ⵕⵕⴱⴰⵟ - ⵜⵙⵏⵎⴰⵍⴰ ⵜⵎⵙⵎⵓⵏⵜ ⵏ ⴱⵓ ⵢⵉⵖⴷ ⴷ ⵜⵎⵙⵎⵓⵏⵜ ⵏ ⵉⵥⵓⵍⴰ ⵙ ⵜⵣⴷⴰⵢⵜ ⴷ ⵜⵎⵔⵙⵍⵜ ⵏ ⵉⵄⵔⵔⵉⵎⵏ ⵏ ⵓⴳⴰⵎⴰ ⴷ ⵡⴰⵏⵏⴰⵍ ⵏ ⵉⵙⵇⵇⵉⵎⵏ ⴰⵙⴳⴰⵡⴰⵏ ⴷ ⵓⴳⵔⴰⵡⴰⵏ ⵏ ⵜⵖⵔⵎⵜ ⵏ ⵜⵣⵏⵉⵜ, ⵢⴰⵜ ⵜⴼⵓⴳⵍⴰ ⵜⴰⵥⵓⵕⴰⵏⵜ ⴷ ⵉⵙⵎⵖⵕⵏ ⵏ ⵉⵏⵓⵥⴰⵕ ⵏ ⵜⵙⴳⴰ ⵢⴰⴷ, ⴰⵙⵙ ⵏ ⵓⵙⴰⵎⴰⵙ ⴰⴷ ⵉⵣⵔⵉⵏ ⴷⴷⵓ ⵜⵎⴰⵜⴰⵔⵜ "ⵜⴰⵎⵖⴰⵔⵜ ⵜⵉⵙⵉⵜ ⵏ ⵓⵎⵓⵔⵙ" ⴳ ⵓⵙⴰⵢⵙ ⵏ ⵉⴳⴳⵉ ⵏ ⵉⴱⵍⴰⴹⵏ ⵏⵏⴰ ⵢⵍⵍⴰⵏ ⴳ ⵜⵖⵔⵎⵜ ⵏ ⵜⵣⵏⵉⵜ.

ⵡⴰⵔⵣⴰⵣⴰⵜ - ⵙ ⵜⵎⵍⴷⴰ ⵏ ⵓⵙⴼⵓⴳⵍⵓ ⵙ ⵡⴰⵙⵙ ⴰⴳⵔⴰⵖⵍⴰⵏ ⵏ ⵜⵎⵖⴰⵔⵜ ⵏⵏⴰ ⵉⵜⵜⵉⵍⵉⵏ ⴽⵓ 08 ⵎⴰⵕⵚ ⴳ ⴽⵓ ⴰⵙⴳⴳⵯⴰⵙ, ⵜⵙⵏⵎⴰⵍⴰ ⵜⴰⵢⵎⵓⵏⵜ ⵜⴰⵙⴳⴰⵡⴰⵏⵜ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵜⵖⵔⵎⵜ ⵏ ⵉⵎⵜⵖⵕⵏ ⴷ ⵡⴰⵔⵣⴰⵣⴰⵜ ⵙⵉⵏ ⵉⵙⵇⵇⵉⵎ ⴰⵙⵙ ⵏ ⴰⵙⵉⵎⵡⴰⵙ ⴰⴷ ⵉⵣⵔⵉⵏ ⵙⴳ ⵜⵉⵣⵉ ⵜⵉⵙⵙ 09, ⴳ ⵜⴷⴰⵍⴰ ⵏⵏⴰ ⵢⵡⴰⵍⴰⵏ ⵉ ⵜⴽⴰⴷⵉⵎⵉⵜ ⵜⴰⵙⴳⴰⵡⴰⵏⵜ ⵏ ⵓⵙⴳⵎⵉ ⴷ ⵓⵙⵍⵍⵎⴷ ⵏ ⵜⵙⴳⴰ ⵏ ⴷⵕⴰ ⵜⴰⴼⵉⵍⴰⵍⵜ ⴳ ⵜⵖⵔⵎⵜ ⵏ ⵕⵕⴰⵛⵉⴷⵉⵢⵢⴰ, ⵉⵡⴰⵍⴰ ⵜⵜ ⵉⴷ ⵡⴰⵙⵙ ⵏ ⵓⵙⵉⵏⴰⵙ ⴳ ⵡⴰⵎⵎⴰⵙ ⵏ ⵓⵙⵎⵓⵜⴳ ⴰⵙⵓⵍⴰⵏ ⵃⵎⵎⴰⵏ ⵍⴼⵟⵡⴰⴽⵉ ⵏⵏⴰ ⵉⵍⵍⴰⵏ ⴳ ⵜⵖⵔⵎⵜ ⵏ ⵡⴰⵔⵣⴰⵣⴰⵜ, ⴳ ⵓⵙⵏⵜⵍ ⵏ « ⵉⵡⵉⵍ ⵏ ⵜⵛⴰⵔⵔⴰⵜⵉⵏ ⵜⵉⵎⵥⵢⴰⵏⵉⵏ ⴳ ⵜⵙⴳⴰ ⵏ ⴷⵕⴰ ⵜⴰⴼⵉⵍⴰⵍⵜ », ⵓⵎⴰⵏ ⴳ ⵉⵙⵇⵇⵉⵎⵏ ⴰⴷ ⵜⵓⴳⵜⵜ ⵏ ⵉⵎⵙⵜⴳⴳⴰⵔⵏ ⴷ ⵎⵔⴰⵔⴰⵏ ⴰⵡⴰⵍ ⵅⴼ ⵜⵓⵎⴰⵏⵜ ⴰⴷ ⵏⵏⴰ ⵙⵜⵉⵏ ⴰⴷ ⵜⴳ ⴰⵙⵏⵜⵍ ⵏ ⵓⵙⴼⵓⴳⵍⵓ ⵙ ⵡⴰⵙⵙ ⴰⴳⵔⴰⵖⵍⴰⵏ ⵏ ⵜⵡⵜⵎⵜ.

