ⵏⵢⵓⵢⵓⵕⴽ (ⵜⵉⵎⵜⵜⴰ ⵉⵎⵓⵏⵏ) - ⵉⵎⵍⴰ ⵡⵙⵇⵇⵉⵎ ⵏ ⵜⵏⴼⵔⵓⵜ ⵏ ⵜⵉⵎⵜⵜⴰ ⵢⵎⵓⵏⵏ, ⴰⵙⵙ ⵏ ⵓⵙⵉⵎⵡⴰⵙ, "ⵍⵇⴰⵍⴰⵇ" ⵏⵏⵙ ⵅⴼ ⵜⵉⵍⵉⵜ ⵏ ⵍⴱⵓⵍⵉⵥⴰⵕⵢⵓ ⴳ ⵍⴳⵔⴳⴰⵔⴰⵜ, ⴷ ⵉⵏⵏⴰ ⵉ ⵡⴳⵔⴰⵡ ⴰⵎⵏⴳⵉⵔⵉ ⴰⴷ ⵉⴼⴼⵖ "ⴷⵖⵢⴰ" ⵙⴳ ⵜⵙⴳⴰ ⵢⴰⴷ ⵉⵍⵍⴰⵏ ⴳ ⵓⴷⵖⴰⵔ ⵉⵙⵙⴱⴹⵉⵏ.

ⴱⵕⴰⵥⴰⴼⵉⵍ - ⵉⵙⵎⵖⵔ ⵓⵏⵙⵙⵉⵅⴼ ⵏ ⵉⵎⴰⵡⵙⴰⵙⵏ ⵏ ⵜⴳⴷⵓⴷⴰⵏⵜ ⵏ ⵍⴽⵓⵏⴳⵓ, ⵎⴰⵙⵙ ⴽⵍⵉⵎⵓⵏ ⵎⵡⴰⵎⴱⴰ, ⴰⵙⵙ ⵏ ⵓⵙⵉⵎⵡⴰⵙ ⴳ ⴱⵕⴰⵥⴰⴼⵉⵍ, ⴰⵏⵏⴰⵍ ⴰⴷⵓⵙ ⵍⵍⵉ ⵢⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⵉ ⵜⴰⵙⵏⵜⴰⵢⵜ ⵏ ⵓⵏⵙⵙⵉⵅⴼ ⵏ ⵍⴳⵓⵏⴳⵓ, ⴷⵓⵏⵉⵙ ⵙⴰⵙⵓ ⵏⴳⵉⵙⵓ, ⵉⵅⵚⵚⴰⵏ ⵜⵓⴳⵉ ⵏ ⵜⴼⵏⵉⵇⵜ ⵜⴰⵏⵉⵍⵉⵜ ⵏ ⵓⵎⴷⴰ ⵏ ⵍⴽⵓⵏⴳⵓ, ⵍⵍⵉ ⵢⴳⴰⵏ ⴰⵖⴰⵔⴰⵙ ⴰⵥⵕⴼⴰⵏ ⴰⵣⴷⵍⵙⴰⵏ ⵏ ⵓⴳⵔⴰⵡ ⵏ ⵓⵏⵣⵡⵉ ⵏ ⵓⵎⴷⴰ ⵏ ⵍⴽⵓⵏⴳⵓ.

ⵕⵕⴱⴰⵟ - ⵀⴰ ⵜⵙⵎⴽⵜⴰ ⵏ ⵓⵏⵥⴰⵕ ⵍⵍⵉ ⵢⵜⵜⵓⵙⵎⴰⵏⵏ ⵙ ⵓⵎⵉⵍⵉⵎⵉⵜⵔ ⵙⴳ 06:00 ⵏ ⵓⵙⴰⵎⴰⵙ 22 ⵉⴱⵔⵉⵔ ⴰⵔ 06:00 ⵏ ⵓⵢⵏⴰⵙ 23 ⵉⴱⵔⵉⵔ 2018, ⵖⵎⴽⵍⵍⵉ ⵙ ⵜⵏⵏⴰ ⵜⵎⵀⵍⴰ ⵜⴰⵏⴰⵎⵓⵔⵜ ⵏ ⵓⵏⵣⵡⵉ.

