⴰⵍⴽⵉ ⵅⴼ ⵓⵎⵓⵍⵍⵉ ⵏ ⵜⴰⵎⵓⵏⵜ ⵏ ⵜⴰⵙⵔⵎⵓⵏⵜ ⵜⴳⴰⵍⵍⵉⵏ ⵜⵎⴷⵏⴰⵏ , ⴰⴷ ⵉⴳ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ , ⴳ ⵢⴰⵜ ⵜⵖⵉⵎⵉⵜ ⵜⴳⴷⵓⴷⴰⵏⵜ ⵍⵍⵉ ⵜⵎⵓⵏ ⵙ ⵓⵣⵎⵎⵣⵓ ⵏ ⵜⵡⴰⵍⴰ ⵜⵉⵙⵙ ⵙⵏⴰⵜ ⵏ ⵓⵙⴳⴳⵯⴰⵙ ⵓⵣⵔⵉⴼ ⵡⵉⵙⵙ ⴽⵕⴰⴹ ⵏ ⵓⵙⵇⵇⵉⵎ.

ⵕⵕⴱⴰⵟ - ⵉⵏⵏⴰ ⵡⵏⵙⵙⵉⵅⴼ ⵏ ⵜⵏⴱⴰⴹⵜ ⵎⴰⵙⵙ ⵙⵄⴷ ⴷⴷⵉⵏ ⵍⵄⵜⵎⴰⵏⵉ , ⴰⵙⵙ ⵏ ⵓⴽⵡⴰⵙ ⴰⴽⵎⵓⵔ ⵏ ⴰⵙⵙⵓⴼⵖ "ⵉⵏⵖⵎⵉⵙⵏ ⵏ ⵜⵓⵎⵔⵜ  " ⴳ ⵓⵙⴷⴰⵡ ⵏ ⵓⵎⵙⴰⵡⴰⵍ ⴰⵏⴰⵎⵓⵏ.

ⵕⵕⴱⴰⵟ -  ⵔⴰⴷ ⵉⵎⵓⵏ ⵓⵙⵇⵇⵉⵎ ⵏ ⵉⵎⵓⵔⴰ , ⴰⵙⵙ ⵏ ⵓⵙⵉⵎⵡⴰⵙ ⴰⴷ ⵢⵓⵛⴽⴰⵏ , ⵜⵖⵉⵎⵉⵜ ⵜⴳⴷⵓⴷⴰⵏⵜ ⵉⵣⵍⵉⵏ ⵅⴼ ⵓⵕⵥⵥⵓⵎ ⵜⵡⴰⵍⴰ ⵜⵉⵙⵙ ⵙⵏⴰⵜ ⵏ ⵓⵙⴳⴳⵯⴰⵙ ⵏ ⵓⵣⵔⵉⴼ ⵡⵓⵙⵙ ⴽⵕⴰⴹ ⴷ ⵓⵙⵜⴰⵢ ⵏ ⵓⵏⵙⵙⵉⵅⴼ ⵏ ⵓⵙⵇⵇⵉⵎ .

ⵕⵕⴱⴰⵟ - ⵔⴰⴷ ⵉⵎⵓⵏ ⵓⵙⵇⵇⵉⵎ ⵏ ⵉⵎⵛⵛⵉⵡⵔⵏ ⴰⵙⵙ ⵏ ⵓⵙⵉⵎⵡⴰⵙ ⴰⴷ ⵢⵓⵛⴽⴰⵏ ⵢⴰⵜ ⵜⵖⵉⵎⵉⵜ  ⵜⴳⴷⵓⴷⴰⵏⵜ ⵉⵣⵍⵉⵏ ⵅⴼ ⵓⵕⵥⵥⵓⵎ ⵏ ⵜⵡⴰⵍⴰ ⵜⵉⵙⵙ ⵙⵏⴰⵜ ⵏ ⵓⵙⴳⴳⵯⴰⵙ ⵓⵣⵔⵉⴼ 2018-2019.