ⵟⴰⵏⵊⴰ - ⵜⵙⵏⵎⴰⵍⴰ ⵜⵎⵙⵎⵓⵏⵜ ⵏ ⵉⵙⵍⵎⴰⴷⵏ ⵏ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⴳ ⵜⵙⴳⴰ ⵏ ⵟⴰⵏⵊⴰ ⵜⵉⵟⵟⴰⵡⵉⵏ ⵙ ⵜⵎⵣⴷⴰⵢⵜ ⴷ ⵜⵎⵙⵎⵓⵏⵜ ⵏ ⵎⴰⵙⵉⵏⵉⵙⴰ ⵉ ⵜⴷⵍⵙⴰ ⵢⴰⵏ ⵉⵖⵉⵎⵉ ⵏ ⵓⵎⵔⴰⵔⴰ ⵏ ⵡⴰⵡⴰⵍ ⵅⴼ ⵓⵙⵏⵜⵍ « ⵜⵉⵍⴰⵍⵜ ⵏ ⵜⵎⵖⴰⵔⵜ ⴳ ⵓⴼⵔⴰⴳ ⵏ ⵜⵓⵜⵍⴰⵢⵜ ⴷ ⵜⵓⵙⵙⵏⴰ ⵜⴰⵎⴰⵣⵉⵖⵜ », ⴰⵙⵙ ⵏ ⵓⵙⵉⴹⵢⴰⵙ ⴰⴷ ⵉⵣⵔⵉⵏ ⴳ ⵜⵉⵣⵉ ⵜⵉⵙⵙ ⴽⵕⴰⴹⵜ ⵏ ⵜⴷⴳⴳⵯⴰⵜ, ⴳ ⵡⴰⵎⵎⴰⵙ ⵏ ⵡⴰⵏⵙⴰ ⵏ ⵜⵎⵙⵎⵓⵏⵜ ⵏ ⵎⴰⵙⵉⵏⵉⵙⴰ ⵏⵏⴰ ⵢⵍⵍⴰⵏ ⴳ ⵓⵙⵓⴽ ⵏ ⵄⵓⵎⴰⵕ ⴱⵏ ⵍⵄⴰⵚ 41.31 ⵜⴰⴷⵓⵍⵉ ⵜⵉⵙⵙ 5 ⵓⵟⵟⵓⵏ ⵡⵉⵙⵙ 5.