ⴷⴷⵣⴰⵢⵔ - ⵜⵎⵍⴰ ⵢⴰⵜ ⵜⵎⴰⵖⵓⵏⵜ ⵜⴰⵎⴰⵢⵏⵓⵜ ⵏ ⵓⵔⴰⵢ ⵓⵖⵔⵉⵎ ⵎⴰⵙ ⵎⵎⵓⵜⵏ 257 ⵓⴼⴳⴰⵏ ⴷⴼⴼⵉⵔ ⵍⵍⵉⵖ ⵜⴽⴽⵯⴰⵟⵟⴰ ⵢⴰⵜ ⵜⴰⵢⵍⴰⵍⵜ ⵏ ⵓⵙⵙⴰⵢ ⵜⴰⵄⵙⴽⵕⵉⵜ ⵜⴰⴷⵣⴰⵢⵔⵉⵜ, ⴰⵙⵙ ⵏ ⵓⴽⵕⴰⵙ ⵜⴰⵎⴰ ⵏ "ⴱⵓⴼⴰⵔⵉⴽ", ⵍⵍⵉ ⵢⴰⴳⴳⵓⴳⵏ ⵙ 30 ⴽⵉⵍⵓⵎⵉⵜⵔ ⴳ ⵓⴼⵓⵙ ⵜⴰⴳⵓⵜ ⵏ ⵜⵎⴰⵣⵓⵍⵜ ⵜⴰⴷⴷⵣⴰⵔⵉⵜ.

ⵏⵢⵓⵢⵓⵕⴽ - ⵉⵙⴷⴷⵉⴷ ⵓⵏⴼⵍⵓⵙ ⴰⵎⴰⵜⴰⵢ ⵏ ⵜⵏⵎⴰⵍⴰⵢⵜ ⵏ ⵜⵉⵎⵜⵜⴰ ⵉⵎⵓⵏⵏ, ⵎⴰⵙⵙ ⴰⵏⵟⵓⵏⵢⵓ ⴳⵓⵜⵉⵔⵉⵙ, ⴰⵙⵙ ⵏ ⵓⴽⵕⴰⵙ ⴳ ⵜⴰⵏⴰⴹⵜ ⵍⵍⵉ ⵢⴼⴽⴰ ⵉ ⵡⵙⵇⵇⵉⵎ ⵏ ⵜⵏⴼⵔⵓⵜ ⵅⴼ ⵚⵚⵃⵕⴰ, ⵅⴼ ⵜⴰⵎⵙⵜⴳⴳⴰⵔⵜ ⵏ ⴷⴷⵣⴰⵢⵔ ⴳ ⵓⵎⵏⵣⴰⵖ ⴰⴷ, ⵉⵖⵔⴰ ⵙⵓⵍ ⴷⴷⵣⴰⵢⵔ ⴰⴷ ⵜⴷⵔⵓ ⴳ ⵜⵣⵉⴳⵣⵜ ⵜⴰⵙⵔⵜⴰⵏⵜ.

ⵛⵛⴰⵕⵊⴰ (ⵍⵉⵎⴰⵕⴰⵜ) - ⵉⵏⵏⴰ ⵎⴰⵙⵙ ⵎⵚⵜⴰⴼⴰ ⵍⵅⵍⴼⵉ, ⴰⵎⴰⵡⵙⴰⵙ ⴰⵎⴰⵔⵉ ⴷⴰⵔ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵉⵜⵜⵓⵙⵎⴳⴰⵍⵏ ⵙ ⵉⵎⵢⴰⵙⵙⴰⵏ ⴷ ⵍⴱⵕⵍⴰⵎⴰⵏ ⴷ ⵡⴰⵎⵓⵏ ⵓⵖⵔⵉⵎ ⴰⵎⵙⵙⵉⵡⵍ ⵙ ⵉⵙⵎ ⵏ ⵜⵏⴱⴰⴹⵜ, ⴰⵙⵙ ⵏ ⵓⴽⵕⴰⵙ ⴳ ⵛⵛⴰⵕⵊⴰ, ⵉⵙ ⵉⵙⵙⵣⵔⵉ ⵍⵎⵖⵔⵉⴱ ⵜⵉⴽⵍⵉⵏ ⵉⴷⴷⵓⵔⵏ ⴳ ⵉⴳⵔ ⵏ ⵜⵉⵏⴰⴼⵓⵜⵉⵏ ⵜⵉⵎⵓⵟⵟⵓⵏⵉⵏ, ⴷⴼⴼⵉⵔ ⵏ ⵎⵏⵏⴰⵡ ⵏ ⵍⵉⵚⵍⴰⵃⴰⵜ ⵍⵍⵉ ⵢⵕⵥⵎ ⵙⴳ ⵎⵏⵏⴰⵡ ⵉⵙⴳⴳⵯⴰⵙⵏ.