ⵕⵕⴱⴰⵟ - ⵜⵙⵏⵎⴰⵍⴰ ⵜⵎⵙⵎⵓⵏⵜ ⵏ ⵉⵙⵍⵎⴰⴷⵏ ⵏ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⴳ ⵜⵙⴳⴰ ⵏ ⵓⴳⵎⵎⵓⴹ ⵢⴰⵜ ⵜⵉⵏⴰⵡⵜ ⵜⴰⵎⴰⵙⵙⴰⵏⵜ ⴷⴷⵓ ⵏ ⵓⵣⵡⵍ « ⴰⵜⵉⴳ ⵏ ⵜⵓⵜⵍⴰⵢⵜ ⵜⴰⵢⵎⵎⴰⵜ ⴳ ⵓⵙⵍⵎⴷ » , ⴷⴷⴰⵡ ⵏ ⵓⵜⵓⵢ ⵏ ⵙⵉⵏ ⵉⵙⵍⵎⴰⴷⵏ, ⵏⵏⴰ ⴳⴰⵏⵉⵏ ⵉⵎⴳⴳⵉⵡⵙⵏ ⵏ ⵓⵙⵍⵎⴷ ⴰⵎⵏⵣⵓ ⴳ ⵜⵖⵔⵎⵉⵏ ⵏ ⵏⵏⴰⴹⵓⵕ ⴷ ⵍⵃⵓⵙⴰⵢⵎⴰ, ⵎⴰⵙⵙ ⵄⴱⴷⵍⵎⵊⵉⴷ ⴱⵏⵃⵎⵎⴰⴷⵉ ⴷ ⵎⴰⵙⵙ ⵏⴰⵊⴰⵃ ⴱⵓⵛⵉⵢⵢⵓⵄ, ⴰⵙⵙ ⵏ ⵓⵙⵉⴹⵢⴰⵚ ⵏⵏⴰ ⵢⵣⵔⵉⵏ ⴳ ⵜⵙⴷⵍⵉⵙⵜ ⵏ ⵓⴷⴷⵉⵙ ⴰⴷⵙⵍⴰⵏ ⴳ ⵜⵖⵔⵎⵜ ⵏ ⵏⵏⴰⴹⵓⵕ.

ⵕⵕⴱⴰⵟ - ⵅⵜⵉⴷ ⴰⴷ ⵉⴳⴰⵏ ⵜⵉⴼⵙⵏⵉⵡⵉⵏ ⵖⵍⵉⵏⵉⵏ ⵏ ⵡⴰⵙⵙ ⵏ ⵓⴽⵕⴰⵙ 13 ⵎⴰⵕⵚ 2019 ⵖ ⵜⴳⵍⴷⵉⵜ, ⵖⵎⴽⵍⵍⵉ ⵙ ⵜⵏⵏⴰ ⵜⵎⵀⵍⴰ ⵜⴰⵏⴰⵎⵓⵔⵜ ⵏ ⵓⵏⵣⵡⵉ.

ⵜⵉⵏⵊⴷⴰⴷ - ⵜⵙⵏⵎⴰⵍⴰ ⵜⵎⵙⵎⵓⵏⵜ ⵏ ⵓⵏⵎⵓⴳⴳⴰⵔ ⵉ ⵓⵙⴳⵎⵉ ⴷ ⵜⴷⵍⵙⴰ ⵢⴰⵜ ⵜⵉⵏⴰⵡⵜ ⵙ ⵜⵎⵍⴷⴰ ⵏ ⵓⵙⴼⵓⴳⵍⵓ ⵙ ⵡⴰⵙⵙ ⴰⴳⵔⴰⵖⵍⴰⵏ ⵏ ⵜⵡⵜⵎⵜ, ⴷⴷⵓ ⵏ ⵓⵣⵡⵍ "ⵜⴰⴱⵔⵉⴷⵜ ⵜⴰⵣⵔⴼⴰⵏⵜ ⴷ ⵜⴳⴰⵎⴰⵏⵜ ⵉ ⵜⵡⵜⵎⵉⵏ ⵏ ⵉⴼⴼⵓⵙ ⴰⵜⴰⵔⴰⵎ", ⴰⵙⵙ ⵏ ⴰⵙⵉⵎⵡⴰⵙ ⴰⴷ ⵉⵣⵔⵉⵏ ⴳ ⵜⴷⴰⵍⴰ ⵏ ⵉⴳⵔⴰⵡⵏ ⵏ ⵜⴳⵔⴰⵡⵜ ⵏ ⵜⵉⵏⵊⴷⴰⴷ ⴳ ⵜⵉⵣⵉ ⵜⵉⵙⵙ 14 ⵏ ⵜⴷⴳⴳⵯⴰⵜ, ⵔⴰⴷ ⵜⵎⵓⵏ ⵙⵉⵏ ⵉⵙⵍⵎⴰⴷⵏ ⴳ ⵜⵉⵏⴰⵡⵜ ⴰⴷ ⵏⵏⴰ ⴰⵙ ⵉⵙⴽⵔⵏ ⵓⵜⵓⵢ, ⵎⴰⵙⵙ ⵙⴰⵄⵉⴷ ⵍⵄⵏⵣⵉ, ⴷ ⵎⴰⵙⵙ ⵍⵃⵙⵏ ⴰⵎⵇⵕⴰⵏ.